ئێران بۆ ئه‌سه‌د: پێویستە کۆبونەوەکان بهێنرێنەوە سوریا
PM:12:13---10-01-2017
ئه‌م بابه‌ته 506 جار خوێنراوه‌ته‌وه‌‌
سكرتێری گشتی ئاسایشی نه‌ته‌وه‌یی ئێران داوا ده‌كات دانوستانه‌كانی چاره‌سه‌ركردنی قه‌یرانی سوریا بۆ دیمه‌شق بگوازرێنه‌وه‌ كه‌ به‌ "پایته‌ختی سوریای یه‌كگرتوو و یه‌كپارچه‌" ناوی ده‌بات.

ته‌له‌فزیۆنی فه‌رمی ئێران بڵاوی كرده‌وه‌ عه‌لی شه‌مخانی له‌ دیدارێك له‌گه‌ڵ به‌شار ئه‌سه‌د سه‌رۆك سوریا راگه‌یاند دانوستانی سیاسی بۆ چاره‌سه‌ركردنی قه‌یرانی سوریا "پێویسته‌ له‌ نێوان سورییه‌كان و به‌ به‌ڕێوه‌به‌رایه‌تی ئه‌وان ئه‌نجام بدرێت و نه‌ته‌وه‌ یه‌كگرتووه‌كان و وڵاتانی كاریگه‌ر ته‌نیا رۆڵی ئاسانكارییان هه‌بێت".

بڕیاره‌ دانوستانه‌كانی ئاشتی سوریا به‌ ده‌ستپێشخه‌ری سه‌رۆكی روسیا ڤلادمیر پوتین له‌ ئاستانای پایته‌ختی قه‌زاقستان (كازاخستان) به‌ڕێوه‌ بچێت كه‌ بۆ ئه‌م مه‌به‌سته‌ له‌ یه‌كه‌م كاتژمێری رۆژی 29 كانوونی دووه‌می 2016 ئاگربه‌ستی سه‌رتاسه‌ری له‌ سوریا به‌ نێوانگیری روسیا و توركیا راگه‌یه‌نرا.

به‌رپرسه‌كه‌ی ئێران هه‌ر له‌مباره‌وه‌ وتی"پێویسته‌ هه‌موو لایه‌نه‌كان هه‌وڵ بده‌ن دانوستانی سیاسی بۆ دیمه‌شق بگوازرێنه‌وه‌ كه‌ پایته‌ختی سوریای یه‌كگرتوو و یه‌كپارچه‌یه‌".

به‌ وته‌ی ئه‌م به‌رپرسه‌ی ئێرانی  گرووپه‌ چه‌كداره‌كانی نه‌یاری به‌شار ئه‌سه‌د " ئه‌گه‌ر هه‌ست بكه‌ن وڵاتانی پشتیوانییان له‌ دانوستانی سیاسی جیدی نین‌، بێگومان له‌ شه‌ڕ و خوێنڕێژی ناگه‌ڕێنه‌وه‌".

بێ ئه‌وه‌ی ئاماژه‌ به‌ توركیا یان هیچ وڵاتێكی دیكه‌ بدات، وتی"هه‌ندێ وڵاتان ستراتیژیی بی به‌رهه‌می خۆیان به‌رامبه‌ر قه‌یرانی سوریا گۆڕیوه و توانیویان تا ئاستێك هه‌ڵه‌كانی رابردووی خۆیان قه‌ڕه‌بوو بكه‌نه‌وه‌".

سه‌رچاوه‌: رادیۆ فه‌ردا



ئه‌ڵمانیا: زیاتر له‌ 3500 جار هێرش ده‌كرێته‌ سه‌ر په‌نابه‌ران
سه‌ری داناپۆشێ
بەڵگەنامە: چەكدارانی داعش بیانوو بۆ راكردن لە شەڕ دەدۆزنەوە
كنێست ته‌نووره‌ی كورت و تیشێرت قه‌ده‌غه‌ ده‌كات
لەپێناو 90 دۆلار زڕبرای سەرۆك دەكوژێت
ترەمپ 60 ھەزار دۆلار لە كوەیت دەستێنێت
ئۆلاند بە توندی وەڵامی ترەمپ دەداتەوە
داواده‌كرێت ئۆباما ببێته‌‌ سه‌رۆكی فه‌ڕه‌نسا
تره‌مپ: داعش له‌سه‌ر زه‌وی ده‌سڕێته‌وه‌
ئەڵمانیا تانكەكانی بۆ سنووری روسیا رەوانە دەكات

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە