ئەمریکا یه‌ك ملیار دۆلار قەرز دەداتە بەغداد
PM:07:52---05-01-2017
ئه‌م بابه‌ته 1704 جار خوێنراوه‌ته‌وه‌‌
ئه‌مریكا قه‌رزێكی‌ سیادیی‌ به‌ به‌های‌ یه‌ك ملیار دۆلار ده‌دات به‌ حكومه‌تی‌ عێراق‌و باڵیۆزخانه‌ی‌ ئه‌و وڵاته‌ش ده‌ڵێت: هه‌نگاوی‌ یه‌كه‌می‌ پێدانی‌ قه‌رزه‌كه‌ ته‌واو بوه‌.

باڵیۆزخانه‌ی‌ ئه‌مریكا له‌ عێراق بڵاوی كرده‌وه‌: ئه‌مڕۆ ڕێكه‌وتننامه‌یه‌ك له‌ نێوان عێراق‌و ئه‌مریكادا واژۆ كراوه‌ به‌مه‌به‌ستی‌ پێدانی‌ قه‌رزێكی‌ سیادی‌ له‌لایه‌ن ئیداره‌ی‌ واشنتۆنه‌وه‌ به‌ حكومه‌تی‌ به‌غداد.

رێكه‌وتننامه‌كه‌ له‌ نێوان وه‌زاره‌تی‌ دارایی‌ عێراق ‌و نوێنه‌ری‌ حكومه‌تی‌ ئه‌مریكادا له‌ شاری‌ به‌غداد، واژۆ كرا‌و باڵیۆزخانه‌ی‌ ئه‌مریكاش له‌ به‌یاننامه‌یه‌كدا باسی‌ له‌وه‌ كردوه‌: واژۆكردنی‌ رێكه‌وتننامه‌كه‌، هه‌نگاوی‌ یه‌كه‌می‌ پێدانی‌ قه‌رزه‌كه‌ بوه‌، كه‌ به‌هاكه‌ی‌ یه‌ك ملیار دۆلاری‌ ئه‌مریكییه‌.

كۆشكی‌ سپی‌ جه‌ختی‌ له‌وه‌ كردۆته‌وه‌، پێدانی‌ ئه‌و بڕه‌ قه‌رزه‌ به‌ عێراق، بواری‌ زیاتر بۆ حكومه‌تی‌ به‌غداد خۆش ده‌كات، بچێته‌ ناو بازاڕه‌كانی‌ دراو و سه‌رمایه‌ی‌ نێوده‌وڵه‌تی‌.

به‌رپرسانی‌ ئه‌مریكا وتویانه‌: ئیداره‌ی‌ كۆشكی‌ سپی‌ به‌رده‌وام ده‌بێت له‌ هاوكاریكردنی‌ حكومه‌ت‌و گه‌لی‌ عێراق، به‌تایبه‌ت له‌ شه‌ڕی‌ دژ به‌تیرۆر‌و چاكسازیی‌ ئابووریدا.

ستیڤانی‌ ولیامز، هه‌ڵسوڕێنه‌ری‌ باڵیۆزخانه‌ی‌ ئه‌مریكا له‌ عێراق، وه‌كو نوێنه‌ری‌ حكومه‌تی‌ ئه‌مریكا ڕوونی كرده‌وه‌، له‌ چه‌ند هه‌فته‌ی‌ داهاتوودا، هه‌نگاوه‌كانی‌ پێدانی‌ قه‌رزه‌كه‌ ده‌ست پێ‌ ده‌كه‌ن‌و له‌ زووترین ماوه‌دا پاره‌كه‌ بۆ حكومه‌تی‌ به‌غداد دابین ده‌كرێت.



رایان دیلن: ئەوەی لە کەرکوک و دەورووبەری روویدا ھەماھەنگی ھێزەکان بووە
ئه‌مریكا: پشتگیری له‌ئیداره‌دانی هاوبه‌ش ده‌كه‌ین
دوبز کۆنترۆڵکرایەوە
فوئاد مه‌عسوم په‌یامێك بڵاوده‌كاته‌وه‌
‌عەبادی پەیامێک ئاڕاستەی هێزە چەکدارەکانی عیراق دەکات
وەزارەتی نەوتی عێراق: کورد ڕەزامەندبووە لەسەر شەڕنەکردن لەنزیک کێڵگە نەوتییەکان
حەدیسی: دەبێت ھەرێم دان بە یەکپارچەیی خاکی عێراقدا بنێت
دیالە: سوپای عێراق جوڵەی پێ نەکراوە
عێراق کۆتا کاروانی فڕۆکەی L159ی لە چیکەوە پێدەگات
بەسرە هەڕەشەی هەرێمی سەربەخۆ دەکات
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە