لڤین ناوەڕۆکی کۆبونەوەکەی قوباد تاڵەبانی و گۆڕان بڵاو دەکاتەوە
PM:02:10---17-02-2017
ئه‌م بابه‌ته 15151 جار خوێنراوه‌ته‌وه‌‌
لڤین:
كۆبوونەوەكەی سەركردایەتی هاوبەشی یەكێتی نیشتمانی‌و بزووتنەوەی گۆڕان لەگەڵ جێكری سەرۆكی حكومەت چەند بڕیارێكی دەركردو دوو لیژنەش بۆ جێبەجێكردنی رێكەوتنە سیاسییەكەی هەردوو حیزب پێكهێنرا.

میدیای فەرمی یەكێتی بڵاویكردەوە، كە كۆبوونەوەی قوباد تاڵەبانی جێگری سەرۆك وەزیرانی حكومەتی هەرێم لەگەڵ كۆمیتەی سەركردایەتی هاوبەشی یەكێتی نیشتمانی كوردستان‌و بزووتنەوەی گۆڕان كۆتایی هات‌و تێیدا چەند بڕیارێكی گرنگ لەسەر جێبەجێكردنی رێكەوتننامەكەی نێوان یەكێتی‌و گۆڕان‌و ئاڵوگۆڕی پۆستەكان‌و چارەسەركردنی كێشەكان درا.

سەرچاوەیەكی تایبەت بە میدیای فەرمی یەكێتی رایگەیاندووە "كۆبوونەوەی قوباد تاڵەبانی جێگری سەرۆك وەزیرانی حكومەتی هەرێم لەگەڵ كۆمیتەی سەركردایەتی هاوبەشی یەكێتی‌و گۆڕان لەبارەگای مەكتەبی سیاسی یەكێتی لەسلێمانی بەرێوەچووەو تێیدا گفتوگۆ كراوە لەسەر رێكەوتننامەكەی نێوان یەكێتی‌و گۆڕان‌و چۆنییەتی جێبەجێكردنی ئەو رێكەوتنەو گۆڕانكاری لەپۆستە جۆجێییەكانی شاری سلێمانی لەنێوان هەردوولاو كاركردن بۆ چارەسەركردنی كێشەكان".

ئەو سەرچاوەیە راشیگەیاندووە كۆبوونەوەكە چەند بڕیارێكی گرنگی دەركرد بۆ جێبەجێكردین رێكەوتننامەكەی نێوان یەكێتی‌و گۆڕان ئاڵوگۆڕی پۆستەكان لەنێوان هەردوولادا دەركردووە، لەو بارەیەشەوە، بڕیاریدا دوو لیژنەی ئیداری‌و سیاسی پێكبهێنرێت بۆ جێبەجێكردنی رێكەتننامەكەی نێوان یەكێتی و گۆڕان.

ئەوەشی ئاشكراكردووە، كە لیژنە كارگێرییەكە راستەخۆ لەلایەن قوباد تاڵەبانی جێگری سەرۆكی حكومەتەوە سەرپەرشتی دەكرێت‌و لیژنە سیاسییەكەش لەلایەن لەتیف شێخ عومەر لێپرسراوی مەڵبەندی 1ی سلێمانی لەیەكێتی‌و ئاسۆ محەمەد لەگۆڕان سەرپەرشتیدەكرێت.

بزووتنەوەی گۆڕان‌و یەكێتی نیشتمانی لە 17/5/2016وە رێككەوتنی سیاسییان واژووكردوووە، ئەوەش بۆ هەماهەنگی كردن لەپرسە سیاسی‌و ئابوورییەكانی هەرێم‌و عێراق، كە ئێستا كار بۆ جێبەجێكردنی رێككەوتنەكە دەكرێت.



مه‌سرور بارزانی: پارتی له‌ هه‌موو كه‌سیك زیاتر په‌رۆشی ئه‌وه‌یه‌ خۆشگوزه‌ران بن
قوباد تاڵەبانی بڕیارێکی بۆ کەسوکاری شەهیدان دەکرد
وەزارەتی دارایی بڕیارێکی بۆ مۆڵەتی بێ مووچەی وەزیرەکان دەکرد دەکرد
رێگەیەکی نێوان هەولێر و دهۆک دادەخرێت
هەرێم لەسەر زیندانییە سیاسییەکان داوایەک ئاڕاستەی بەغداد دەکات
ده‌ستپێكردنی چالاكییه‌ سه‌ربازییه‌كان بۆسه‌ر ئێران راگیراون
عەبادی: هیچ جیاوازییەك لە نێوان كورد و عەرەبدا نییە
چه‌ند فه‌رمانگه‌یه‌كی دیکەی ئیتیحادی له‌ هه‌ڵه‌بجه‌ دەکرێتەوە
لاهور شێخ جه‌نگی: دوای هه‌ڵبژاردن پێشمه‌رگه‌ دەگەڕێتەوە ناوچە دابڕێنراوه‌كان
ژماره‌یه‌ك فه‌رمانبه‌ر داوای خه‌رجكردنی ده‌رماڵه‌كانیان ده‌كه‌ن
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە