تێزەكانی ئەپرێل-لینین
PM:03:22---31-01-2016
ئه‌م بابه‌ته 9854 جار خوێنراوه‌ته‌وه‌‌

(دەربارەی ئەركەكانی پرۆلیتاریا لە شۆڕشی هەنوكەییدا)

نووسینی: لینین
وەرگێڕانی لە ئینگلیزییەوە: كارزان عەزیز، پێشڕەو محەمەد

تێبینیی: ئەمە تەنها وەرگێڕانی خودی تێزەكانە و بەم زووانە، وەك نامیلكەیەك، شەرحێكی ئەم تێزانە بەدەستەوە دەدەین
****
من هەندێك تێزم خستووەتەڕوو كە دەمەوێت بە كۆمەڵێك سەرنج كۆمەكیان بكەم. بەهۆی نەبوونی كاتەوە، نەمتوانی ڕیپۆرتێكی سیستماتیك پێشكەش بكەم. پرسیارە بنەڕەتییەكە لێرەدا بریتییە لە هەڵوێستی ئێمە سەبارەت بە جەنگ. 
ئەو شتە سەرەكییانەی كە تۆ لە خوێندنەوەدا دەربارەی ڕوسیا و لێرەدا بە تێبینیكردنی هەلومەرجەكان ڕووبەڕوویان دەبیتەوە بریتیین لە سەركەوتنی بەرگریخوازیی، سەركەوتنی خائینانی سۆسیالیزم، هەڵخەڵەتاندنی كۆمەڵان و گرووپە جیاجیاكانی خەڵك لەلایەن بۆرژوواوە... حكومەتی نوێ، وەكو حكومەتە پێشینەكە، ئیمپریالیستییە، سەرەڕای پەیمانەكەی بۆ كۆماریی_ بەتەواویی حكومەتێكی ئیمپریالیستییە.

یەك
نابێت لە هەڵوێستماندا سەبارەت بە جەنگ، بە بچووكترین شێوەش تەسلیمی "بەرگریخوازیی شۆڕشگێڕیی" ببین، لەسایەی حكومەتی نوێی لڤۆڤ و هاوپەیمانەكانیدا، بە قەرزداربوون بە سروشتی سەرمایەدارانەی ئەم حكوومەتە، لەلایەن ڕوسیاشەوە شەڕەكە بە شەڕێكی وەحشییانەی ئیمریالیستیانە دەمێنێتەوە. لە دیدی ڕاستگۆیانەی گومانهەڵنەگری جەمارەوی پلەدار و نوێنەرانی فایلی بەرگریخوازیی شۆڕشگێڕییەوە، ئەوانەی كە جەنگ وەكو زەرورەتێك دەبینن نەك وەكو ئامرازێكی داگیركاری، لە بۆچوونیاندا كە لەلایەن بۆرژوواوە چەواشەكراوە، پێویستە زۆر بە تەواویی و بەردەوامی و ئارامگرییەوە هەڵەكەیان بۆ ڕوونبكەینەوە، ئەو هەڵەیان بۆ ڕوونبكەینەوە كە پەیوەندییەكی دانەبڕاو لەنێوان سەرمایە و جەنگی ئیمپریالیستیدا هەیە، پیویستە ئەوە بسەلمێنین كە موستەحیلە بەبێ لەناوبردنی سەرمایە بتوانین بە ئاشتییەكی دیموكراتی و نا_سەركوتكەرانە كۆتایی بە جەنگ بهێنین.

دوو
تاقانەیی و تایبەتێتیی دۆخی ئێستای ڕوسیا بریتییە لەوەی كە قۆناغێكی گواستنەوە لە قۆناغی یەكەمی شۆڕش پیشاندەدات، لەبەر نەنگیی ڕێكخراوەیی و نەقسی ئاگایی_چینایەتی پرۆلیتاریا، بۆرژووا توانی دەسەڵات بەدەستەوە بگرێت_ بۆ قۆناغی دووەم كە بریتییە لە دەسەڵات خستنە دەستی پرۆلیتاریا و هەژارترین چینی جوتیاری كرێگرتە...
ئەم دۆخە تایبەتە توانای خۆگونجاندنمان لەگەڵ مەرجە دیاریكراوەكانی كاری حزبیدا لێدەخوازێت لەنێوان جەماوەری بەرفراوانی پرۆلیتاریا كە بەمزووانە بۆ ژیانی سیاسیی ڕاپەڕی.

سێ
هاوكارینەكردنی حكومەتی كاتیی؛ خستنەڕووی بەڵێنە درۆینە و جێبەجێنەكراوەكانی، بەتایبەتی ئەوانەی كە پەیوەستبوون بە دەستبەرداربوون لە لكاندنەوەی ناوچەكانیتر بە ڕوسیاوە. پەردەهەڵماڵین و دەمامك هەڵدانەوەی "خواست"ی وەهم_خەرەوە، لەجیاتی سوربوون، كە ئەم حكوومەتە، حكوومەتێكی سەرمایەدرانە، دەبێت لە بوون بە ئیمپریالستی بوەستێت...

چوار
داننان بەو ڕاستییەی كە لە زۆربەری شورای نوێنەرایەتی كرێكاراندا حزبەكەمان كەمینەیەك پێكدەهێنێت، كەمینەیەكە لەبەرامبەر بەرەی هەموو ڕەگەزی هەلپەرستی وردە_بۆرژووا... ئەوانەی كە ملكەچی كاریگەریی بۆرژووا بوون... 
پێویستە ئەوە بۆ جەماوەر ڕوونبكرێتەوە كە شورای نوێنەرایەتیی كرێكاران تەنها فۆرمی شیمانەكراوی حكوومەتی شۆڕشگێڕییە و بەمهۆیەشەوە، هەرچەندە ئەم حكوومەتە ملكەچی كاریگەریی بۆرژووایە، ئەركەكەمان بریتی دەبێت لە خستنەڕووی شیكارێكی ئارامگرانە و سیستماتیك و بەردەوامی هەڵە و تاكتیكەكانی، شیكارێك كە بە تایبەتی لەگەڵ پێویستییە پراكتیكییەكانی جەماوەراندا دەگونجێت...

پێنج
كۆماریی پەرلەمانیی نا – چونكە گەڕانەوە لە شوراكانی نوێنەرایەتیی كرێكاران بۆ كۆماریی پەرلەمانیی هەنگاوێكە بەرەو دواوە -، بەڵكو سەقامگیركردنی كۆماریی شورای كرێكاران و جوتیاران و كرێكارانی كشتوكاڵ لە سەرتاپای وڵاتدا، لە سەرەوە بۆ خوارەوە. 
ڕەتكردنەوەی پۆلیس، سوپا و بیرۆكراسیی... هەموو ئەفسەران دەبێت هەڵبژێردرێن و لەهەر كاتێكدا دەبێت ئامادەبن كە بانگبكرێن، نابێت مووچەكانیان تێكڕای كرێی دەستی كرێكارێكی كارامە تێپەڕێنێت...

شەش
بەرنامەی زەویی، دەبێت بگوازرێتەوە بۆ ناوەندی شورای نوێنەرانی كرێكارانی كشتوكاڵی (جووتیاری كرێگرتە) و ڕێكخستنی كۆی زەوییە موڵكییەكان. 
بەنەتەوەییكردنی هەموو زەوییەكان لە وڵاتدا، و بەڕێوەبردنی كاروبارەكانی ئەم زەوییانە لەلایەن شورا لۆكاڵییەكانی كرێكارانی كشتوكاڵیی و جووتیارانی كرێگرتە. دروستكردنی شورای نوێنەرانیی كشتوكاڵیی بۆ هەموو زەوییە گەورەكان. 

حەوت
تێكەڵكردنی خێرای هەموو بانكەكانی وڵات بۆ نێو بانكێكی یەكگرتووی نەتەوەیی و دامەزراندنی خێرای چاودێریی بەسەریاندا لەلایەن شورای نوێنەرانی كرێكارانەوە. 

هەشت
ئەركی ڕاستەوخۆ و خێرای ئەمڕۆی ئێمە "باوكردن"ی سۆسیالیزم نییە، بەڵكو تەنها هەنگاوێكی خێرایە بۆ دادانی كۆنتڕۆڵ لەلایەن شورای نوێنەرانی كرێكارانەوە بەسەر بەرهەمهێنانی كۆمەڵایەتی و دابەشكردنی بەرهەمەكاندا. 

نۆ
وەزیفەكانی حزب:
ئەلف: دامەزراندنی خێرای كۆنگرەی حزب.
با: گۆڕینی بەرنامەی حزب بەتایبەت: 
1) لەبارەی ئیمپریالیزم و جەنگی ئیمپریالیستییەوە.
2) لەبارەی میتۆد بەرانبەر بە دەوڵەت و خواستی ئێمە دەربارەی "دەوڵەت-كۆمۆن"ـەوە.
3) چاكسازیی بەرنامە لانیكەم كە ئیتر كۆن بووە.
جیم: گۆڕینی ناوی حزب 

دە: 
بونیادنانەوەی ئەنتەرناسیۆنال. ئامرازی ڕوون و ئاشكرای دامەزراندنی ئەنتەرناسیۆنالێكی شۆڕشگێڕ، ئەنتەرناسیۆنالێك دژی سۆسیالشۆڤینیستەكان و دژی "ناوەند".



زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە