كۆریای باكور هه‌ڕه‌شه‌ی له‌ ئه‌مه‌ریكا ده‌كات
PM:01:30---21-04-2017
ئه‌م بابه‌ته 1853 جار خوێنراوه‌ته‌وه‌‌
لڤین:
ریكس تیله‌رسن، وه‌زیری ده‌ره‌وه‌ی ئه‌مه‌ریكا، رایگه‌یاند، واشنتن هه‌وڵده‌دات له‌ دژی به‌رنامه‌ی ئه‌تۆمی كۆریای باكوور، گوشاری زیاتر بخاته‌ سه‌ر ئه‌و وڵاته‌ و له‌ به‌رامبه‌ریشدا پیۆنگ یانگ، هۆشداری ده‌داته‌ ئه‌مه‌ریكا و هه‌ڕه‌شه‌ی وه‌شاندنی گورزی پێشوه‌خته‌ ده‌كات.

رۆژنامه‌ی "رۆدۆنگ سینمون"، كه‌ رۆژنامه‌ی فه‌رمی پارتی كرێكارانی ده‌سه‌ڵاتداری كۆریای باكووره‌، بڵاویكردووه‌ته‌وه‌: "له‌ ئه‌گه‌ری وه‌شاندنی گورزی پێشوه‌خته‌ له‌ ئه‌مه‌ریكا، هێزه‌ بالۆنییه‌كانی ئیمپریالی ئه‌مه‌ریكا، ته‌نها له‌سه‌ر خاكی كۆریای باشوور له‌ناو ناچن، به‌ڵكو له‌سه‌ر خاكی ئه‌مه‌ریكاش ده‌بن به‌ خۆڵه‌مێش".

كۆریای باكوور، به‌رده‌وام هه‌ڕه‌شه‌ی وێرانكردنی وڵاتانی ژاپۆن، كۆریای باشوور و ویلایه‌ته‌ یه‌كگرتووه‌كانی ئه‌مه‌ریكا ده‌كات و هیچ كات له‌و هه‌ڕه‌شانه‌ش پاشگه‌ز نه‌بووه‌ته‌وه‌، وه‌ك ئاژانسی هه‌واڵی رۆیته‌رز له‌ راپۆرتێكدا ئاماژه‌ی بۆ ده‌كات، وێڕای شكستهێنانی دوایین تاقیكردنه‌وه‌ی مووشه‌كی، به‌ڵام له‌ نمایشكردنی مووشه‌كه‌ بالیستی و كیشوه‌ربڕه‌كانی به‌رده‌وامه‌.

لای خۆیه‌وه‌ مایك پێنس، جێگری سه‌رۆكی ئه‌مه‌ریكا، له‌ سه‌ردانیدا بۆ ژماره‌یه‌ك وڵاتی ئاسیایی هاوپه‌یمانی وڵاته‌كه‌ی، رایگه‌یاند، "سه‌رده‌می ئارامگرتنی ستراتیژی" له‌گه‌ڵ كۆریای باكوور كۆتایی هات.

پۆڵ رایان، سه‌رۆكی ئه‌نجوومه‌نی نوێنه‌رانی ئه‌مه‌ریكا، له‌ له‌نده‌نه‌وه‌ رایگه‌یاند، پێویسته‌ بژارده‌ی سه‌ربازی، به‌شێك بێت له‌و گوشارانه‌ی كه‌ ده‌خرێنه‌ سه‌ر پیۆنگ یانگ.

وه‌ك ئاماژه‌یه‌كیش بۆ كیم جۆن ئون، گوتی: "رێگه‌دان به‌م دیكتاتۆره‌ به‌وه‌ی ئه‌م جۆره‌ هێزانه‌ی هه‌بێت، شتێكه‌ ناكرێت وڵاتانی پێشكه‌وتوو، رێگه‌ی پێبده‌ن".



زانكۆی هارڤا‌رد له‌ فه‌توایی زانایه‌كی سعودیه‌ ده‌كۆڵێته‌وه‌
قه‌ڵه‌می كوشنده‌ بڵاوبووه‌ته‌وه‌
ئه‌نجوومه‌نی وه‌زیرانی ئه‌منیی ئیسرائیل له‌ ترسی سیخوڕ ده‌چنه‌ ژێر زه‌وی
سه‌عد حه‌ریری ده‌بێته‌وه‌ سه‌رۆك وه‌زیرانی لوبنان
رۆژنامه‌نووسێكی روسی ژماره‌یه‌ك وێنه‌ی نوێی كۆریای باكور بڵاوده‌كاته‌وه‌
تره‌مپ ده‌ستبه‌رداری مۆبایله‌ تایبه‌ته‌كانی نابێت
ترەمپ:پێدەچیت کۆبونەوەم لەگەڵ سەرۆکی کۆریای باکور دوابکەوێت
سوپای تورکیا کوژرانی دوو سەربازی وڵاتەکەی ڕاگەیاند
دوای جەژن سزای لەسێدارەدانی ڕامین پەناهی جێبەجێ دەکرێت
حەسەن ڕوحانی:جێگای قبوڵ نیە ئەمریکا دیاریبکات کە ئێران دەبێ چیبکات
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە