پێشڕەوییەکانی سوریایی دیموکرات بەردەوامە
PM:02:11---08-01-2017
ئه‌م بابه‌ته 1050 جار خوێنراوه‌ته‌وه‌‌
وته‌بێژی هێزه‌كانی دیموكراتی سوریا رایگه‌یاند، هێزێكیان كه‌ ئه‌مه‌ریكا پشتیوانی ده‌كات له‌ پێشڕه‌ویه‌كانیاندا به‌ره‌و شاری ره‌قه‌ی مۆڵگه‌ی سه‌ره‌كی داعش، توانیان قه‌ڵایه‌كی شوێنه‌وار له‌ده‌ست داعش رزگار بكه‌ن.

ته‌لال سیلۆ به‌ رۆیته‌رزی راگه‌یاندوه‌، هێزه‌كان توانیان قه‌ڵای جه‌عبه‌ر له‌سه‌ر ده‌ریای ئه‌سه‌د كۆنترۆل بكه‌ن، ئه‌و قه‌ڵایه‌ نزیكی به‌نداوێكه‌ له‌سه‌ر زێی فورات.‌

لای خۆیه‌وه‌ به‌ڕێوه‌به‌ری شوێنه‌واری سوریا مه‌ئمون عه‌بدولكه‌ریم رایگه‌یاند، كۆنترۆلكردنی ئه‌و قه‌ڵایه‌ به‌سه‌ركه‌وتنێك بۆ گه‌لی سوریا داده‌نرێت، له‌به‌ر ئه‌وه‌ی رزگاركردنی ئه‌و قه‌ڵایه‌ مانای وایه‌ فریای گه‌لی سوریا ده‌كه‌ون.

هێزه‌كانی دیموكراتی سوریا به‌ هاوبه‌شی سه‌ره‌كی ئه‌مه‌ریكا له‌ شه‌ڕی دژی داعش داده‌نرێت.

سیلۆ وتیشی، له‌ ئێستادا سه‌رجه‌م هێزه‌كان به‌ئاراسته‌ی به‌نداوه‌كه‌ پێشڕه‌وی ده‌كه‌ن، باسی له‌وه‌ش كرد، بوونی ته‌مومژه‌ له‌و ناوچه‌یه‌ هۆكاری سستی پێشڕه‌وییه‌كانه‌، ئه‌مه‌ش وای كردوه‌ كه‌ چه‌كدارانی داعش شێوازی دیكه‌ بۆ هێرشكردن به‌كار بهێنن، به‌ڵام له‌ چاوپێكه‌وتنێكی دیكه‌دا له‌سه‌ر ئه‌نته‌رنێت وتی، له‌ ئێستادا باری كه‌شوهه‌وا باشتر بووه‌.

له‌ تشرینی دووه‌می ساڵی رابردوو هێزه‌كانی دیموكراتی سوریا هه‌ڵمه‌تێكیان به‌چه‌ند قۆناعێك بۆ شاری ره‌قه‌ ده‌ست پێكرد بۆ ئه‌وه‌ی له‌ده‌ست داعش رزگاری بكه‌ن. له‌ قۆناغی یه‌كه‌م توانرا ناوچه‌كانی باكوری ره‌قه‌ رزگار بكرێت، له‌ قۆناغی ئێستادا هێرشه‌كه‌ ئه‌و ناوچانه‌ ده‌گرێته‌وه‌ كه‌ ده‌كه‌وێته‌ رۆژئاوای شاره‌كه‌.



مەسعود بازرانی دوای 24 کاتژمێر لەئاڵۆزی کوردستان و ونبوونی دەرکەوت
وێنە: کێ لەپشت هێنانەوەی تەرمی شەهیدەکانی یەکێتی بوو بۆ سلێمانی
پارتی لە باشک کشایەوە
وێنە: کۆسرەت ڕەسوڵ دەرکەوتەوە
شوان قەڵادزەیی گیانی لەدەستدا
قائیمقامی سلێمانی دڵنیایی ده‌داته‌ هاووڵاتیان
وه‌ستا ڕه‌سوڵ: به‌ فه‌رمانی بارزانی پێشمه‌رگه‌ پاشه‌كشه‌ی كرد
ئاراس شێخ جه‌نگی: ویستیان ئاشبه‌تاڵێكی دیكه‌ بخوڵقێنن
جه‌بار یاوه‌ر: هێزه‌كانی 70 له‌ وه‌زاره‌تی پێشمه‌رگه‌ دوور نەخراونەتەوە
پارتییەکانی ناویەکێتی و سەلاحەدین بەهادین و محەمەدی حاجی مەحمود و هێمن هەورامی ونبوون
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە