عه‌بادی: رێگه‌ناده‌ین ده‌ست له‌ كاروباری ناوخۆمان وه‌ربده‌یت
PM:02:52---21-04-2017
ئه‌م بابه‌ته 1598 جار خوێنراوه‌ته‌وه‌‌
لڤین:
سه‌رۆكی حكومه‌تی ئیتیحادی عێراق، حه‌یده‌ر عه‌بادی داوای له‌ سه‌رۆكی كۆماری توركیا ره‌جه‌ب ته‌یب ئه‌ردۆغان كرد، ده‌ست له‌ كاروباری ناوخۆی عێراق وه‌رنه‌دات.

دوێنێ ئه‌ردۆغان وتبووی، حه‌شدی شه‌عبی رێكخراوێكی تیرۆریستییه‌، ئه‌و قسه‌یه‌شی ناڕه‌زایه‌تی ناوه‌نده‌ ره‌سمی و مه‌زهه‌بییه‌كانی عێراقی لێكه‌وتووه‌ته‌وه‌.

عه‌بادی له‌ وه‌ڵامیدا وتی"ئه‌نجوومه‌نی نوێنه‌رانی عێراق یاسای حه‌شدی شه‌عبی په‌سند كردووه‌ و ئه‌و هێزه‌ به‌شێكه‌ له‌ ده‌وڵه‌ت".

هه‌روه‌ها وتی"حه‌شدی شه‌عبی له‌سه‌ر فه‌توای عه‌لی سیستانی گه‌وره‌ مه‌رجه‌عی شیعه‌ له‌ عێراق درووستكراوه‌ و رێگه‌ به‌ هیچ كه‌سێك ناده‌ین ده‌ست وه‌ربداته‌ كاروباری ناوخۆی عێراق".

هه‌ر له‌و چوارچێوه‌یه‌دا وه‌زاره‌تی ده‌ره‌وه‌ی عێراق دوێنێ پێنجشه‌ممه‌ باڵیۆزی توركیای له‌ به‌غدا بانگ كرد بۆ ئه‌وه‌ی به‌ ره‌سمی نامه‌ی ناڕه‌زایه‌تی پێ بدات.

له‌ لایه‌ن خۆیه‌وه‌ سه‌رۆكی كوتله‌ی سادقون له‌ ئه‌نجوومه‌نی نوێنه‌رانی عێراق كه‌ باڵی سیاسی عه‌سائیبی ئه‌هلی حه‌قی شیعه‌كانه‌، حه‌سه‌ن سالم رایگه‌یاند، رزگاركردنی ته‌له‌عفه‌ر ده‌بێته‌ وه‌ڵامێكی ده‌مكوتكار بۆ سه‌ره‌ڕۆییه‌كانی ئه‌ردۆغان.

وتیشی"حه‌شدی شه‌عبی گه‌وره‌تره‌ له‌ ئه‌ردۆغان و لێدوانه‌كانی".



حەوتەمین پەنابەر لە دوورگەكان گیانی لەدەستدا
عەلاوی:بەڵگەکانی ساختەکاری تەنها دەرفەتی هەڵوەشاندنەوەیان بۆ هەڵبژاردن هێشتۆتەوە
ڕێژەی بێکاری لەناو گەنجانی عیراقدا زیادیکردوە
ئەمڕۆ پەرلەمانی عێراق کۆدەبێتەوە
سه‌رچاوه‌یه‌كی دارایی داعش ئاشكرا بوو
عێراق خاوه‌ن خراپترین پاسپۆرته‌ له‌ جیهان
موقتەدا سەدر:ئەمڕۆ وێنەکەم بۆ تەواو کردن
ئەمڕۆ پەرلەمانی عێراق کۆبونەوەی نائاسایی ئەنجام دەدات
بەهۆی تەقینەوەکەی بەغداوە زیاتر لە بیست کەس بونە قوربانی
پەرلەمانی عیراق سبەینێ کۆدەبێتەوە
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە