ده‌سته‌ی پاراستن و ژینگه‌: پارێزگاری لە ژینگە بکەن
PM:04:48---20-03-2017
ئه‌م بابه‌ته 892 جار خوێنراوه‌ته‌وه‌‌
لڤین:
ده‌سته‌ی پاراستن و چاككردنی ژینگه‌ و ده‌سته‌ی گشتیی گه‌شتوگوزاری هه‌رێمی كوردستان، به‌ بۆنه‌ی هاتنی نه‌ورۆز، وێڕای پیرۆزبایی له‌ خه‌ڵك و گه‌شتیاران كۆمه‌ڵێك رێنمایی ژینگه‌ییان خستووه‌ته‌ڕوو.

ده‌قی به‌یاننامه‌كه‌:
به‌یاننامه‌ی ژینگه‌ و گه‌شتوگوزار
نه‌ورۆزی ژینگه‌یی و گه‌شتیاری له‌ هه‌موان پیرۆز بێت

به‌ناوی ده‌سته‌ی پاراستن و چاككردنی ژینگه‌ و ده‌سته‌ی گشتی گه‌شتوگوزار، به‌بۆنه‌ی هاتنه‌وه‌ی جه‌ژنی نه‌ته‌وه‌یی و سه‌ری ساڵی كوردی، جوانترین پیرۆزبایی ئاراسته‌ی سه‌رجه‌م هاونیشتیمانان و گه‌شتیاریارانی خۆشه‌ویست ده‌كه‌ین، هیوادارین نه‌ورۆزی ئه‌مساڵمان، ساڵی به‌دیهاتنی خه‌ون و خواسته‌كانی خه‌ڵكی كوردستان بێت و كۆتایی نه‌هامه‌تی و ناسۆری میلله‌ته‌كه‌مان بێت.

له‌ هه‌مانكاتدا خوازیارین، هاووڵاتیان له‌گه‌ڵ هاتنی نه‌ورۆز كاتیكی خۆش به‌سه‌ر به‌رن له‌ سه‌یرانگه‌كان و ناوچه‌ گه‌شتیارییه‌كان، به‌ڵام ره‌چاوی پاراستنی ژینگه‌ و شوێنه‌كانی سه‌یران و گه‌شتیاری بكه‌ن، به‌تایبه‌تی له‌ رۆژی یه‌كه‌می نه‌ورۆزه‌وه‌ به‌ هیچ شێوه‌یه‌ك ئاگری نه‌ورۆز به‌ تایه‌ و ماده‌ پلاستیكییه‌كان نه‌كرێته‌وه‌ و له‌ رۆژانی نه‌ورۆز و سه‌یران و گه‌شتكردندا، پاشماوه‌ و زبڵ و خاشاكی گه‌شته‌كه‌یان له‌گه‌ڵ خۆیان بهێنه‌وه‌ و كانیاو و سه‌رچاوه‌كانی ئاو پیس نه‌كرێت، یاخود ئۆتۆمبێل له‌ سه‌یرانگه‌كان و ناوچه‌ گه‌شتیارییه‌كان نه‌شۆردرێت، چونكه‌ سروشت و ناوچه‌ گه‌شتیارییه‌كان موڵكی هه‌موو هاووڵاتی و گه‌شتیارانه‌ و ناكرێت به‌هۆی پیسكردن و تێكدانی ژینگه‌ی ناوچه‌كان و سروشت زیانی به‌ركه‌وێت.


هاووڵاتیانی ئازیز:
ئه‌گه‌ر پاراستنی ژینگه‌ له‌پێناو مانه‌وه‌ی مرۆڤایه‌تی و هه‌مه‌جۆری زینده‌وه‌راندا بێت و كار بۆ پاراستنی بكرێت له‌ جیهاندا، ئێمه‌ی میلله‌تی كورد، زۆر له‌ میلله‌تانی تر زیاتر ئه‌ركمانه‌ پارێزگاری له‌ پاراستنی ژینگه‌ بكه‌ین، چونكه‌ تا هه‌نووكه‌ به‌ خوێن و به‌ گیانی پێشمه‌رگه‌ قه‌ره‌مان و گیان له‌ سه‌ر ده‌سته‌كانمان پارێزگاری له‌ ژینگه‌ و خاكی كوردستان ده‌كه‌ین، بۆیه‌ وه‌فاداریمان بۆ خوێنی شه‌هیدانمان ئه‌ركی هه‌موانه‌ پارێزگاری له‌ ژینگه‌ بكه‌ین و ناوچه‌ گه‌شتیارییه‌كان به‌ جوانی و سروشتی خۆی بهێڵێنه‌وه‌ و پارێزگاری له‌ پاراستنی دار و ده‌رخته‌كان بكه‌ین و به‌هیچ جۆرێك جۆلانه‌ له‌سه‌ر داره‌كان نه‌كرێت و ئاگر له‌ ژێردار و ده‌رخته‌كان نه‌كرێته‌وه‌.

جارێكی تر پیرۆزباییمان بۆ تێكرایی خه‌ڵكی كوردستان و پێشمه‌رگه‌ قه‌ره‌مانه‌كان و كه‌سوكاری شه‌هیدان و برینداره‌كانی كوردستان ده‌نێرین و ئومێد ده‌كه‌ین، هه‌موومان نه‌ورۆزی ژینگه‌یی و گه‌شتیاری بكه‌ین.

ده‌سته‌ی پاراستن و چاككردنی ژینگه‌
ده‌سته‌ی گشتی گه‌شتوگوزاری هه‌رێم





‌هه‌رێم و به‌غدا له‌سه‌ر دواخستنی ئۆپه‌راسیۆنێک رێككه‌وتن
هه‌ڵه‌بجه‌: ‌بوومه‌له‌رزه‌یه‌ك روویدا
نێچیرڤان بارزانی کوردستان بەجێدەهڵێت
وەزیری تەندروستی پرۆژەی راوێژكاری خێزانی بەكار دەخرێت
هەڵوێستی نەوشیروان مستەفا لەسەر ئەو ڕەخنانەی ئاراستەی گۆران دەکرا چی بووە؟
کاتژمێرەکانی کارەبای چەمچەماڵ زیادکرا
کۆسرەت ڕەسوڵ نەشتەرگەریەکی دیکەی بۆ ئەنجامدرا
ئامانجی سەردانەکەی نێچیرڤان بارزانی بۆ ئەڵمانیا ئاشکرا کرا
ھەدەپە: كودەتای سەربازی لە توركیا روو دەدات
هۆشداری دەدرێت لە پێکدادانی هەرێم و بەغدا
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە