دوو کۆڵبەر بە گولەی هێزە ئەمنییەکان لە ڕۆژهەڵات کوژرا
PM:02:03---13-02-2017
ئه‌م بابه‌ته 1151 جار خوێنراوه‌ته‌وه‌‌
لڤین:
لە ئاکامی دەستڕێژیی گولـلەی هێزە ئەمنییەکانی ئێران لە ناوچەیەکی سەڵماسی ڕۆژهەڵاتی کوردستان دوو کۆڵبەری دیکەی کورد کوژران.

ئاژانسی هەواڵی کوردپا بڵاویکردەوە، لە شاخی"هەرەول"ی سنوری شاری سەڵماس کە دەکەوێتە نێوان سنوری ئێران و تورکیاوە، هیزە ئەمنییەکانی ئێران چوار کۆڵبەری کوردیان داوەتە بەر دەستڕێژی گولـلە و لەئاکامدا دوو کۆڵبەریان بە ناوەکانی "خوسرەو کازمی" تەمەن ٤٢ ساڵ و "داریوش پاشایی" تەمەن ٣٥ ساڵ کوژران.

بەپێی زانیاریەکانی ئاژانسەکە، خوسرەو کازمی خێزاندارە و باوکی پێنج منداڵە، داریوش پاشایی خێزاندارە و باوکی دوو منداڵە و خەڵکی گوندی خۆڕخۆڕەی شاری سەڵماسن.

لەڕووداوەکەدا کۆڵبەرێکی تری کورد بە ناوی "ئازاد مامەدی" خەڵکی گوندی "دێرک" بە سەختی بریندار بووە و یەکێکی تریش بە ناوی حیکمەت کە خەڵکی گوندی"وەڕک"ە دەستبەسەر کراوە.

لە سێ هەفتەی ڕابردوودا، ١٣ کۆڵبەری کورد بە هەرەسی بەفر و تەقەی ڕاستەوخۆی ‌هێزە ئەمنیەکان کوژران و برینداربوون.

بەپێی ئامارێکیش لە ساڵی ٢٠١٦دا، ٤٩ کۆڵبەری کورد گیانیان لەدەستداوە کە ٤١ کۆڵبەریان بە تەقەی ڕاستەوخۆی هێزە ئەمنیەکانی ئێران کوژران و ٤٧ کۆڵبەری دیکەش برینداربوون.



نێچیرڤان بارزانی نامەیەک ئاڕاستەی پەرلەمان دەکات
مامۆستایانی ناڕازی بەیاننامەیەکیان بڵاوکردەوە
نێچیرڤان بارزانی و قوباد تاڵەبانی گەیشتنە ئەڵمانیا
بەرهەم ساڵەح: باهاوپەیمان بین بۆ دادپەروەری و پشتگیری پێشمەرگە
مەترسی نەمانی موچە ئاشکرا دەکرێت لەساڵی داهاتودا
"ئەگەر بارزانی ببینم دەڵێم بڕۆ سەر تەلەفزیۆن و بەڵێنەکەت ببەسەر"
"حکومەتی ناوەند بەڵێنی کردنەوەی فڕۆکەخانەکانی داوە"
خوێندکارە کوردە دەستگیر کراوەکانی کەرکوک ئازاد کران
سێ منداڵە ڕزگارکراوەکەی ژێردەستی داعش گەیشتنەوە دهۆک
ئەمڕۆ دەروازە سنوریەکانی پەروێزخان و حاجی ئۆمەران دەکرێنەوە
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە