دەهۆڵی شەڕی دادگا : (ئەمە عەرز و ئەوەش گەز)
PM:11:26---03-12-2016
ئه‌م بابه‌ته 4484 جار خوێنراوه‌ته‌وه‌‌
لڤین : سۆران محەمەد غەریب

بایەخ و بەهاداری مرۆڤ لە مەودای ڕاگوزەری ژیانیدا لەوەدا نیە چۆن دەژی و بە چی دەگات ..؟ گرنگیەكەی لەوەدایە چی دەهاویژێتە ناو پریاسكەی خزمەت كردن بە كۆمەڵگاكەی نەوەكو ئەوانەی مافی گشتی و كۆمەڵگا بە هەلپەرستی دەقۆزنەوە و بۆ خودی خۆیان بەكاریبدەهێنن . ئەوانە زۆرن خۆیان بە حەزەكانیان و شتە بێ بە هاكانی ڕۆژگار دەدۆڕێنن و بچوكترین سەنگ بۆ خۆیان ناهێڵنەوە . لە هەمان كاتیشدا ئەوانە كەم و دەگمەنن نەك لەبەر دەم بەرژەوەندیەكی كەم و دیاری كراودا سەرنەوی ناكەن ، بەڵكو خۆیان بە سەراپا گەنجنەكانی جیهان ناگۆڕێتەوە .

(دادپەروەری) گەرچی دەربڕینی لەسەر دەم و زمان ئاسان بێت . وەلێ كارپێكردنی لە قورسترین ئەو كردانەیە كە بێتە ناو بازنەی پیادەكردنەوە . بە تایبەتی لە لایەن كەسێكەوە كە (دادوەر) بێت .

كەسانێك لە ڕابردودا (دادگا)یان كردبێت بە (بارەگا) و فەرمانی حیزبی جێبەجێ بكەن و پاشكۆ بن و مافیان لە ستەملێكراو سەندبێت و ڕادەستی ستەمكاریان كردبێت و دەست لەگەڵ بەڵێندەردا تێكەڵ بكەن و چاوشۆڕی بەرژەوەندی خۆیان بن . دەبێت لایان ئاسایی بێت ناویان بچێتە ناو ڕۆژنامە و ماڵپەڕ و لەڕێگاكانی تری ڕاگەیاندندا نادادپەروەریان بێتە باسكردن تا خەڵكی لێ ئاگادار بكرێت سایەی چ بێ دادیەك باڵی كێشاوە بەسەر خانەی دادگا. كاتێك بە نادادیتان نوقرچ دەگرن لە كەسێك دەبێت چاوەڕێی ئەوەی لێ بكەن ئەویش نوقورچێكتان لێ بگرێتەوە لە هەمان كاتیشدا بۆی هەیە گازیشتان لێ بگرێت هەر ئێوەش گوناهبارن ، چونكە سەرەتا خۆتان دەسپێشخەر بون.

ئەم كورتە باسە دەروازەیەك بوو بۆ چونە خانەی پڕخاڵی گەندەڵی چەند دادوەرێك و دەیدەم بە گوێیاندا . دەزانم پێشتر وەها زامدار بون لە ڕێگای ئاشكرابونی گەندەڵیەكانیان و تێوەگلانیان بە شێوەی جۆراوجۆر تا ئەندازەیەك فریای سارێژ كردنی نەكەون . لە دوای نزیكەی (3) ساڵ بەسەر هەڵدانەوەی لاپەڕەكانی گەندەڵی لە دژیان كە ئەمە ئەو شانەزیەیە بۆ خۆم بە دەستهێناوە بە هاوكاری یاریدەدەرانم . ئێستاكە چەند دادوەرێك (لەگەڵ ڕێزم بۆ دادوەرە دڵسۆز و بێلایەكان) هاتون و دەڵێن گوایا لەبەر ئەوەی ناوی (سەرۆكایەتی دادگای ناوچەی سلێمانی) هاتوە لە ڕاگەیاندراوەكەی (ڕایەڵەی پارێزەرانی سلێمانی/بزوتنەوەی گۆڕان) لە سەر كێشە و بزواندنی سكاڵا لە ئاسایش و دەركردنی فەرمانی دەستگیركردن بۆ دوو فەرمانبەری ناو دادگای سلێمانی . ئێستا ئەو دادوەرانە هەستاون بە جوڵاندنی سكالا لە دژم لە ڕێگای (یەكێتی دادوەران / لقی سلێمانی) لەبەر دەم دادگای لێكۆڵینەوەی سلێمانی . لە وەڵامی سكالای دادگایەكی بێ دەرگا بۆ دادپەروەری دەڵێم :

1/ ئێستاش دەڵێم بەردەوام دەبم لە بەدەرخستنی ناخی ڕەشتان بە زوخاوی ناداپەروەری و ستەمتان . من پارێزەرم بە گشت مانایەك نەك دادوەریەكی سەرنەوی و پاشكۆ . من بومەتە پارێزەری مافی خۆم و گشت ستەملێكراو و مافخوراوێكی دی لە ناو دادگاكان و دەرەوەی دادگاكان . ئێوەی داد فرۆش سەرگەرم و كاروانچی بێ خەمی خەڵك و خوا دەزانن چۆن یاسا

بكەنە ئامراز بۆ هەر كاتێك خۆتان بتانەوێت لە دژی دەنگ هەڵبڕ بەكاری بهێنن گەر خاوەن مافیش بێت . ئەمە مشتێكە لە خەرمانی مێژووی دادپەروەریتان هاوشێوەتان نیە لەم جیهانەدا .

2/ دەبێت بزانن ئەوەی لە ڕابردودا كراوە 10% یە و ئەوەی كە ماوە 90% ئەگەر پێشتر تەنها چەند ڕۆژنامە و سایتێكی دیاری كراو مانشێتی گەندەڵیەكانتان بون ، لەمەوبەدوا سەرجەم سایت و ڕۆژنامە و سایتەكان و تەلەفزیۆنەكان و تەنانەت كەناڵەكانی دەرەكیش دەبێتە مینبەری گەندەڵیەكانتان و هەڵماڵینی پەردەی ناپاكیتان و پانێَڵ و چاوپێكەوتن لەسەر دەست و پەنجە نەرم و نیانەكانتان لەبەرامبەر باڵادەست ئەمە بە لایەك ، بەلایەكی تر چەپۆك ڕەشی و نینۆك چڵكنیتان بۆ هەژار و بێ دەستەكان دەخەینە سەر بەڕەی میرزا .

3/ وتەكانی من تەواو پێچەوانەی نەیارانی گەندەڵیە كە دەڵێن (یاسا بونی نیە) ئەمە تەواو ناڕاستە ، چونكە یاسابونی هەیە بەڵام لە لایەن كەسانی وەكو خۆتان ئاسا پیادە ناكرێت . ئەوە ئێوەن یاسا دەشكێنن و كاری پێناكەن ، چونكە بە پێی دەقی مادەی (35) بڕگەی (9) دەبێت دادوەر پێش دەست بەكاربونی واز لەو حیزبە بهێنێ كاری تیادا كردوە . بەڵام ئێوە نەك وازتان لە حیزب نەهێناوە ، بەڵكو هۆڵی دادگاتان كردوە بە سەكۆی كۆبونەوە و لێدانی نەیاران و فەرماندەركردن بۆ دادوەرانی تر تا ڕاسپاردەی حیزبی و بەرپرسان جێ بە جێ بكەن . كە تیاندا هەیە سزا دراون بە گواستنەوەی ڕاژەكەیان و هەیانە پەراوێز خراوە تەنها لەبەر ئەوەی بە دەنگ و زوڕنای ئێوە جوڵەیان نەكردوە . تەواوی ناوەكانیانتان بۆ ئاشكرا دەكەین .

بە پێی دەقی مادەی (52) بڕگەی /1 دەبێت دادوەر پابەند بێت بە بێلایەنی و دەست پاك بێت و لە بڕگەی /3 دا هاتوە نابێت دادوەر كاری بازرگانی بكات و كارێك كە لەگەڵ كاری دادوەریدا نەگونجێت . ئەمەشتان لەسەرە بەوەی بە چەندین بەڵگەوە چۆن كارێك دەكەن بۆ مەبەستی دەوڵمەند بون . لە كاتی خۆیدا بڵاودەكرێنەوە .

4/ تەواوی ئەو بەڵگە گەندەڵیانەی لامانە وەریان دەگێڕینە سەر زمانی بێگانە و وێنەی لێ دەدەدەین بە نەتەوە یەكگرتوەكان و لایەنە پەیوەنیدارەرەكان لە دەرەوەی هەرێم و ڕێكخراوەكان تا ئاگادار بن لە ئاستی بێ ئاستیتان و چۆن یاسا پێشێل دەكەن .

5/ دەست كراوە و ئازادم لەگەڵ دەستەیەك لە پارێزەرانی دڵسۆز و دژە گەندەڵ بە مافی خۆمان و هاوڵاتیانی دەبینین سكاڵا لە دژتان ببزوێنین نەك تەنها لە هەرێمی كوردستان ، بەڵكو لە دەرەوەی هەرێمیش و دەرەوەی عێراقیش لەسەر پیَِِشلكردن و گاڵتە كردنتان بە یاسا و بەكارهێنانی بۆ بەرژەوەندی خۆتان و هەروەها لەدژ پیادەكردنی بەسەر ئەوانەی لاپەڕە ڕەشەكانتان هەڵدەداتەوە .

من ماوەیەكە بێدەنگ بووم ئەویش لەسەر داوای دادوەرێكی پایەبەرزی كۆڵەكەی دادوەری ئەویش مامۆستای گەورەم بەڕێز دادوەر (عوسمان قادر)ە ، بەڵام ئەوە خۆتان بە دەستی خۆتان دەهۆڵی شەڕتان ڕاگەیاند و دەمێكە چاوەڕێتان بوم و نیگەران بوم لە بێدەنگیتان و بێ وەڵامیتان دواجار ئاواتمان هاتە دی و زۆر شتی گەورەتان ڕوبەڕو دەبێتەوە و ڕۆژێكە و ئەمڕۆ. هیچ شتێك ڕامان ناگرێت و لە مەوبەدوا ئینجا ببین ئێوەیە یاسا بچنن كورد وتەنی: (دۆم بێت و كڵاش بۆ خۆی بچنێت) . منیش لە پاڵپشتی ڕاگەیاندن و هاوەڵانم و هاوڵاتیانەوە .

كۆتا وتەم : ( ئەمە عەرز و ئەوەش گەز )



رۆژی شەهیدانی یەکێتی و چەند قسەیەک!
لە ساڵیادی بەرەنگاربونەوەی گەندەڵی دادگاکانی هەرێم
لە دوای سزادانی دادوەران(سەردار و تەها).. کام دادوەر سزا دەدرێت ..؟
‎کابینەکەی دکتۆر میران
لاهور و ئەوانیدیكە:
دوو دیمەنی ساتی ناشتنی نەوشیروان مستەفا
قایمقامی سلێمانی بۆ وادەكات؟!
پەرلەمان با لەکەرکووک کۆببێتەوە:
پێشنیارێک بۆ لایەنە سیاسیەکانی هەرێم
چەند سەرنجێك لەسەر قسەكانی فەرەیدون عبدالقادر
پانۆرامای بەکارهێنانی چەکی کیمیایی لەکوردستان
لە دژی دادوەری حیزبی : (کورە لە ئاگر گەرمتر)
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە