داوا لە ماڵباتی بارزانی دەکرێت سنور بۆ ماڵباتی قەسابەکان دابنێن
PM:08:40---18-04-2017
ئه‌م بابه‌ته 29751 جار خوێنراوه‌ته‌وه‌‌
لڤین:
ژمارەیەک لە ئەفسەران و بەرپرسانی ئەمنی شاری هەولێر داوا لە مەسعود بارزانی و نێچیرڤان بارزانی و مەسرور بارزانی دەکەن سنورێک بۆ کارەکانی ماڵباتی قەساب لە هەولێر دابنێن و ڕێگە نەدەن بەوشێوەیە بەردەوام بن.

دەقی یاداشتەکە:.

بەناوی ژمارەیەک ئەفسەرانی ئاسایش

بۆ سەرۆک مسعود بارزانی

بۆ ڕێزدار نێچیروان بارزانی

بۆ برا گەورە مەسرور بارزانی

 بابەت/ مافیاکانی هەولێر

ئێمە ناتوانین هیچ ڕێگایەک بدۆزینەوە تا ئاگاداری بەڕێزتان بکەین لەو تاوان و سیناریۆی مالی قەساب لەهەولێر دەیکەن، ئەگەر خەڵکێک باسی زەمانی رژێم دەکات کە کەس نوێرا باسی سەدام بکات ، بەڵام ئێستاش کەس جورئەت ناکا باس ماڵی نەوزاد بکات تەنانەت لەخەویشدا، ئیرهاب و هەڕەشەو تۆقاندن لە ئاستێکە کە هەزاران نمونە هەن، بارزان ماوەیم۱٥ساڵە سەرچاوەی تۆقاندنی ئەو کەسانەیە کە باسی گەندەڵی و ناعەدالەتی نەوزاد و براکانی بکات بەڵام ئاساییە باسی پیرۆزی بنەماڵە بکرێت و جنێویان پێبدرێت، کەس خۆی ناکا بە ساحێب، ئەو نمونەی بەڵتەجیانەی ماڵی نەوزاد کردیان بەرامبەر فرهاد پیرباڵ بچوکترین نمونەی دڕندەیی ال قسابە، ئەوەی لەهەولێر پیاویان نەبێت مەجالی نادەن لە ئیداری و حزبی و ئەمنی و سەرجەم سیکتەرەکان کاری خۆی بکات.

 خەڵکانێ باس لە مناڵەکانی ماڵی بارزانی دەکەن بەڵام ئەوەی ال قەساب دەیکەن بەعسیەکان نەیانکردووە، نموونەش: لەو چەند ڕۆژە بەچەندین شێواز وەک زەمانی بەعس بو مدح و بارزکردنی نەوزاد بەچەندان شێواز و خەڵکی جۆراوجۆر بە نەوزاد هەڵدەڵین بۆ پەردە پۆش کردنی ئەو تاوانەی دژ بە فەرهاد، وا نیشانی دەدەن خوای هەولێرن، هەموو کارو کاسبی خەڵکو ئاوەدانی و خزمەتی خەڵک بەرهەمی ماڵی قەسابە، خۆیان لە وەهم دەژین کەچی بۆنەتە سەرچاوەی تۆقاندن و ترس و گەندەڵی و فەساد وە هۆکاری کەم کردنی دەنکی پارتین لەهەولێر ، نمونەش لە هەلبژاردنی پەرلەمانی عێراق لە ۱٥ کورسی پارتی ۷ کورسی هیناوە ئەگەر نەوزاد خاوەنی ئەو هەموو دەسکەوتەیە کەوا نیشان دەدرێت بۆچی بەقەد نەجمەدین کەریم لە کەرکووک و هەڤاڵ ئەبوبەکر و ئارام شێخ محمد دەنگی نەهێنا لە هەڵبژاردن؟

هۆکارەکەش ڕوونە کە دزی و جلادی ماڵی قەساب هۆکاره،باشە ئەگەر نەوزاد خاوەن هەموو شتیکە لەهەولێر ئەدی بنەماڵەی شەهیدان و دڵسۆزانی پارتی و بەرپرسانی دیکە وەک جەنابی سەرۆک و جێگری سەرۆکی پارتی و ئەندامانی مەکتەب سیاسی ڕۆڵیان چ بووە؟ ماڵی نەوزاد دەڵێن بارزان ئەفسانەی سەرۆکە ! ئێمە لە ئاسایش لەشەڕی گوێر بووین دەزانین کێ شەڕەکەی کرد بەس بارزان تەنها خەریکی تلفۆن بوو لەگەڵ سەرووی خۆی گوله لە سلاحی نەتەقاوە، بەڵام بۆ ماستاو لیزانە، بەڕیوەبەری ئاسایش دەڵێ مەڕە شەرمنە کەجی ئەو شەڕی گوێری کرد، ئەگەر بارزان ئەفسانەیە بۆ جارێ بریندار نەبوو؟بۆشەهید نەبوو؟بارزان ئەفسانەیە لە سیناریۆ دروستکردن بو هەڵخەڵەتاندنی سەروی خۆی بەناوی شەبەکەی ئیرهاب و خۆکوژی لە ڕاستی خەریکی وەرگرتنی پارەیە لە خەڵکی عەڕەب ، سەنکەری براشی خەریکی تاپو کردنی خان و مولکە بە ناوی عەڕەب بەڵگەش شەوانە لە ئەبوو شەهاب لەکەڵ کوڕەکانی نەوزاد لەکەڵ تاجرەکان خەریکی بازرگانین. چونکە لەهەولێر لەهەموو جومگەکان کەس نماوە دژیان بوەستێتە بوینەتە حاکمی موتڵەق و دەسەڵاتی ڕەهایان هەیە،لەکۆتایی داوامان وایە حوکمی ال قەساب لەهەولێر بەکۆتا بێت ئەگینا پارتی لەهەولێر بەکۆتا دیت چونکە خەڵک چیتر بەرگەی ئەو زۆڵم و پاشا گەردانیە ناگرن




مەسعود بازرانی دوای 24 کاتژمێر لەئاڵۆزی کوردستان و ونبوونی دەرکەوت
وێنە: کێ لەپشت هێنانەوەی تەرمی شەهیدەکانی یەکێتی بوو بۆ سلێمانی
پارتی لە باشک کشایەوە
وێنە: کۆسرەت ڕەسوڵ دەرکەوتەوە
شوان قەڵادزەیی گیانی لەدەستدا
قائیمقامی سلێمانی دڵنیایی ده‌داته‌ هاووڵاتیان
وه‌ستا ڕه‌سوڵ: به‌ فه‌رمانی بارزانی پێشمه‌رگه‌ پاشه‌كشه‌ی كرد
ئاراس شێخ جه‌نگی: ویستیان ئاشبه‌تاڵێكی دیكه‌ بخوڵقێنن
جه‌بار یاوه‌ر: هێزه‌كانی 70 له‌ وه‌زاره‌تی پێشمه‌رگه‌ دوور نەخراونەتەوە
پارتییەکانی ناویەکێتی و سەلاحەدین بەهادین و محەمەدی حاجی مەحمود و هێمن هەورامی ونبوون
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە