ترامپ زاواكه‌ی ده‌كاته‌ گه‌وره‌ راوێژكاری كۆشكی سپی
AM:11:00---11-01-2017
ئه‌م بابه‌ته 2303 جار خوێنراوه‌ته‌وه‌‌
دۆناڵد ترامپ، 45ه‌مین سه‌رۆكی هه‌ڵبژێردراوی ئه‌مه‌ریكا، جارید كوشنه‌ری زاوای به‌ گه‌وره‌ راوێژكاری كۆشكی سپی ده‌ستنیشانكرد.


كوشنه‌ر، ته‌مه‌ن 35 ساڵ، هاوسه‌ری ئیڤانكای كچه‌ گه‌وره‌ی ترامپه‌ و رۆڵێكی گه‌وره‌ی له‌ هه‌ڵمه‌تی هه‌ڵبژاردنی سه‌رۆكایه‌تی ترامپدا هه‌بوو.


زاواكه‌ی ترامپ كۆمپانیای وه‌به‌رهێنان و په‌ره‌پێدانی كه‌رتی خانووبه‌ره‌ و چه‌ند كۆمپانیایه‌كی دیكه‌ی بازرگانی هه‌یه‌ و ئه‌ركه نوێیه‌كه‌ی له‌ كۆشكی سپی، په‌یوه‌ندی سیاسه‌تی ده‌ره‌وه‌ و ناوه‌وه‌ی ئه‌مه‌ریكا هه‌یه‌.


ده‌ستنیشانكردنی كوشنه‌ر بۆ ئه‌و پۆسته‌ باڵایه‌، مشتومڕی زۆری لێكه‌وتووه‌ته‌وه‌، به‌هۆی ئه‌وه‌ی ده‌ستنیشانكردنی كه‌سی نزیك له‌ پۆستێكی وا باڵادا، ره‌نگه‌ ببێته‌ هۆی سه‌رهه‌ڵدانی ململانێ له‌ داهاتوو.


ترامپ، له‌ باره‌ی جاریدی زاوایدا ده‌ڵێت"جارید كه‌سێكی گه‌وره‌ی پشتپێبه‌ستراو و راوێژكارێكی متمانه‌پێكراوه‌ له‌ ته‌واوی ماوه‌ی هه‌ڵمه‌تی هه‌ڵبژاردندا و شانازی به‌وه‌ش ده‌كه‌م رۆڵی سه‌ركردایه‌تییه‌كی دیار ده‌بینێت له‌ ئیداره‌كه‌م".


هه‌رچه‌نده‌ له‌ رووی یاساییه‌وه‌ نابێت به‌رپرسان پله‌ و پۆست بده‌نه‌ كه‌سانی نزیكی خۆیان له‌ كۆشكی، هاوكات رێگه‌پێدراویش نییه‌ هیچ یه‌كێك له‌ به‌رپرسانی كۆشكی سپی، كۆمپانیای بازرگانی هه‌بێت.


تۆڕی ته‌له‌ڤزیۆنی ئێن بی سی، له‌ زاری پارێزه‌ری كوشنه‌ر، بڵاویكردووه‌ته‌وه‌، كوشنه‌ر پابه‌نده‌ به‌ ته‌واوی رێسا و یاسا ئه‌خلاقییه‌ فیدرالییه‌كان، بۆ ئه‌و مه‌به‌سته‌ش سه‌رقاڵی راوێژكردنن به‌ نووسینگه‌یه‌كی تایبه‌تی حكوومی، بۆ ئه‌وه‌ی رێكاره‌ پێویسته‌كان بۆ ده‌ستبه‌كاربوونی كوشنه‌ر، بگرنه‌به‌ر".


دۆناڵد ترامپ، كاندیدی كۆمارییه‌كانی ئه‌مه‌ریكا بوو و توانی له‌ هه‌ڵبژاردنی تشرینی دووه‌م/ نۆڤه‌مبه‌ری 2016 سه‌ركه‌وتن به‌ده‌ستبهێنێت و بڕیاری دوای 10 رۆژی دیكه‌ و 20ی كانوونی دووه‌م/ یه‌نایه‌ری 2017، به‌ فه‌رمی بچێته‌ كۆشكی سپی و ته‌واوی ده‌سه‌ڵاته‌كانی سه‌رۆكی ئه‌مه‌ریكای راده‌ستبكرێت.




ژنه‌ بێژه‌رێكی میسری رووبه‌ڕووی لێكۆڵینه‌وه‌ ده‌كرێته‌وه‌
تیلرسن: پڕچه‌ككردنی هه‌سه‌ده‌ بۆ ئه‌ركی دیاریكراو بووه‌
ئه‌ردۆغان: ته‌نیا 10 چه‌كداری سه‌ر به‌ حكومه‌تی سووریا چوونه‌ته‌ عه‌فرین
ئێران هه‌ڕه‌شه‌ی به‌ خۆڵه‌مێشكردنی پایته‌ختی ئیسرائیل ده‌دات
زه‌ریف: ئه‌مریكا كورد بۆ دابه‌شكردنی سوریا به‌كارده‌ھێنێت
هاوپه‌یمانی نێوده‌وڵه‌تی: شه‌ڕی داعش چه‌ندین ساڵی دیكه درێژه‌ ده‌كێشێت
"چه‌ك له‌ رووسیا مه‌كڕن، چه‌ك به‌ سعوودیه مه‌فرۆشن‌"
پاشماوەی فڕۆکە ئێرانەیەکە دۆزرایەوە
وەزیری دەرەوەی تورکیا ڕەتی دەکاتەوە سوپای سوریا چوبێتە عەفرین
بیناڵی یەڵدرم: سوپای تورکیا شەڕی قەندیلیش دەکات
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە