فراكسیۆنی یەكگرتوو:
ئێمە تەسلیم نەبوین، مزایەدەش قبوڵ ناكەین
PM:06:27---22-06-2015
ئه‌م بابه‌ته 4763 جار خوێنراوه‌ته‌وه‌‌
كوردستان رایده‌گه‌یه‌نێت، فراكسیۆنی یه‌كگرتوو ستراتیژی روونه‌ و موزایه‌ده‌ی هه‌ندێك كه‌س و لایه‌نیش ره‌ت ده‌كاته‌وه‌، ده‌شڵێت هه‌موو ئه‌وانه‌ی باس له‌ ته‌سلیمبوونی یه‌كگرتوو ده‌كه‌ن، ئه‌وان ته‌سلیمبوون به‌ هه‌ژموونخوازی و به‌هه‌ده‌ردانی سامانی وڵات و دروستكردنی قه‌یرانی گه‌وره‌ و داڕمانی ئابووری و دروستكردنی شه‌ڕی ناوخۆ و دوو ئیداره‌یی و به‌ حزبیكردنی كۆی ژیانی سیاسی هه‌رێم و ده‌یان قه‌یرانی تر كه‌ هه‌رێمه‌كه‌مان پێوه‌ی ده‌ناڵێنێت.

له‌ به‌یاننامه‌یه‌كدا فراكسیۆنی‌ یه‌كگرتووی‌ ئیسلامیی‌ كوردستان له‌ په‌رله‌مانی‌ كوردستان رایگه‌یاند: " ستراتیژی له‌سه‌ر ئه‌و بابه‌تانه‌ روون بووه‌ و له‌ پێشه‌نگی ئه‌و كه‌سانه‌ بوون كه‌ پرۆژه‌ و پێشنیاری گونجاومان پێشكه‌ش كردووه‌".


ده‌قی‌ به‌یاننامه‌كه‌ی‌ فراكسیۆنی‌ یه‌كگرتوو

له‌ سه‌ره‌تای باس و خواسه‌كانی پرسی ده‌ستووری هه‌رێمی كوردستان و بابه‌ته‌ په‌یوه‌ندیداره‌كان پێیه‌وه‌ فراكسیۆنی یه‌كگرتووی ئیسلامیی روئیا و ستراتیجی له‌سه‌ر ئه‌و بابه‌تانه‌ روون بووه‌ و له‌ پێشه‌نگی ئه‌و كه‌سانه‌ بوون كه‌ پرۆژه‌ و پێشنیاری گونجاومان پێشكه‌شكردووه‌.

به‌داخه‌وه‌ له‌ ماوه‌ی دوو رۆژی رابردوودا هه‌ڵمه‌تێكی چه‌واشه‌كارانه‌ی به‌ مه‌به‌ست، ئه‌نجامدرا له‌سه‌ر فراكسیۆنی یه‌كگرتوو تایبه‌ت به‌ پرسی سه‌رۆكایه‌تی هه‌رێم و مه‌به‌سته‌كانی ئه‌و جۆره‌ پڕوپاگه‌ندانه‌ش لای ئێمه‌ روون و ئاشكرایه‌.. بۆیه‌ به‌ هه‌موو دۆستان و خۆشه‌ویستان رایده‌گه‌یه‌نین:

1ـ ئێمه‌ له‌ یه‌كگرتوو هه‌ر له‌ سه‌ره‌تاوه‌ به‌رچاومان رۆشن بووه‌ ده‌رباره‌ی ئه‌م پرسه‌ و له‌ كۆبوونه‌وه‌كانی سه‌رۆكایه‌تی په‌رله‌ماندا تێڕوانینی خۆمان خستووه‌ته‌ڕوو كه‌ ئه‌م پرسه‌ پێویستی به‌ سازانی نیشتمانی هه‌یه‌ و بژارده‌ی ده‌ستوورمان به‌ باشترین بژارده‌ زانیوه‌.

2ـ دوای ئه‌وه‌ی كۆمسیۆنی هه‌ڵبژاردن و راپرسی له‌ كورستان رایگه‌یاند كه‌ ناتوانێت هه‌ڵبژاردن ئه‌نجام بدات، بۆیه‌ هه‌مواری یاسای سه‌رۆكایه‌تی هه‌رێم بووه‌ ئه‌و بژارده‌یه‌ی كه‌ ده‌توانێت‌ چاره‌سه‌ری ئه‌م پرسانه‌ بكات.

3ـ فراكسیۆنی یه‌كگرتوو له‌لایه‌ن حزبه‌وه‌ متمانه‌ی ته‌واوی پێدراوه‌ و پشتگیری بۆچوون و تێڕوانینه‌كانی كراوه‌ و فراكسیۆنیش ئیلهامی له‌ نزیكی رێكخستنه‌كان و جه‌ماوه‌ره‌كه‌ وه‌رگرتووه‌. 

4ـ هه‌موو ئه‌وانه‌ی باس له‌ ته‌سلیمبوونی یه‌كگرتوو ده‌كه‌ن، ئه‌وان ته‌سلیمبوون به‌ هه‌ژموون خوازی و به‌هه‌ده‌ردانی سامانی وڵات و دروستكردنی قه‌یرانی گه‌وره‌ و داڕمانی ئابووری و دروستكردنی شه‌ڕی ناوخۆ و دوو ئیداره‌یی و به‌ حزبیكردنی كۆی ژیانی سیاسی هه‌رێم و ده‌یان قه‌یرانی تر كه‌ هه‌رێمه‌كه‌مان پێوه‌ی ده‌ناڵێنێت.‌ 

5ـ ئاساییه‌ له‌ناو هه‌موو حزبێكی سیاسیدا بیروبۆچوونی جیاواز له‌سه‌ر میكانیزم و شێوازی چاره‌سه‌ر هه‌بێت، به‌ڵام بنه‌ما و پره‌نسیپ و تێڕوانینی ستراتیژی لای ئێمه‌ نه‌گۆڕن. 

6- دووپاتی ده‌كه‌ینه‌وه‌ په‌رله‌مانتارانی فراكسیۆنی یه‌كگرتوو هیچ ئیمزایه‌كیان له‌سه‌ر پرۆژه‌ یاساكه‌یان نه‌كشاندووه‌ته‌وه‌ و هیچ رێكارێك به‌و ئاراسته‌یه‌دا نه‌گیراوه‌ته‌ به‌ر.

بۆیه‌ هه‌موو لایه‌ك دڵنیاده‌كه‌ینه‌وه‌ ئه‌مجۆره‌ ته‌مومژ دروستكردنه‌ نابنه‌ له‌مپه‌ر له‌سه‌ر رۆڵی یه‌كگرتوو و فراكسیۆنه‌كه‌ی له‌ هاوكێشه‌ی سیاسی كوردستان و خه‌باتی مه‌ده‌نی و په‌رله‌مانی، بۆ به‌دیهێنانی خواست و داواكانی جه‌ماوه‌ر و به‌ دامه‌زراوه‌كردنی ژیانی سیاسی له‌ هه‌رێمدا و هێنانه‌كایه‌ی سیستمێكی دادپه‌روه‌رانه‌ی په‌رله‌مانی كه‌ له‌ ئاست قوربانیه‌كانی گه‌له‌كه‌ماندا بێت .

فراكسیۆنی یه‌كگرتووی ئیسلامی له‌ په‌رله‌مانی كوردستان
22/6/2015



كوا خوێنی شەهید قەڵەم سۆرانی مامە حەمە؟
منبەج ، بۆچی گرنگە؟!
سەلاحەدین بەهادین دەگەڕێتەوە
موحافیزكاران و ریفۆرمخوازان لە هەڵبژاردنەكانی ئێراندا
غرووری پارتی دەشكێت، یان سیحری گۆڕان بەتاڵ دەبێتەوە؟
ڕۆشنبیرانی ”بەیعە“گەر
دەربارەی بەیاننامەی ٢٢٥٠ ڕۆشنبیرەکە
قیڕەقیڕی عەلمانیەت و دین لە کوردستاندا
دکتۆر قاسملو:
"بیرمەندە شۆڕشگێڕەکە"
لولا داسیلڤا ، سەرۆكی بەرازیل
ئەو سەرۆكەی مێژوو دوبارەی ناكاتەوە
ئەژدیهای قــەرز لەگەردنـی هەرێمی کوردسـتانەوە دەئـاڵـێـــت
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە