كەجەكە هەڵوێستی خۆی لەسەر ڕیفراندۆمەکەی تورکیا ڕاگەیاند
PM:07:37---17-04-2017
ئه‌م بابه‌ته 1566 جار خوێنراوه‌ته‌وه‌‌
لڤین:
هاوسەرۆكی كۆنسەی كۆما جڤاكین كوردستان كەجەكە هەڵوێستی خۆی لە سەر ئەنجامدانی ریفراندۆمەكەی توركیا راگەیاندو داوای رێكەوتن دژ بە ئەكەپە و مەهەپە دەكات دەشڵێت، ریفراندۆمی پێش ١٦ی نیسان ڕەوا نەبوو و پاش ١٦ی نیسانیش ڕەوا نابێت.

كەجەكە لە ڕاگەیەندراوەكەیدا كە ئەمڕۆ بڵاوی كردەوە، باسی لە دەنگی "نا" لە كوردستان كردووە و ڕایگەیاندووە، كە ئەنجامی ریفراندۆمەكە وەڵامی پێویستی دایەوە بە پیلانگێڕیی.

لە ڕاگەیەندراوی هاوسەرۆكایەتی كەجەكەدا كە ماڵپەری "ڕۆژنیوز" بڵاویكردوەتەوە، ئاماژە بەوەكراوە، لەم ریفراندۆمەدا كە لە دۆخی نائاساییدا ئەنجامدرا، ڕێككەوتنی ئاكەپە و مەهەپە تێكچوون و ئەوانەشی سەركەوتن گەلانی توركیا و گەلی كورد بوون، بە هەموو فشار و زۆرداری و دەستگیركردنەكانی ئاكەپە لە كۆتایدا توانی بە ڕێژەی ٥١%ەوە ریفراندۆمەكە بباتەوە، لە لایەكی دیكەوە ڕێژەی دەنگی "نا" لە سەرتاسەری توركیا لانیكەم ٥٥% بووە، ئاكەپە زۆر زوو سەركەوتنی خۆی لە دەزگا ڕاگەیاندنەكاندا ڕاگەیاند و بەم شێوەیە ڕێگای نەدا دەنگی "نا" سەركەوێت".

هەروەها باس لەوەشكراوە، لە ناوچەكانی مارمارا، ئەگە و دەریای سپی كە ژیانی سیاسی و كۆمەڵگایی و كەلتوری توركیا لەڕێگای ئەو ناوچانەوە دیاریدەكرێن، هەروەها لە هەموو شارە گەورەكانی توركیا وەكو ئەنقەرە و ئەنستەنبوڵ و لە باكوری كوردستانیش دەنگی "نا" سەركەوت".

ئەوەش هاتووە:"لەلایەكی دیكەوە ئەگەر دەسەڵاتداری بتوانێت ٥٠%ی دەنگەكانی سەرتاسەری توركیا بەدەست بێنن ئەمە بە واتای ئەمە نییە كە دەتوانن و بۆیان هەیە بەسەر سەرتاسەری توركیا باڵادەست بن، ئەنجامەكانی ئەم ریفراندۆمە و دەستووری توركیا و دەسەڵاتداری توركیا نوێنەرایەتی گەلانی توركیا ناكەن، ئێمە گەلی كورد و هەموو هێزە دیموكراسیخوازەكان ئیرادەی گەل بەرز دەنرخێنین كە لەبەرامبەر فشار و زۆرداری توركیادا تا كۆتایی وەستان و تێكۆشانیان كرد".

كەجەكە وتی:"بەهۆی دۆخی نائاسییەوە فشارێكی زۆر لەسەر گەلی كورد هەیە لە باكوری كوردستان، شارە كوردییەكان سووتێندراون، سەدان هاوڵاتی مەدەنی كوژراون، هەموو سیاسەتمەدارەكان و هاوسەرۆكانی شارەوانییەكان دەستگیركراون، لەم دۆخەدا كە لە سەروبەندی ریفراندۆمەكەدا هەموو چالاكییەكانی هەدەپەیان قەدەغە كرد و پەرلەمانتارەكانی هەدەپەیان خستە زیندانەوە و سرودی "بێژن نا"ی هەدەپەیان قەدەغەكرد، گەلی كورد لە ٦٥% بۆ ٨٥% دەنگی "نا"یان دا بە ریفراندۆمەكە، ئەمەش وەڵامێكی كوشندەیە بۆ ڕێككەوتنی ئاكەپە و مەهەپە لە كوردستان، ئەمە دەیسەلمێنێت گەلی كورد ئەو دەسەڵاتدارییە بە ڕەوا نازانێت".

لە درێژەی ڕاگەیەندراوەكەی كەجەكەدا هاتووە: "دەسەڵاتداری ئاكەپە و میتی تورك هەر لە سەرەتاوە ڕایانگەیاند، كە ئەم ریفراندۆمە پەیوەندی بە كوردەكانەوە نییە، دەیانویست بەم كارە گەلی كورد ریفراندۆمەكە بایكۆت بكەن، بەڵام ئەم پلانەیان ٩٠% پوچەڵ كرایەوە، وێڕای هەموو هێرش و فشارەكان بۆ سەر ئەو ناوچانەی خۆبەڕێووەبەریان ڕاگەیاندبوو، ٨٠%ی خەڵكەكەی ئەو ناوچانە دەنگی "نا"یان دا بە ریفراندۆمەكە، گەلی كورد بە دانی دەنگی نا وەڵامی پێویستیان دایەوە بە پیلانگێڕی دوژمن لە كوردستان، خەڵكی كوردستان وەڵامی هێرشەكان بۆسەر هەدەپە و هاوسەرۆكانی شارەوانییەكانیان دایەوە.

ڕونیشكراوەتەوە، نەتەنیا لە كوردستان بەڵكو لە هەموو شارە گەورەكانی توركیا دەنگی نا درایە ریفراندۆمەكە، ئەمەش بە واتای سەركەوتنی گەلی كورد و هێزە دیموكراتیخوازەكانە، ئەمانە دەیسەلمێنن كە وەكچۆن پێش ١٦ی نیسان دەسەڵاتداری ئاكەپە ڕەوا نەبوو، پاش ١٦ی نیسانیش ئەو دەسەڵاتدارییە ڕەوا نییە، هەروەها ریفراندۆمەكەش نە پێش ١٦ی نیسان و نە پاش ١٦ی نیسان ڕەوا نەبوو و نابێت، بە ئەنجامی ئەو ریفراندۆمە دەستووری توركیا دەكەوێتە دۆخێكی ناعەقڵانییەوە، ئێمە دەڵێین، چونكە لە كوردستان دەنگی نا بەم گۆڕانكاریانە سەركەوت، ریفراندۆمەكەش لەوێ هیچ متمانەیەكی پێ نییە".

لە بەشێكی دیكەی ڕاگەیەندراوەكەدا ئاماژەبەوەكراوە:"ئەنجامی ئەو ریفراندۆمە ئەركێكی قورس دەخاتە سەر شانی گەلی كورد و گەلانی توركیا، ئەم ریفراندۆمە سەلماندی، كە ئەگەر گەلی كورد و هێزە دیموكراسیخوازەكان یەكبگرن سەردەكەون، هێزە دیموكراسیخوازەكان لە ئەنجامی هەڵبژاردنەكەی ٧ی حوزەیراندا سەركەوتن، بەڵام هێزە فاشیستەكان ئەو هەڵبژاردنەیان هەڵوەشاندەوە، هەر وەك ئەو كاتە، ئەگەر لەم ریفراندۆۆمەشدا دەنگی "نا" وەكو سەركەوتوو ڕاگەیەندرایە، ڕێكەوتنی فاشیستی ئاكەپە و مەهەپە قبوڵیان نەدەكرد".

لە كۆتای راگەیەندراوەكەدا باس لەوەكراوە " ئاشكرایە كە ئەردۆغان بە هاوكاری مەهەپەوە دەیەوێت كە فشارەكان بۆسەر هێزە دیموكراسیخوازەكان زیاد بكات، ئەگەر دژی ڕێككەوتنی ئاكەپە و مەهەپە تێكۆشان نەكرێت، هەموو بوارەكانی سیاسی، ئابوری، كۆمەڵگایی و كلتوری دەكەوێتە ژێر دەسەڵاتی هێزە فاشیستەكانەوە، بۆیە پێویستە هەوڵدان و تێكۆشانی هێزە دیموكراسیخوازەكان بەرفراوان ببنەوە بۆ ئەوەی دەستوورێكی دیموكراتی لە توركیا دامەزرێت".



سه‌ڵاحه‌دین به‌هادین: دەبێت ئامادەكاری بۆ ئەنجامدانی ریفراندۆم بكرێت
شاناز ئیبراهیم ئەحمەد: هەڵوێستی بێگەرد تاڵەبانی جێگەی داخە
بێگه‌رد تاڵه‌بانی: لەژێر فشاری هیچ کەسدا رونکردنەوەم لەسەر عزه‌ت سابیر نەداوە
سلێمانی: نرخی كارەبای موەلیدە ئەهلییەکان راگه‌یه‌ندرا
هۆشداری دەدرێت لەسەر نوسینگەکانی وەرگرتنی ڤیزەی ئەورپا
بەختیار شاوەیس: پەرلەمانی عێراق ڕەشنوسێک لەسەر پەرلەمانی هەرێم ئامادە دەکات
وەزارەتی دارایی مووچەی سەرجەم وەزارەت و دەستەکانی راگەیاند
ئەوەی پارتی لێی دەترسا گۆران لە بەغداد ئەنجامیدا
ئه‌ردۆغان به‌ڵگه‌نامه‌ی پەیوەندی یه‌په‌گه‌ به‌ په‌كه‌كه‌وه‌ ده‌خاته‌ به‌رده‌ستی تره‌مپ
یەكێتی بەفەرمی وتەبێژی دیاریكرد

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە