تره‌مپ پابه‌ندی به‌ڵێنه‌كه‌یه‌تی
AM:10:58---11-01-2017
ئه‌م بابه‌ته 1141 جار خوێنراوه‌ته‌وه‌‌
چه‌ندین جار دۆناڵد تره‌مپ سه‌رۆكی هه‌ڵبژێردراوی ئه‌مریكی به‌ڵێنی ئه‌وه‌یداوه‌، به‌ خێرایی سه‌ركه‌وتن به‌سه‌ر داعشدا به‌ده‌ستبهێنێت، له‌و رووه‌وه‌ تانه‌ی زۆری ‌ له‌ هه‌لسوكه‌وت و مامه‌ڵه‌ی باراك ئۆبامای سه‌رۆكی ویلایه‌ته‌ یه‌كگرتووه‌كانی ئه‌مریكادا له شه‌ری دژی داعشدا.

له‌ نیوان هه‌موو وتاره‌كانی كاتی هه‌ڵمه‌تی هه‌ڵبژاردندا ده‌یگووت" گه‌شه‌ی ئابووری دووبه‌رابه‌ر ده‌كه‌م و پیشه‌سازی گه‌شه‌پێده‌ده‌م، مه‌كسیكیش ده‌بێت باجی دیواری سنووریی له‌گه‌ڵ ئه‌مریكا بدات".

به‌ڵام ده‌توانرێت بوترێت، به‌ڵێنه‌كه‌ی تره‌مپ بۆ زوو راماڵینی داعش له‌وانه‌یه‌ ئه‌و به‌ڵێنه‌ بێت كه‌ درێژه‌ بكێشیت.

به‌ڵام ئه‌فسه‌ره‌كانی ئیستا و پیشووی سوپای ئه‌مریكی ده‌ڵێن" له‌وانه‌یه‌ تره‌مپ زۆر به‌ وه‌فا بێت ده‌رباره‌ی به‌ڵێنی به‌ زوویی راماڵینی داعش، به‌ڵام ئه‌گه‌ر بژارده‌كه‌ی بۆ له‌ ناوبردنی داعش ته‌نها ئه‌وه‌بیت هێزیی زه‌مینی بنیرێته‌ شه‌ڕه‌كه‌، ئه‌وه‌ رێگه‌یه‌كی پڕ بۆمبی سیاسییه‌ و ده‌توانێت ویلایه‌ته‌ یه‌كگرتووه‌كانی ئه‌مریكا دووچاری مه‌ترسی بكات و له‌ رۆژهه‌ڵاتی ناوه‌ڕاست و تا كاتێكی نه‌زانراو له‌ ته‌نگژه‌یه‌كی دیكه‌یه‌وه‌ بئاڵێنێت ".

هه‌ر چه‌نده‌ له‌ بانگه‌شه‌كانی هه‌ڵبژاردندا تره‌مپ ته‌ئكیدی له‌ بیرۆكه‌ی دانانی سنوور بۆ پابه‌ندییه‌كانی ئه‌مریكا له‌ جیهانی ده‌ره‌وه‌ ده‌كرده‌وه‌، به‌ڵام هێزی زه‌مینی ئه‌مریكا هێزێكی كێشكه‌ری هه‌یه‌ له‌ ناو ئیداره‌ی ئه‌مریكادا، هه‌ر بۆیه‌ مایكل فلین راوێژكاری نوێی ئاسایشی نه‌ته‌وه‌یی ده‌سته‌وه‌ستان ماوه‌ له‌ ئاشكراكردنی ئه‌و بیرۆكه‌یه‌دا.

به‌لام فلین كه‌ جه‌نه‌راڵ و ئه‌فسه‌رێكی خانه‌نشینی ئه‌مریكییه‌ ده‌ڵێت" پێویسته‌ به‌رامبه‌ر ئه‌و هه‌ڕه‌شانه‌ی ده‌كه‌ونه‌ سه‌ر بوونمان، ئۆپه‌راسیۆنی فراوانی سه‌ربازی ئه‌نجامبدرێت و داعش به‌و دوژمنانه‌ به‌راوورد ده‌كات كه‌ ئه‌مریكا له‌ جه‌نگی جیهانی دووه‌م و شه‌ڕی سارددا به‌ره‌و روویان بووه‌وه‌".

فلین ساڵی 2015  به‌ گۆڤاری دێرشپیگڵی ئه‌ڵمانی راگه‌یاندبوو" راستییه‌كی غه‌مناك هه‌یه‌، ئیمه‌ ده‌سته‌پاچه‌ین له‌ بڵاوكردنه‌وه‌ی هێز له‌سه‌ر زه‌وی، چونكه‌ ته‌نها به‌ بۆردوومانی ئاسمانی ناتوانین به‌سه‌ر دوژمندا سه‌ربكه‌وین".

به‌ڵام سه‌رچاوه‌یه‌كی ئاگادار له‌ ده‌وروبه‌ری فلین به‌ گۆڤاری (فۆرین پۆلیسی) ئه‌مریكی گوتووه‌" دوای ئه‌وه‌ی له‌ سالی 2014 فلین له‌ پۆستی سه‌رۆكی ئاژانسی هه‌واڵگری به‌رگری لادرا و پیش ئه‌وه‌ی په‌یوه‌ندی به‌ تیمه‌كه‌ی دۆناڵد تره‌مپ سه‌رۆكی هه‌ڵبژێردراوی ئه‌مریكاوه‌ بكات، سه‌رقاڵی دارشتنی پلانێك بووه‌ بۆ ناردنی هێزی سه‌ربازی ئه‌مریكا بۆ شاری ره‌ققه‌ی مۆڵگه‌ی سه‌ره‌كی چه‌كدارانی داعش له‌ سووریا".

به‌ڵام تا ئێستا ورده‌كارییه‌كانی ئه‌و پلانه‌ ناڕوونه‌، به‌ڵام له‌ گفتوگۆكه‌ی گۆڤاری دێرشپیگڵ له‌ ساڵی 2015 ئه‌و جه‌نه‌راڵه‌ خانه‌نشینه‌ پێشنیاری بڵاوه‌پێكردنی هێزه‌ فره‌ ره‌گه‌زه‌كانی له‌ سووریا، بۆ ئه‌مریكا و رووسیا و هێزه‌كانی دیكه خستبووه‌ڕوو، بیرۆكه‌كه‌ی وابوو وه‌ك ئه‌و هێزه‌ ئاشتیپارێزه‌ نێوده‌وڵه‌تییه‌ بێت كه‌ له‌ ساڵانی نه‌وه‌ده‌كان له‌ یوگسلافیا بڵاوه‌یان پێكرابوو".

فلین وایده‌بینێت" ئه‌و ناوچانه‌ی رۆژهه‌ڵاتی ناوه‌راست كه‌ قه‌یرانیان تێدایه‌ هه‌ڵده‌وه‌شێن، وه‌ك ئه‌وه‌ی له‌ به‌لقان روویدا، له‌و كاته‌دا چه‌ند وڵاتێكی دیاریكراو به‌رپرسیارییه‌تی خۆیان له‌ ئه‌ستۆبگرن، ئه‌مریكا كه‌رتیكی رۆژهه‌ڵاتی ناوه‌ڕاست و رووسیا كه‌رتێكی دیكه‌، كه‌رتی سێیه‌میش بۆ ئه‌وروپا ده‌بێت، له‌سه‌ر عه‌ره‌بیش پێویست ده‌كات هاوبه‌شبن له‌و ئۆپه‌راسیۆنه‌ سه‌ربازییه‌دا و وه‌ك نوێنه‌رێك بن له‌ هه‌ر كه‌رتێكدا".



ئه‌مریكا مه‌ترسی سه‌رهه‌ڵدانه‌وه‌ی داعش به‌ گوێی جیهاندا ده‌دات
هەڵوێستی تورکیا لەسەر چوونی هێزه‌كانی سووریا بۆ عه‌فرین
سێرگی لاڤرۆڤ:ناکرێت کورد بخرێتە ناو گەمەیەکی سیاسیەوە کە پەیوەندی بەئەوانەوە نیە
سوپای سوریا دەچنە ناو عەفرین
ئیسرائیل هه‌ڕه‌شه‌ی وه‌شاندنی گورزی راسته‌وخۆ له‌ ئێران ده‌كات
ئەمریكا 12 بنكەی سەربازی لە عێراقدا هه‌یه‌
فڕۆکەیەکی ئێرانی بەزیاتر لە ٦٠ سەرنشینەوە کەوتەخوارەوە
سوله‌یمانی: له‌سه‌ر به‌ڵێنی خۆمانین و ئیسرائیل ده‌سڕینه‌وه‌
ماكرۆن: به‌ڵگه‌مان ده‌ستكه‌وێت له‌ رژێمی سووریا ده‌ده‌ین
فڕۆكه‌یه‌كی ئه‌مه‌ریكی زریپۆشێكی رووسی تێكده‌شكێنێت
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە