گەیاندنی سکاڵاکانی گەندەڵی بۆ (نوێنەرانی کوردستان و عێراق)
PM:05:37---12-01-2017
ئه‌م بابه‌ته 1005 جار خوێنراوه‌ته‌وه‌‌
لڤین : سۆران محەمەد غەریب
پاش ئەوەی لە دادگای لێکۆڵینەوەی دەست پاکی سلێمانی (٣) سكاڵای گەندەڵیم جوڵاند لەسەر (سەرۆکی دادگا و جێگرەکەی) لەبەر هەستیاری جێگاکانیان لە هەرسێ سکاڵاکەدا داوای ئەوەم کردبوو کە دادگای لێکۆڵینەوەی دەست پاکی لە سلێمانی تەنها ئەرکی کۆکردنەوەی بەڵگەکان هەیە ، لەبەر ئەوە نابێت لێکۆڵینەوەی تیادا بکرێت لە ناو هەرێمدا. دەخوازێت سکاڵاکان ڕەوانەی دەستەی دەست پاکی عێراق بکرێت . ئەمەش بۆ پارێزگاری و بێ لایەنی لە لێکۆڵینەوەکاندا . بۆ جەخت کردنەوە لەسەر ئەم لایەنە لەبەرواری ١٠ / ١ / ٢٠١٧ داواکاریەکم پێشکەش بە دادوەری لێکۆڵینەوەی دەست پاکی سلێمانی کرد و تیایدا (٢) خاڵ لە خۆ دەگرێت کە ئەمانەن :

١- دادوەری لێکۆڵینەوەی دەست پاکی و تەنانەت هیچ دادوەرێکی ناو هەرێم هەرهەمویان کە ئەندامی (یەکێتی دادوەرانی کوردستان)ن نابێت لێکۆڵینەوە لەو (٣) سکاڵایەدا بکەن ، لەبەر ئەوەی پەیوەندی بە بابەتی گەندەڵی (٢) دادوەرەوە هەیە کە هەردوکیان شوێنیان لە ناو دادگاندا هەستیارە و ئەوان ڕکابەرن . پیشتر لە لایەن (یەکێتی دادوەرانی کوردستان لقی سلێمانی) و (یەکێتی دادوەرانی هەرێم) دوو سکاڵا لە دژم جوڵێندراوە . بەمەش بۆ دادوەرانی ناو هەرێم نیە لێکۆڵینەوە لەم پەڕاوی گەندەڵیانەدا بکەن ، چونکە نابێت ڕکابەر و دادوەریش بن لە یەک کاتدا (الخصم و الحكم) . خۆ ئەگەر ئەمە بکرێت تەواو پێشێلی یاسایە .

٢- وەکو زانراوە لە ڕابردوو و ئێستاشدا پەرلەمانی کوردستان پەکخراوە بەمەش ناکرێت دەستەی دەست پاکی و دادگای لێکۆڵینەوەی دەست پاکی لە ناو کوردستاندا ڕێکاری خۆی بگرێتەبەر دوور لە چاودێری پەرلەمان لەبەر ئەوەی نەویە(خاضع)ە بۆ چاودێری ئەنجومەنی نوێنەران ، ئەمەش پشت ڕاستی کردن بە دەقی مادەی (٢) لە یاسای ژمارە (٣٠) ی ساڵی (٢٠١١) لە یاسای دەست پاکی . کەواتا ئەگەر هەر بڕیارێک یان ڕێکارێک بگیرێتە بەر جگە لە کۆکردنەوەی بەڵگەکان ئەوا تەواو نادادپەروەرانەیە و دورە لە یاسا و بە پوچەڵ لە پێنوس دەدرێت .

بۆ زانیاری خوێنەر لەبەرواری ١١ / ١ / ٢٠١٧ وێنەیەکم لەم داواکاریانە گەیاندە نوسینگەی ئەنجومەنی نوێنەرانی عێراق و نوسینگەی سەرۆکی پەرلەمانی کوردستان چاوم بە سەرۆکی پەرلەمانی کوردستان و سکرتێری پەرلەمان و ژمارەیەک لە ئەندامانی پەرلەمان کەوت و تەواو لێکدانەوەی خۆمدا لە بارەی ئەو سکاڵایانەوە و تا چاودێری بخەنە سەر ئەو سکاڵایانە و ڕێکارەکان بە یاسایی بڕۆن بەڕێوە و پێشێلی یاسایی تیادا نەکرێت . ئەو بەڕێزانەش بەڵێن وبایەخی خۆیان بۆ ئەو بابەتە نیشاندا بۆ تاووتوێ کردنی .

وا لە خوارەوەش وێنەیەک لەو داواکاریە دەخەمە بەر دیدەی خوێنەرانی بەڕێز ...





‎کابینەکەی دکتۆر میران
لاهور و ئەوانیدیكە:
دوو دیمەنی ساتی ناشتنی نەوشیروان مستەفا
قایمقامی سلێمانی بۆ وادەكات؟!
پەرلەمان با لەکەرکووک کۆببێتەوە:
پێشنیارێک بۆ لایەنە سیاسیەکانی هەرێم
چەند سەرنجێك لەسەر قسەكانی فەرەیدون عبدالقادر
پانۆرامای بەکارهێنانی چەکی کیمیایی لەکوردستان
لە دژی دادوەری حیزبی : (کورە لە ئاگر گەرمتر)
دەستەی دەستپاکی ... بۆ وا بێ باکی ...؟؟
بۆ ئەوەی چەواشەكارییەكانی پارتی سەبارەت بە ئاڵا دەرخەین
بۆ جاش هونەرمەندو بیرۆکەدزانی کورد ئایدل
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە