گاردیان وێنه‌ی ئه‌و منداڵانه‌ بڵاوده‌كاته‌وه‌ كه‌ ناچار به‌ له‌شفرۆشی كراون
AM:11:30---20-04-2017
ئه‌م بابه‌ته 5141 جار خوێنراوه‌ته‌وه‌‌
لڤین:
رۆژنامه‌ی گاردیانی به‌ریتانی، له‌ راپۆرتێكیدا ئاماژه‌ به‌وه‌ ده‌كات، هه‌ندێك له‌و منداڵه‌ په‌نابه‌رانه‌ی گه‌یشتوونه‌ته‌ یۆنان، به‌ ناچاری كاری له‌شفرۆشی ده‌كه‌ن، بۆ ئه‌وه‌ی پاره‌ی قاچاخچییه‌كان بده‌ن.

به‌ گوێره‌ی راپۆرتی رۆژنامه‌كه‌، ژماره‌ی ئه‌و منداڵانه‌ یه‌كجار زۆره‌، كه‌ به‌بێ ئه‌وه‌ی هیچ كه‌سێكیان له‌گه‌ڵدا بێت هاتوونه‌ته‌ یۆنان، بۆ پێدانی پاره‌ به‌ قاچاخچییه‌كان و گه‌یشتنیانییان به‌ وڵاتانی باكووری ئه‌وروپا، ناچارن له‌شفرۆشی بكه‌ن.

په‌یامنێری ئه‌و رۆژنامه‌یه‌، به‌ناوی دایان تایلۆر، له‌ راپۆرته‌كه‌دا روونیكردووه‌ته‌وه‌، زۆربه‌ی هه‌ره‌ زۆری ئه‌و منداڵانه‌، له‌م ناوچانه‌ هاتوون، كه‌ گرژی و ئاڵۆزی و جه‌نگییان تێدایه‌، به‌تایبه‌تیش وڵاتانی سووریا، ئه‌فغانستان و پاكستان.

كێشه‌ی ئه‌و منداڵانه‌ش له‌و كاته‌ ده‌ستپێده‌كات، كاتێك ده‌گه‌نه‌ دوورگه‌كانی یۆنان و هیچ پاره‌یه‌كیان پێ نامێنێت پێی بگه‌نه‌ وڵاتانی باكووری ئه‌وروپا، بۆیه‌ ناچار ده‌بن له‌ به‌رامبه‌ر بڕێك پاره‌دا كاری له‌شفرۆشی بكه‌ن و پاره‌كه‌ش بده‌نه‌ قاچاخچییه‌كان، بۆ ئه‌وه‌ی دوایین گه‌شتی خۆیان ئه‌نجام بده‌ن.

له‌ راپۆرته‌كه‌دا هاتووه‌: "ناكرێ چیدیكه‌ بێده‌نگ بین، له‌كاتێكدا منداڵان به‌ رۆژی رووناك ناچار به‌ كاری له‌شفرۆشی ده‌كرێن".

هه‌روه‌ها دووپاتیكردووه‌ته‌وه‌، ئه‌ركی ئه‌وان وه‌ك مرۆڤ، بریتییه‌ له‌ به‌ره‌نگاربوونه‌وه‌ی به‌ په‌له‌ی ئه‌م جۆره‌ كارانه‌ و له‌سه‌رجه‌م ئاسته‌كان به‌رپرسیارێتی بگرنه‌ئه‌ستۆ، بۆ ئه‌وه‌ی رێگری له‌و كاره‌ بكه‌ن، كه‌ بووه‌ته‌ هۆی سووكایه‌تی به‌ كه‌رامه‌تی مرۆڤ.



وێنەیەک لەسەر سنور ئەردۆغان توڕە دەكات
به‌ڕێوبه‌ری گروپی كه‌ناڵه‌كانی جه‌م تی ڤی كوژرا
سوریا دیموكرات به‌شیكی زۆری شاری ته‌بقه‌ كۆنترۆڵ ده‌كه‌ن
كۆریای باكوور هه‌ڕه‌شه‌ له‌ ئیسرائیل ده‌كات
فڕۆكه‌یه‌كی كوبا به‌ 40 سه‌رنشینه‌وه‌ له‌ راداره‌كان دیارنامێنێت
چین: ناوی پێغەمبەر و ئیسلام و مه‌دینه‌ قه‌ده‌غه‌كران
ئه‌ڵمانیا: خێزانی تره‌مپ بوونه‌ته‌ خێزانی شاهانه‌
چه‌ند نهێنییه‌كی ژیانی سه‌رۆكه‌ دیكتاتۆره‌كه‌ی كۆریای باكوور ئاشكرا ده‌بن
پۆستەرێكی سەربازی ئابڕووی چین ده‌بات
رۆژنامه‌یه‌كی روسیا: ئه‌ردۆغان هه‌ڵه‌یه‌كی به‌رامبه‌ر پوتن كردووه‌

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە