‌نه‌خشه‌ رێگاكه‌ی یه‌كێتی ره‌وانه‌ی ئه‌نجومه‌نی ناوه‌ند كرا
PM:05:04---20-03-2017
ئه‌م بابه‌ته 1929 جار خوێنراوه‌ته‌وه‌‌
لڤین:
وته‌بێژی ئه‌نجومه‌نی ناوه‌ندی یه‌كێتی نیشتیمانی کوردستان ئاشكرایده‌كات، دوێنێ ده‌قی نه‌خشه‌ رێگاكه‌ی حزبه‌كه‌یان به‌ ده‌ست گه‌یشتووه‌ و هه‌وڵده‌ده‌ن دوای نه‌ورۆز له‌ كۆبوونه‌وه‌ی ئه‌نجومه‌نه‌كه‌یاندا دوای گفتوگۆكردن په‌سه‌ندی بكه‌ن.

له‌تیف نێروه‌یی، وته‌بێژی ئه‌نجومه‌نی ناوه‌ندی یه‌كێتی له‌ لێدوانێكی تایبه‌تدا به‌ سایتی ئه‌نجومه‌نی ناوه‌ندی رایگه‌یاند"دوای چه‌ند كۆبونه‌وه‌یه‌كی ئه‌نجومه‌نی سه‌ركردایه‌تی له‌سه‌ر نه‌خشه‌ رێگاكه‌ی یه‌كێتی بۆ چاره‌سه‌ركردنی كێشه‌كان رۆژی دوو شه‌ممه‌ی رابردوو نه‌خشه‌ رێگاكه‌ په‌سه‌ندكرا، رۆژی یه‌كشه‌ممه‌ش 19ی ئازاری 2017،  ره‌وانه‌ی ئه‌نجومه‌نی ناوه‌ندی كرا.

وتیشی"پێشتریش ره‌شنووسی نه‌خشه‌ رێگاكه‌ بۆ ئه‌نجومه‌نی ناوه‌ندی نێردرابوو راو و سه‌رنج و تێبینی خۆمان بۆ مه‌كته‌بی سیاسی نارده‌وه‌، بڕیاریشه‌، ئه‌مرۆ دوو شه‌ممه‌  له‌ كۆبونه‌وه‌ی سكرتارییه‌ت و لێپرسراوی كۆمسیۆنه‌كانی ئه‌نجومه‌ن بخرێته‌ به‌رنامه‌ی كاری كۆبونه‌وه‌ی فراوانی ئه‌نجومه‌نی ناوه‌ندی كه‌ دوای جه‌ژنی نه‌ورۆز ئه‌نجام ده‌درێت و دوای گفتوگۆكردن و راو سه‌ره‌نجی هه‌ڤاڵانی ئه‌نجومه‌ن له‌سه‌ر نه‌خشه‌ رێگاكه‌ ده‌خرێته‌ ده‌نگدانه‌وه‌ په‌سه‌ند ده‌كرێت، دواتر ده‌بێته‌ نه‌خشه‌ رێگای فه‌رمی یه‌كێتی بۆ چاره‌سه‌ری قه‌یرانه‌كان".

نه‌خشه‌ڕێگاكه‌ی یه‌كێتی له‌ هه‌شت ته‌وه‌ر پێكهاتووه‌، كه‌ بریتین له‌ په‌یوه‌ندی نوێی یه‌كێتی و لایه‌نه‌ سیاسییه‌كانی كوردستان، دۆخی نێوده‌وڵه‌تی ناوچه‌كه‌ و كوردستان، گۆڕانكاری پۆسته‌كانی سه‌ركردایه‌تی، كێشه‌ی ئابووری، كێشه‌ی نه‌وت و گاز و شه‌فافیه‌تی تێكڕایی قه‌یرانی دارایی و پاشه‌كه‌وتی مووچه‌، بودجه‌، چاكسازی، پاكسازی و نوێ سازی و ریفراندۆم و سه‌ربه‌خۆیی.

ئه‌نجومه‌نی ئه‌نجومه‌نی سه‌ركردایه‌تی یه‌كێتی له‌ كۆبوونه‌وه‌ی رۆژی 14ی ئازاری 2017، نه‌خشه‌ رێگای حزبه‌كه‌ی بۆ چاره‌سه‌ر كێشه‌كان به‌ زۆرینه‌ی ده‌نگ په‌سه‌ند كرا.




مەسعود بازرانی دوای 24 کاتژمێر لەئاڵۆزی کوردستان و ونبوونی دەرکەوت
وێنە: کێ لەپشت هێنانەوەی تەرمی شەهیدەکانی یەکێتی بوو بۆ سلێمانی
پارتی لە باشک کشایەوە
وێنە: کۆسرەت ڕەسوڵ دەرکەوتەوە
شوان قەڵادزەیی گیانی لەدەستدا
قائیمقامی سلێمانی دڵنیایی ده‌داته‌ هاووڵاتیان
وه‌ستا ڕه‌سوڵ: به‌ فه‌رمانی بارزانی پێشمه‌رگه‌ پاشه‌كشه‌ی كرد
ئاراس شێخ جه‌نگی: ویستیان ئاشبه‌تاڵێكی دیكه‌ بخوڵقێنن
جه‌بار یاوه‌ر: هێزه‌كانی 70 له‌ وه‌زاره‌تی پێشمه‌رگه‌ دوور نەخراونەتەوە
پارتییەکانی ناویەکێتی و سەلاحەدین بەهادین و محەمەدی حاجی مەحمود و هێمن هەورامی ونبوون
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە