دوای (67) رۆژو (11) سەعات زیاتر..شێخ لاهور چی وت؟
PM:06:06---23-01-2017
ئه‌م بابه‌ته 16640 جار خوێنراوه‌ته‌وه‌‌
لڤین: سۆران ئازاد

دوای (67) رۆژو (11) سەعات، لەكۆبوونەوەكەی لەگەڵ كادرانی یەكێتیی لەدەربەندیخان و بەئامادەبوونی دوو سەركردایەتی حزبەكەی، بەشێكی مۆنتاژكراو لەقسەكانی شێخ لاهور شێخ جەنگی، لەڕێگەی سۆشیالمییدیاوە بڵاو كرایەوە!

 دوابەدوای (122) سەعات ‌و زیاتریش، جگە لە پۆستێكی (سەرپێی!) هۆشیار عەبدوڵڵای هەڵسوڕاو و سەرۆكی فراكسیۆنی گۆڕان لەپەرلەمانی عیراق‌و بڕێك پۆستی پەخشانئامێزی تر، كە لەسۆشیالمییدیا، لەسەر وتەكانی نوسران! تائێستا نە یارو نە نەیار، بەهەڤاڵانی حزبەكەشییەوە، نەیانتوانی رەهەندو دەلالاتی هەقیقەتی ئەو وتانە، لێكبدەنەوە...

 شێخ لاهور، لەتەواوی ئەو ڤیدیۆ نمایشكراوەدا، زۆر بەئاشكرا جەخت لەرووبەڕبونەوەی پرسەكانی گەندەڵی، كۆنگرە، تەكەتول ‌و باڵ ‌و كێشەكانی سەركردایەتی یەكێتی دەكاتەوە. كە ئازایانە ‌و بە بەڵگەوە دیاردەی گەندەڵی لای هەندێك لە لێپرسراوان لەقاو دەدات ‌و ، زۆر بەڕونیش رایدەگەیەنێ‌ كە چیتر نابێ‌ هیچ هەڤاڵێك لەدەرەوەی دیسپلینی حزبایەتی یەكێتیی بێ‌!

لە وتەكانیدا روبەرێكی فراوان بۆ هەڤاڵان ‌و كادرانی حزبەكەی دەخوڵقێنێ‌ و هانیاندەدات، كە دەتوانن پێكەوە دژی هەر جۆرە گەندەڵی‌و نا بەرپرسیارێتییەك بن ‌و ئەو بیروباوەڕەش تۆختر دەكاتەوە، كە چیتر ناكرێ‌ لەسەرەوە هەڤاڵ ‌و لەژێرەوە نەیار بن، لەسەرەوە موجامەلە ‌و لەژێریشەوە، سەرقاڵی نابوتكردنی یەكتر بن.

گرفتی گەورەی ئەمڕۆی یەكێتی ئەوەیە لەدۆخێكی دیاریكراوی حزبیدا وەستاوە، رەخنەكان و گلەییەكان و بێزارییەكانی كادرانی ئەو حزبەش بەردەوامن، بۆیە كاتێك شێخ لاهور بەو زمان‌و نەفەسە كادرانی یەكێتیی دەدوێنێ‌، دەزانێ‌ لە دیدی خەڵكدا (بەرپرس- لێپرسراو- مەسئول) لە وشە باو و سواوەكانی كۆمەڵی ئێمەن، كە پێش ئەوەی بەرپرسی ژیانی كۆمەڵ بن، بەپێچەوانەوە بەرپرسی بەرژەوەندییە تایبەتییەكانی خۆیانن، بۆیە بە بەڵگەوە بەشێك لە گەندەڵی و نابەرپرسیارێتی و بێباكیمان بۆ ئاشكرا دەكات‌و تەئكید لەپێویستی كۆنگرەی حزبەكەیان دەكاتەوەو یەكێتییەكانیش هاندەدات، كە تەسلیم نەبن و لەدوا سەرەنجامیشدا، دەكرێ‌ پێكەوە داوای بەستنی كۆنگرەی نائاسایی حزبەكەیان بكەن‌وئەوەی بۆ من مایەی سەرنجە، شێخ لاهور، وەك یەكێك لەسەركردە گەنجەكانی یەكێتی، هەم وەك فەرماندەیەكی مەیدانی لەجەنگی تیرۆرو هەم دیپلۆماتكارێكیش، تەسلیمی دیفاكتۆی حاڵی ئێستای باڵباڵێنی یەكێتی نەبووەو بەئیرادەیەكی راستەقینەوە، بوێرانە دەنگ هەڵدەبڕێ‌ ‌و پشتیوانی خۆی بۆ لێدان لەهەر جۆرە باڵێك و هەر چەشنە گەندەڵیەك رادەگەیەنێت ‌و پێداگیری دەكات، ئەم ئیرادەیە كە تا ئێستا زیاتر هەر دروشم بووە، بگۆڕێ‌ بۆ پراكتیك و بەرگریشی لێدەكا و بەئاشكرا دەڵێت كە ئیتر یەكێتیی دەبێ‌ كرداری لەگوتاری زاڵتر و زوڵاڵتر بێت.



پەرلەمان با لەکەرکووک کۆببێتەوە:
پێشنیارێک بۆ لایەنە سیاسیەکانی هەرێم
چەند سەرنجێك لەسەر قسەكانی فەرەیدون عبدالقادر
پانۆرامای بەکارهێنانی چەکی کیمیایی لەکوردستان
لە دژی دادوەری حیزبی : (کورە لە ئاگر گەرمتر)
دەستەی دەستپاکی ... بۆ وا بێ باکی ...؟؟
بۆ ئەوەی چەواشەكارییەكانی پارتی سەبارەت بە ئاڵا دەرخەین
بۆ جاش هونەرمەندو بیرۆکەدزانی کورد ئایدل
ئایا ڕکابەر و دژ دەبنە دادوەر ....؟؟
شاخداری، ئەمینداری گشتی یەکگرتوو، بەرد دێنێتە جەواب!
نێچیرڤان بارزانی پۆز لێ دەدات

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە