رێبەری ئێران ئاشت نابێتەوە
PM:01:19---16-02-2017
ئه‌م بابه‌ته 1515 جار خوێنراوه‌ته‌وه‌‌
لڤین:
رێبەری ئێران عەلی خامەنەیی بە رەتكردنەوەی ئاشتەوایی نیشتیمانی رایگەیاند لەگەڵ ئەو كەسانە ئاشت نابینەوە كە سووكایەتییان بە رۆژی عاشورا كرد و بەسیجێكیان لەسەر شەقام رووتكردەوە.

خامەنەیی لە كۆبوونەوەیەك لەگەڵ ئازەرییەكانی وڵاتەكەی بە توندی ھێرشی كردە سەر بە كارھێنانی دەستەواژەی "ئاشتەوایی نیشتیمانی" و لەمبارەوە گوتی "ئاشتەوایی نیشتمانی ھیچ مانایەكە نییە، مەگەر خەڵك لە یەكتر توڕە بوونە كە بیانەوێت ئاشت ببنەوە؟ توڕەبوونێك لە كاردا نییە، بەڵام خەڵك لەو كەسانە توڕن و ئاشت نابنەوە كە سوكایەتییان بە رۆژی عاشورای 88 (2009) كرد و بە شێوەیەكی توڵەسەندەوە و بە شەرمنانە گەنجێكی بەسیجیان لەسەر شەقام رووتكرد و لێیاندا".

ئاماژەی خامنەیی لەو كەسانە، لایەنگرانی موسەوییە كە بە بزووتنەوەی سەوز ناسراون و لە ساڵی 2009 پاش ھەڵبژاردنی سەرۆكایەتی چەندین خۆپیشاندانیان دژی راگەیاندنی ئەنجامەكانی ھەڵبژاردن سازكرد كە پێیان وایە ساختەكارییەكی زۆر لە راگەیاندنی ئەنجامەكانی كراوە.

سەرۆك كۆماری پێشووتری ئێران محەمەد خاتەمی ھەفتەی رابردوو بیرۆكەی ئاشتەوایی نیشتمانی نێوان گرووپە سیاسییەكانی ناوخۆی وڵاتەكەی خستەڕوو.

ھەر لەمبارەوە گوتی "ھیوادارین ئەو ئاشتییە رێژەییەی پاش كۆچی دوایی ھاشمی بەدەستھاتووە، بە سەرۆكایەتی رێبەر بەردەوام بێت".

پلانی ئاشتەوایی نیشتیمانی پاش مردنی رەفسەنجانی بوویە بەشێك لە كار و چالاكییەكانی ریفۆرمخوازانی ئێران و ھەوڵی بەدەستھێنانی دەدەن، بە تایبەتی كە سەرانی بزووتنەوەی سەوز میرحوسێن موسەوی و مەھدی كەڕوبی لەگەڵ ھاوسەرەكانیان لە ماڵەكانیان دەستبەسەرن و ھەموو جورە قەدەغەییەكیش خراوەتە سەر محەمەد خاتەمی.

خامنەیی بێ ئەوەی ناوی خاتەمی بێنێت و وەڵامی دەداتەوە و دەڵێت "ئاشتەوایی نیشتیمانی بێ مانایە و خەڵك لەگەڵ فتنەگرانی عاشورای 88 ئاشت نابنەوە".

توندوتیژی عاشورای 2009 لە كاتێكدا بوو، كە بە پێی بیروباوەری شیعەكان ھەر جورە توندوتیژییەك لە رۆژی عاشورا قەدەغەیە، ھەربۆیە كوشتن و نواندنی توندوتیژی دژی خۆپیشاندەران لە رۆژی عاشورا لە لایەن ھێزە ئەمنییەكان، ھەستی دژی حكومەتی ئێران فراوانتر كرد و نارەزایەتییەكی زۆری لێكەوتەوە.



ئه‌سه‌د: ترەمپ ڕێگری لە تیرۆرستەکان دەکات بچنە ئەمریکا
ئەمریکا داوای رەوانەكردنی ھێزی وشكایی بۆ سوریا دەكات
پێنتاگۆن: چەکدارانی داعش رەققە جێدەهێڵن
ڤیدیۆ: بزانە منداڵێکی لە ئیدلب هاوری چی دەکات
حزبوڵڵا ھێڵی سور بۆ ترەمپ دیاری دەكات
وڵاتانی كەنداو ڕولەکڕینی فرۆکەی جەنگی دەکەن
وڵاتانی عەرەبی و ئاسیا روویان لە كڕینی چەك كردووە
خان بێزاره‌ له‌ میوان
مێژوونووسێك: تره‌مپ ته‌نیا 199 رۆژ له ده‌سه‌ڵاتدا ده‌مێنێته‌وه‌
تره‌مپ: سه‌یری كه‌ن شه‌وی رابردوو چی له‌ سوید روویدا

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە