یەپەگە ئاماری شەڕ و پێکدادانەکانی 2016 بڵاوکردەوە‎
PM:04:00---06-01-2017
ئه‌م بابه‌ته 1576 جار خوێنراوه‌ته‌وه‌‌
یەکینەکانی پاراستنی گەل (یەپەگە) بڵاویکردەوە، ساڵی ٢٠١٦ چوار هەزار و ٦٢٢ چەکداری داعشیان لە ئۆپراسیۆنەکانیاندا کوشتووە و ڕوبەری نۆ هەزار و ٤٢٥ کیلۆمەتر چوارگۆشەیان لە باکوری سوریا کۆنتڕۆڵکردووەتەوە.

یەپەگە لەبەیانامەیەکدا ڕایگەیاندووە ، هێزەکانیان لە ساڵی ڕابردوودا شارەکانی منبج و شەدادی و دەیان ناحیە و ٦٩٩ گوند و ژمارەیەک کێڵگەیان لەدەست چەکدارانی داعش کۆنتڕۆڵکردووەتەوە و ١٣٢ خێزانیان لە ناوچەکانی ژێر دەستی داعش ڕزگارکردووە.

یەپەگە ڕایگەیاندوە ،  چەکدارانی داعش بە موشەک و هاوەن و ئوتومبیلی بۆمبڕێژکراو و چەکی قەدەغەکراو و چەکی کیمیایی  ٤٩٣ هێرشیانکردووەتە سەر ناوچەکانی هەرێمی فیدڕاڵی باکوری سوریا بەهۆیەوە ١٥ هاوڵاتی مەدەنی گیانیان لەدەستداوەو ١٤ کەسی دیکەش برینداربوون.

سوپای سوریا

یەپەگە ڕایگەیاندووە، سوپای سوریا  ١٧ هێرشیان کردووەتە سەر هێزەکانی یەپەگە کە دوو لە گەورەترین هێرشەکان لە شاری قامیشلۆ و حەسەکە بوون، هەروەها بە فڕۆکەو چەکی قورس  بۆردومانی ژمارەیەک گەرەکیان کردووە بە بەهۆیەوە ٢٨ هاوكاتی گیانیان لەدەستداوە کە بەشێکیان منداڵبوون هەروەها  ١٢ کەسی دیکەش برینداربوون.

هەر لە ساڵی ڕابردوودا یه‌په‌گه‌، توانیویه‌تی‌ به‌ندیخانه‌ی عه‌لایه‌ و چه‌ند ناوچه‌یه‌كی‌ تر له‌ قامیشلۆ له‌ ده‌ستی سوپای سوریا کۆنتڕۆڵبکاتەوە، له‌ حه‌سه‌كه‌ش گه‌ڕه‌كی غوێران و نه‌شوه‌و زۆربه‌ی شاره‌كه‌یان  كۆنتڕۆڵكردووه‌ كه‌ پێشتر سوپای‌ سوریا تێیدا باڵاده‌ستبووه‌.

تورکیا

یەپەگە ڕایگەیاندووە سوپای ئەو وڵاتە لە ساڵی ڕابردوودا ١٩١  جار سنوری ڕۆژئاوای کوردستانیان بەزاندووە و ، ١٦٩ جار هێرشیانکردووەتە سەر پێگەکانی یەپەگە و موڵک و ماڵی هاوڵاتیانی مەدەنی و بەهۆیەوە ٣١ هاوڵاتیانی گیانیان لەدەستداوەو ١٣٨ کەسی دیکەش برینداربوون، هەروەها  ٥ ئەندامی هێزە ئەمنیەکانی هەرێمی فیدڕاڵی باکوری سوریا شەهیدبوون و ٨ دیکە برینداربوون.

هێزەکانی ئۆپۆزسیۆنی سوپای ئازادی سوریا و بەرەی نوسڕە و ئەحرارلشام

بە گوێرەی ئامارەکانی یەپەگە، لە ساڵی ڕابردوودا سوپای ئازادی سوریا بە هاوکاری لەگەڵ بەرەی نوسرەو ئەحرارلشام بە هاوەن و موشەکی دەستکرد ٢٨٤ هێرشیان کردووەتە سەر گوند و ناحیەکانی عەفرین و گەڕەکی شێخ مەقسودی حەلەب کە بەهۆیانەوە ٥١ هاوڵاتی گیانیان لەدەستداوەو ١٠٤ کەسی دیکەش برینداربوون.
هەروەها سێ جار چەکی کیمیاییان لە دژی دانیشتوانی شێخ مەقسود و شەڕڤانان لەو ناوچەیە بەکارهێناوە .

هاوکات شەڕڤانان لە کۆی ئۆپراسیۆنەکانیاندا ٤٥ ئوتومبیکی دۆشکە هەڵگر و ٢٠٣ ئوتومبیلی سەربازی و ١٥ تانک و ٣٢ موشەک و ٥ کاتیۆشیایان لەناوبردووە هاوکات دەستیان بەسەر دوو هەزار و ٥٧٤ چەکی و سەدان ئوتومیل و ژمارەیەک کەرەستەی پزیشکی و سەربازیدا گرتووە.

لە بەیانامەکەی یەپەگەدا هاتووە ،ساڵی ڕابردوو ساڵێکی گرنگبووە بۆ شۆڕشی ڕۆژئاواو هێزەکانیان توانیویانە بە گوێرەی سنوری بەرپرسیارێتیان پارێزگاری لە ناوچەکە بکەن و لە ژێر ناوی هێزەکانی سوریای دیموکراتدا ئۆپراسیۆنی شەهید ئێلین وجودی و ئۆپراسیۆنی شەهیدی فەرماندە ئەبو لەیلا و ئۆپراسیۆنی توڕەیی خاپور و توڕەیی فوڕاتیان لە دژی داعش و چەکدارانی ئۆپۆزسیۆن و سوپای سوریا ئەنجامداوە بەهۆیەوە ٦١٣ شەڕڤان شەهیدبوون.



مه‌سرور بارزانی: پارتی له‌ هه‌موو كه‌سیك زیاتر په‌رۆشی ئه‌وه‌یه‌ خۆشگوزه‌ران بن
قوباد تاڵەبانی بڕیارێکی بۆ کەسوکاری شەهیدان دەکرد
وەزارەتی دارایی بڕیارێکی بۆ مۆڵەتی بێ مووچەی وەزیرەکان دەکرد دەکرد
رێگەیەکی نێوان هەولێر و دهۆک دادەخرێت
هەرێم لەسەر زیندانییە سیاسییەکان داوایەک ئاڕاستەی بەغداد دەکات
ده‌ستپێكردنی چالاكییه‌ سه‌ربازییه‌كان بۆسه‌ر ئێران راگیراون
عەبادی: هیچ جیاوازییەك لە نێوان كورد و عەرەبدا نییە
چه‌ند فه‌رمانگه‌یه‌كی دیکەی ئیتیحادی له‌ هه‌ڵه‌بجه‌ دەکرێتەوە
لاهور شێخ جه‌نگی: دوای هه‌ڵبژاردن پێشمه‌رگه‌ دەگەڕێتەوە ناوچە دابڕێنراوه‌كان
ژماره‌یه‌ك فه‌رمانبه‌ر داوای خه‌رجكردنی ده‌رماڵه‌كانیان ده‌كه‌ن
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە