بارزانی: داوا لە خەڵكی كوردستان دەكەم ئومێدیان بەهێز بێت
PM:12:33---20-03-2017
ئه‌م بابه‌ته 3890 جار خوێنراوه‌ته‌وه‌‌
لڤین:
مەسعود بارزانی، پەیامێکی بەبۆنەی هاتنی سەری ساڵی کوردییەوە بڵاوکردەوە و ئاماژە بۆئەوەدەکات مانگی ئازار مانگی سەركەوتن و خۆشی و ئێش و نەهامەتییەكانی گەلی كوردستان بووە. لەگەڵ ئەوەیشدا ئازار و نەورۆز بۆ گەلەكەمان هێمای تێكشكاندنی زوڵم و دەركەوتنی ڕووناكی و ژیانەوە دەدات و ئەوەیش بەو مانایە دێت كە قوربانیدان و خەبات، ئەنجام و بەرهەمی دەبێت.

دەقی پەیامەکەی بارزانی:.

بەناوی خودای بەخشندە و میهرەبان

بەبۆنەی جەژنی نەورۆز و سەری ساڵی كوردییەوە گەرمترین پیرۆزبایی خۆم ئاڕاستەی هاووڵاتیانی هەرێمی كوردستان و هەموو كوردانی ناوەوە و دەرەوەی وڵات و هەموو پێكهاتە نەتەوەیی و ئایینییەكانی كوردستان دەكەم. هیوای ساڵێكی خۆش و پڕ لە بەرەكەت و بەختەوەری بۆ هەموو لایەك دەخوازم.

مانگی ئازار مانگی سەركەوتن و خۆشی و ئێش و نەهامەتییەكانی گەلی كوردستان بووە. لەگەڵ ئەوەیشدا ئازار و نەورۆز بۆ گەلەكەمان هێمای تێكشكاندنی زوڵم و دەركەوتنی ڕووناكی و ژیانەوە دەدات و ئەوەیش بەو مانایە دێت كە قوربانیدان و خەبات، ئەنجام و بەرهەمی دەبێت.

خۆڕاگری و قوربانیدانی بێ هەژماری گەلی كوردستان لە قۆناغە سەختەكانی خەباتدا هەر لە بەرگریكردن لە مان و ناسنامەییەوە بگرە هەتا تێكشكاندنی تیرۆریستانی داعش دەبێ ئەنجامی هەبێت و پێویستە ئەو خەبات و دەستكەوتانە یەك هەنگاویش بەرەو پاشەوە نەڕوات و دەبێ گەلی كوردستان بگاتە سەروەریی خۆی و خاوەن بڕیار و چارەنووس و ژیانی خۆی بێت. هەر ئەوەیشە باشترین وەڵام و باڵاترین وەفا بۆ خوێنی شەهیدان و قوربانیدانی گەل.

ئەو قوربانییەی گەلی كوردستان داویەتی و ئەو فەرهەنگە بەرزەی لە پێكەوەژیان و لێبوردەییدا هەیەتی و ئەو قارەمانێتییەی پێشمەرگە تۆماری كردووە، لەچاوی جیهانیاندا شاراوە نییە و ئێستا جیهان شانازی بە گەلی كوردستان و پێشمەرگە دەكات.

لەم بۆنەیەدا داوا لە خەڵكی سەربەرزی كوردستان دەكەم ئومێدیان بەهێز بێت، چونكە بە دڵنیاییەوە خۆڕاگرییەكەیان بەرهەمی دەبێت. داوا دەكەم لە بەرانبەر هەر هەوڵ و دەنگێكدا خۆڕاگر بن كە بیەوێ بڕوابەخۆبوونیان لێ بستێنێتەوە و پاشكۆیی بچەسپێنێت. نەورۆز لە خانەوادەی سەربەرزی شەهیدان و هەموو پێشمەرگە قارەمانەكان پیرۆز دەكەم.
هەر لە خۆشیدا بن.

مسعود بارزانی
20ـی 3ـی 2017




كۆمیسیۆن: وەڵامدانەوەی بارزانی كێشەیەكی نوێی لەهەرێم دروستكرد
كەشناسی زانیاری لەسەر بۆمەلەرزەكەی هەرێم ئاشكرادەكات
دامەزراندن لە دادگای تێھەڵچوونەوەی ناوچەی سلێمانی ڕاگەیەندرا
ئێران: له‌گه‌ڵ توركیا ئۆپراسیۆنی دژ به‌ په‌كه‌كه‌و پژاک ئه‌نجام ناده‌ین
دادگای فیدڕاڵی بودجه‌ی پێشمه‌رگه‌ هه‌ڵده‌وشێنێته‌وه‌
ئاكه‌په‌: ریفراندۆمی‌ كوردستان كێشه‌كان قوڵترده‌كاته‌وه‌
پاره‌ی گه‌نمی جوتیارانی دهۆك و سلێمانی دابه‌شده‌كرێت
لڤین ناوەڕۆکی کۆبونەوەکەی ئەنجومەنی باڵای ریفراندۆم بڵاودەکاتەوە
بومەلەرزەیەک ژمارەیەک ناوچەی کوردستانی هەژاند
بەرپرسێکی باڵای هەواڵگری كەركوك كوژرا
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە