لە ساڵیادی بەرەنگاربونەوەی گەندەڵی دادوەری : (وەڵام بۆ ملشۆڕەكان)
PM:01:12---12-11-2016
ئه‌م بابه‌ته 2400 جار خوێنراوه‌ته‌وه‌‌
لڤین : سۆران محەمەد غەریب

ئەم گوتارەم تەواو جیاوازە لە گوتارەكانی ترم ، لەبەر ئەوەی پەیوەستە بە ساڵڕۆژی بەرەنگاربونەوەی گەندەڵی لە بەرامبەر دەسەڵاتی دادوەری لە هەرێمدا ، ئەو دەسەڵاتەی هاوكێش و هاوشێوەی لە گەندەڵیدا بونی نیە لە تەواوی جیهاندا . لاوازی ئەم دەسەڵاتە دادوەریە بەشێكە لەو قەیرانانەی باڵی كێشاوە بەسەر كوردستاندا و ناتوانین لێی دەاباز بین ، لەبەر ئەوەی حیزب بڕیاردەرەی دەستەمۆی حیزبەكان كراوە لەسەر بنەمای دابەشكاری و بەرژەوەندی . تا ئەو ڕادەیەی بوەتە گۆڕەپانی لایەنە سیاسیەكانی هەرێم و ڕمبازێنی تیادا دەكەن هەروەكو كەلاكی نێچیر هەریەكە و بەشی خۆی دەبات بە ڕێكەوتنی ژێربەژێر . دواجار ماف لە دەست دەچێت و خاوەن ماف وێڵ و سەرگەردان دەبێت . ئەمەش لە ڕێگای ژمارەیەك دادوەری حیزبی كە ناو دادگاكانیان تەنیوەتەوە و بڕیار هەر بڕیاری ئەوانە لە گشت پرسە هەستیارەكاندا.

بەرواری 11 / 11 ڕۆژی بە گژاداچونەوەیە لە دژی ئەم دەسەڵاتە و دادوەرە گەندەڵەكان كە دادگاكانیان كردوە بە گەمە و موشێن و بە ئارەزوی خۆیان (سەر و حەج) دەگرن و چۆنیان بوێت ئاوەها دەكەن بێ ئەوەی گەورەیەك هەبێت لە ناو هەرێمدا كە خۆی بە بەرپرس بزانێت تا لێپێچینەوەیان لەگەڵدا بكات هۆی ئەمەش ئەوەیە ئەم جۆرە ڕەگەزانە لە دادوەر بونەتە بوكەڵە یان پەیكەری دەستی حیزب و سیاسەتی لایەنەكان ، چونكە ئەوانە لە لایەن بەرپرسە باڵاكانی هەرێمەوە دانراون كە گاڵتەیان بە یاسا و دادوەری دێت . هەربۆیە بە گیانی بەربەرەكانیەوە لە دژیان وەستاومەتەوە .

لەیادی (3) ساڵەی ئەو بەرەنگاربونەوەیەدا چەند دێڕك پێویستە بگوترێت و دەیڵێم :

1/ سێ ساڵ لەمەوبەر و لەم ڕۆژەدا بڕیارێك دەرچوو لە ئەنجومەنی دادوەری هەرێم بە دامەزراندنی ژمارەیەك دادوەر . ئەگەر چی من یەكێك بوم لەو پاڵێوراوانە ، بەڵام بە هۆی ئەوەی یەكێك نەبوم لە پاشكۆی حیزبەكانی دەسەڵات یان لە ناو ڕێكەوتنی ژێربەژێری حیزبەكاندا نەبوم هەر بۆیە ڕۆژێك پێش ئەم بەروارە واتا لە 10/11 /2013 لە ژووری سەرۆكی دادگادا دادوەرێكی حیزبی عەیار (24) بە بێڕەوشترین شێوە فەرمانی بەسەر سەرۆكی دادگادا كرد و نابێت ناوم بخرێتە ناو لیستی ئەو كەسانەی بە دادوەر دادەمەزرێن ئەمە لە كاتێكدا خۆم لەبەردەم ژوری سەرۆكی دادگا بوم و ئاگادار بوم و دادوەرێكی تریش گەواهیدەری ڕوداوەكەیە . ئەمەی ئەو دادوەرە حیزبیە كردی سەرباری ئەوەی كارێكی نادادپەروەرانەیە لە هەمان كاتیشدا ئەوە نیشان دەدات كە بە تەواوی داماڵڕاوە لە ڕەوشت و بێ ئەرزشە و بە دوورە لە هەموو ئاكارێكی مرۆڤانە . چونكە كاتێك دادوەر دادپەروەرە ئەگەر بێتو هیچ كاریگەریەكی دەرەكی حیزبی لەسەر نەبێت و جیاوازی نەكات و ڕاستیخواز بێت و ناخێكی پیس و گەنندەی نەبێت و هەڵگری بوغز و كینە نەبێت .

2/ لە دوای ئەو بڕیارەی لە ئەنجومەنی داوەری هەرێم دەرچوو و ناوم لادرا بەو بڕیار و فەرمانە دەم و دەست لە ڕووی باڵادەسترین دەسەڵاتدارانی هەرێم وەستام و بێ دەنگی و ملكەچیم نیشان نەدا هەوەكو ئەو كەسانەی كە لە پێشوتردا خۆیان بە مافخوراو هەژمار دەكرد ، چونكە بە بیڕوباوەری كەسێتی خۆم كاتێك مرۆڤ دەتوانێت بڵێت من مافخوراوم كە دوو هەنگاوی دروست بنێت . یەكەم: داوای مافی خۆی بكات كە زەوتكراوە لە پێناو وەرگرتنەوەی . دوەم: ئەگەر زەوتكار یان ستەمكار ئامادە نەبوو بیگەڕێنێتەوە بۆی ئەوا بێ دوو دڵی دەبێت بەرەنگاری بێتەوە و كار بۆ خستن و داڕمانی ستەمكار بكات .

3/ هەمیشە وتومە و ئێستاش دەیڵێمەوە ( ئەو كەسانەی كە پایە و كورسی گەورەی كردون خۆیان زۆر بچوكن) . من وەكو خۆم وایدەبینم گەورەیی كەسانی مافپەروەر و یاساناسی ڕاستگۆ لە كورسی دادوەریدا نابینمەوە ، چونكە ناكرێت كەسێك ببێت بە دادوەر یەكەمین هەنگاوەكانی بە یاسا شكێنی دەست پێكات . هەروەكو لە یاسای دادوەریدا هاتوە لە دەقی مادەی (35) بڕگەی (9 )دادوەر پێش دامەزراندنی ئەگەر سەر بە حیزبێكی سیاسی بوبێت دەبێت دەست لەكار بكێشێتەوە ، بەڵام ئەم یاسایە تەواو پێچەوانەی جێبەجێكراوە بە بەڵگەی ئەوەی دادوەرە حیزبیەكان شوێنە هەستیارەكان و دادگاكانی هەرێمیان تەنیوەتەوە .

4/ لە سەروەختی ئەوەی ناوم لە ناو لیستی دەرچوان بوو كە لە هەرە سەركەوتوەكان بووم سەرۆكی دادگای ئەم ناوچەیە خۆی باش دەزانێت تەنانەت بە دانپیادانانی لای چەند دادوەرێك ، هەر بۆیە قڕوقەپی لێكردوە و بوێری ئەوەی تیادا نیە نەك وەڵام ، بەڵكو تەنها یەك وشە لە دەمی بێتە دەرەوە .

5/ هەندێ كەسی بێ ئاست لە ئیرەیی بردنیان بە سەركەوتنم وەكو بایەقوش و قەلەڕەشكە دەیانخوێند و دەنگۆی ئەوەیان بڵاوكردەوە ، گوایا من بە هۆی ئەو سەرۆك دادگایەوە سەرخراوم . كەچی ئەو فەرمانە حیزبیەی بەسەر سەرۆكی دادگادا سەپێنرا تەواو ناڕاستی سەلماند ، چونكە پەراوێزخرام و لە لیستی پاڵێوراوان دەرهێنرام . ئەو كەسە بێ ئاستانە بەهۆی ژێركەوتنیان پەنایان بردە بەر حیزب نەك خۆیان بەڵكو خێزانەكانیشیان بون بە حیزبی تا لەم ڕێگایەوە لە ئایندەدا لە ناو دەزگا و دامەزراوە دادوەریەكاندا پایەیەك وەربگرن . ئێستا لەبەر چاوماندان و دەزانین چۆن و كێ كارئاسانی بۆ كردون لە ڕێگای حیزبەوە . ئا لێرەدا دەركەوت ئەوانە جگە لە ماستاو كردن بۆ خەڵكانێكی وەكو خۆیان بێ بەها . ئامادەن هەموو شتێك لە دەست بدەن تەنها بۆ ئەوەی بگەن بە كورسی دادوەری . بەڵام ئەو كەسانەی وایان دەگوت گوایا من خۆم دەبەمە پێش لە سەرۆكی دادگا . زۆر بە ڕونی و بێ پەروا دەبینن چۆن كاسەی سەریانم خستۆتە ژێر پێمەوە و خوێندنەوەی پوشێكیان بۆ ناكەم . ئێستاكە ڕوون بوەوە كێ خۆ بەرەو پێشبەرە لە سەرۆكی دادگا و بەرپرسە حیزبیەكان .

6/ لە هەوڵێكی تاكەكەسی و بێ وێنەدا توانیم لە ماوەی ئەم (3) ساڵەدا دەیەها بەڵگەی گەندەڵی بە دەست بهێنم لەسەر دادوەرە گەندەڵەكان لە ناو هەرێمدا و لە ناو ڕاگەیاندنەكاندا بڵاویان بكەمەوە و لە ناو خەڵكی كوردستاندا شەرمەزاریان بكەم . هەر لە بە حیزبی بونی دادوەران تا دەگاتە تێوەگلانیان لە گەندەڵی بە بازرگانی كردن و دەست تێكەڵ كردنیان لەگەڵ بەڵێندەر و بازرگان و ساختەكردن لە ناو كێشەكانی دادگادا . ئەمەش ئەو شانازیەیە بۆ خۆم بەدەست هێناوە نەك لە هەرێمی كوردستان ، بەڵكو لە تەواوی ناوچەكەدا لەبەر ئەوەی لە ڕابردودا هیچ هەنگاوێكی لەم چەشنە لە بەرەنگاربونەوەی گەندەڵی بونی نەبوە و نەبینراوە . ئەمەش بە دەستبەردار بونم لە بەرژەوەندی تاكەكەسی خۆم لە كاری پیشەییدا لە پێناو ڕیشەكێش كردنی گەندەڵی لە ناو ئەم دەسەڵاتە و كاركردن بۆ گەیشتن بە دادپەروەریەكی ڕاستەقینەدا ئەمە لەكاتێكدا هاوپیشەكانم سەرگەرمی گیرفان پڕ كردن و خۆ دەوڵەمەند كردن نبە هەموو شێوەیەك .

7/ سەرچاوەگیری ئەم هەنگاوانەم لەوەوە دێت ، دیدی من تەواو جیاوازە لە تەواوی پارێزەران و مافناسانی دی بەوەی پیشە پارێزەرایەتی بەر لەوەی بەسەرچاوەی بژێوی و پارەبەدەست هێنانی بزانم بە بونی كەسَتیەكی بەهێزی دەبینم نەك سەرنەوی و لەق . ئەو كاتە پارێزەر پارێزەر پێی دەوترێت پارێزەر ئەگەر بتوانێت بەرگری لە خۆی و مافەكانی و پیشەكەی خۆی بكات . پارێزەر ئەگەر نەتوانێت پارێزەری مافەكانی خۆی بێت ناتوانێت بەرگری لە مافی كەسانی تر بكات . (ئەم شەكر شكاندنەم زۆر بیستوە و بە بەردەوامی دەوترێت : نەكراویت بە دادوەر بۆیە وا دەكەیت یان هەندێ جار دەوترێت كێشەیەكی كەسیە یان پێشتر بۆ بێدەنگ بویت) ئەمە ئەو كەسانە دەیڵێن خۆیان تێنەگەیشتون یان بێ ئاستن و هیچیان لە دەست نایەت وێڕای ئەوەی گەندەڵیەكانیش دەبینن و هەر بێدەنگن . دەركەوت كێ شایستە بوو ببێت بە دادوەر ..؟ ئەوانەی سەریان شۆڕ كردوە یان كەسێك بەرەنگاری گەندەڵیە و ئامادەگی ئەوەی تیادا نیە ملكەچی هیچ كەس و لایەنێك بێت ..؟

دوا وتەم بۆ خەڵك و خوێنەر :

باوەڕ و ئاراستەی لێكدانەوەم بەم شێوەیەیە .. ئینجا ڕاست بێت یاخود هەڵە ..! هیچ هیوایەك بە چاكسازی كردن لە ناو دەسەڵاتی دادوەری و دادگاكاندا نیە . تەنها یەك ڕیگا هەیە و دوەم بونی نیە. ئەویش لەرێگای گۆڕینی سیستەمی فەرمانڕەوایەتیەوە و پەنا بردنە بەر هەڵوەشاندنەوەی ئەم دامەزراوە ئیفلیج و داڕزێندراوە گەندەیە و سەر لە نوێ داڕشتنەوەی بە شێوەیەك كە دادپەروەری ڕاستەقینە دەخوازێت و لە ئاست ویستی خەڵكی كوردستاندا بێت ، ئەمەش هەروا كارێكی ئاسان نیە . چونكە دەبێت دەستكێشانی حیزبی بۆ ناو ئەم دامەزراوە دادوەریە ببڕدرێت و دادوەرە حیزبیەكان دوور بخرێنەوە و سزا بدرێن بەسەر پێشێلكاراندا بە پێی یاسا .




‎کابینەکەی دکتۆر میران
لاهور و ئەوانیدیكە:
دوو دیمەنی ساتی ناشتنی نەوشیروان مستەفا
قایمقامی سلێمانی بۆ وادەكات؟!
پەرلەمان با لەکەرکووک کۆببێتەوە:
پێشنیارێک بۆ لایەنە سیاسیەکانی هەرێم
چەند سەرنجێك لەسەر قسەكانی فەرەیدون عبدالقادر
پانۆرامای بەکارهێنانی چەکی کیمیایی لەکوردستان
لە دژی دادوەری حیزبی : (کورە لە ئاگر گەرمتر)
دەستەی دەستپاکی ... بۆ وا بێ باکی ...؟؟
بۆ ئەوەی چەواشەكارییەكانی پارتی سەبارەت بە ئاڵا دەرخەین
بۆ جاش هونەرمەندو بیرۆکەدزانی کورد ئایدل
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە