ئه‌سه‌د: ئامادەم بۆ هەموو دانوستانێک
PM:12:19---10-01-2017
ئه‌م بابه‌ته 461 جار خوێنراوه‌ته‌وه‌‌
سەرۆكی سوریا بەشار ئه‌سه‌د رایگه‌یاند حكومه‌ته‌كه‌ی ئاماده‌یه‌ بۆ دانوستان له‌باره‌ی هه‌موو پرسێك له‌ دانوستانه‌كانی ئاشتی كه‌ بڕیاره به‌ به‌شداری نوێنه‌رانی حكومه‌ت و ئۆپۆزسیۆن‌ له‌ قه‌زاقستان (كازاخستان) به‌ڕێوه‌ بچێت و هێشتا كاته‌كه‌ی دیاری نه‌كراوه‌.

ئه‌سه‌د له‌ چاوپێكه‌وتنێك له‌گه‌ڵ میدیاكانی فه‌ره‌نسا رایگه‌یاند ئاگربه‌ستی به‌ نێوانگیری توركیا و روسیا به‌ر له‌ به‌ڕێوه‌چوونی دانوستانه‌كانی پێشێلكراوه‌ و پێداگریشی له‌سه‌ر ئاماده‌یی سوپاكه‌ی كرد بۆ گرتنه‌وه‌ی ناوچه‌كانی نزیك له‌ دیمه‌شق كه‌ چه‌كدارانی ئۆپۆزسیۆن ده‌ستیان به‌سه‌ر سه‌رچاوه‌ی سه‌ره‌كی ئاوی خواردنه‌وه‌ی دیمه‌شقی پایته‌خت گرتووه‌.

هێزه‌كانی حكومه‌تی سوریا و هاوپه‌یمانه‌كانی له‌ دوایین پێشهاته‌ سه‌ربازییه‌كانی ئه‌و وڵاته‌ ته‌واوی شاری حه‌له‌بیان كۆنترۆڵ كرد و سه‌ركه‌وتنێكی گه‌وره‌یان به‌رامبه‌ر چه‌كدارانی ئۆپۆزسیۆن به‌ده‌ستهێنا و به‌هۆیه‌وه‌ باڵاده‌ستی سوریا و هاوپه‌یمانه‌كانی له‌ دانوستانه‌كانی ئاستانا به‌ده‌ركه‌وتووه‌ كه‌ به‌ ده‌ستپێشخه‌ری روسیا و بێ به‌شداریكردنی ئه‌مریكا به‌ڕێوه‌ ده‌چێت.

به‌شار ئه‌سه‌د له‌ وه‌ڵامی پرسیارێك له‌باره‌ی ئاماده‌یی حكومه‌ته‌كه‌ی بۆ باسكردنی چاره‌نووسی ئه‌سه‌د وه‌ك سه‌رۆك وتی"به‌ڵێ.. به‌ڵام پۆسته‌كه‌م په‌یوه‌سته‌ به‌ ده‌ستوور. ده‌ستووریش میكانیزمێكی زۆر روونی هه‌یه‌ بۆ به‌ ده‌سه‌ڵات گه‌یشتنی سه‌رۆك و به‌جێهێشتنی و ئه‌گه‌ر ئه‌وان بیانه‌وێت تاوتوێی ئه‌و خاڵه‌ بكه‌ن، پێویسته‌ ده‌ستور تاوتوێ بكرێت".

ئاماژه‌شی به‌وه‌دا هه‌ر گۆڕانێك له‌ ده‌ستوور پێویسته‌ راپرسی له‌سه‌ر بكرێت و ئه‌و كاره‌شی بۆ گه‌ڵی سوریا له‌ هه‌ڵبژاردنی سه‌رۆك گه‌ڕاندنه‌وه‌.

لێدوانی ئه‌سه‌د بۆ راگه‌یاندنه‌كانی فه‌ره‌نسا پاش سه‌ردانێكی شاندێكی په‌رله‌مانتارانی ئه‌و وڵاته‌ بۆ سوریا هات كه‌ له‌گه‌ڵ ئه‌سه‌د كۆ ببوونه‌وه‌.



پورتوگال: دوو کوڕی باڵیۆزی عێراق لە پورتوگال دادگایی کراون
نرخی‌ نه‌وت به‌رزبوه‌وه‌
ترەمپ یاسای ئۆباما كێیر هەڵوەشاندەوە
دوا كاتەكانی ژیانی بن لادن
تره‌مپ به‌م تیمه‌وه‌ كار بۆ به‌جێهێنانی به‌ڵێنه‌كانی ده‌كات
ئوسترالیا پەنابەری عێراقی و سوری وەردەگیرێت
ڤیدیۆیه‌كی نوێی هێرشبه‌ره‌كه‌ی ئه‌سته‌نبوڵ بڵاوكرایه‌وه‌
ھەمواركردنەوەی دەستووری توركیا كۆتاییھات
ئێران باڵیۆزی دانیمارك بۆ وەزارەتی دەرەوە بانگھێشت دەكات
گۆڕێکی بەکۆمەڵی سەربازانی سوپای سوریا لە حەلەب دۆزرایەوە

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە