ڤیدیۆ: ئەو نەخۆشەی لە هەولێر جێگەی نەکرایەوە گیانی لەدەستدا
PM:03:25---21-04-2017
ئه‌م بابه‌ته 2302 جار خوێنراوه‌ته‌وه‌‌
لڤین:
دوای ئەوەی گرتەیەکی ڤیدیۆیی بڵاوبوەوە کە هاوڵاتیەک لە نەخۆشخانەی رزگاری هەولێر رێگەی نادرێت بچێتە نەخۆشخانەکەوە بەبیانوی ئەوەی جیگایان نیە ئەمشەو کۆچی دوایی کردو لە دەرکەوتنێکدا برای نەخۆشەکە وتی ڕۆژی یەکشەم سکاڵا لەسەر وەزیری تەندروستی و بەرێوەبەری نەخۆشخانەی رزگاری تۆمار دەکەم و رێگای یاسایی دەگرمە بەر و ئەگەر یاسا چارەسەری نەکرد ئەوا بە عەشایەری چارەسەری دەکەم.

جێی ئاماژەیە پێشتر بەرپرسانی به‌ریوه‌به‌رایه‌تی گشتی ته‌ندروستی هه‌ولیر ڕونکردنەوەیەکیان لەسەر ئەو بابەتە بڵاو کردەوە کە ئەمە دەقەکەیەتی:

رونكردنه‌وه‌یه‌ك له‌ به‌ریوه‌به‌رایه‌تی گشتی ته‌ندروستی هه‌ولیر

دوای ئه‌وه‌ی نەخۆشیک له‌ یه‌كیك له‌ نه‌خۆشخانه‌ تایبه‌ته‌كانی هه‌ولێر بەبێ ئامادەکاری و هەماهەنگی و بێ بڕیاری پزیشک لەلایەن خانەوادەکەیەوە بێ پرس کردن و لەسەر بەرپرسیارەتی خۆیان دەگواستریتەوە بۆ نه‌خۆشخانه‌ی فریاكه‌وتنی رۆژهه‌ڵات نەوەک ڕزگاری وە له‌ژێر چاودێری چڕ بووه‌ وه‌كو ئه‌وه‌ وایه‌ كه‌له‌ژێر نه‌شته‌رگه‌ریدا بێت و لەسەر ئامیری هەناسەی دەستکردە و لەژێر سڕکردن دایە بەلام لەبەر نەبوونی شوێن لە بەر تەواوی پڕبوونی نەخۆشخانەکە و بەشی RCU هەوڵی دابینکردنی شوێن دەدرێت لە نەخۆشخانەکانی تر تەنانەت ئه‌وكات په‌یوه‌ندی به‌ ته‌ندروستی هه‌ولێر كرا بۆ دابینكردنی ته‌خته‌ی تایبه‌ت به‌ چاودێری چری هه‌ناسه‌دان به‌هۆی پڕبوونی نه‌خۆشخانه‌كان و نەمانی ته‌خته‌ی تایبه‌ت به‌ چاودێری چڕی هه‌ناسه‌دان كه‌ زۆر جار له‌ نه‌خۆشخانه‌ ئه‌هلیه‌كانیش بۆ ئه‌و جۆره‌ نه‌خۆشانه‌ شوێن نامێنێ، له‌به‌رئه‌وه‌ی ناكرێت له‌ ڕووی مرۆڤایه‌تی و یاسایی و پزیشکیەوە نه‌خۆشێك ده‌ر‌بهێنرێت و نه‌خۆشێكی تر له‌ شوێنی دابنرێت بۆیە هەوڵی گواستنەوەی دەدرێت بۆ نەخۆشخانەیەکی تر بەلام بەداخەوە كه‌سوكاری نه‌خۆشه‌كه‌ هەماهەنگی ناکەن و ئاژاوە و پشێوی دروست دەکەن هەروەک له‌ گرته‌ ڤیدیۆییه‌كەدا دیارە نەخۆش لەناو نەخۆشخانە و لەبەردەم پزیشکانە ئایا چۆن وەرناگیرێت ئەگەر لەناو عنایە دابێت، كه‌به‌داخه‌وه‌ له‌ تۆڕه‌ كۆمه‌ڵایه‌تیه‌كان و ڕاگه‌یاندنه‌کان بڵاوبووەته‌وه‌ گوایه‌ نه‌خۆشخانه‌كه‌ ئاماده‌ نییه‌ نه‌خۆشه‌كه‌ وه‌ربگرێت و به‌شیوه‌یه‌كی تر باسی لیوە ده‌كرێت، ئه‌مه‌ له‌ كاتیکدایه‌ كه‌ فریاکه‌وتنی ڕۆژهه‌لات ڕۆژانه پیشوازی لە زیاتر لە‌ 1200نه‌خۆش ده‌كات و چاره‌سه‌ری پێویست وه‌رده‌گرن و نزیكه‌ی 50 نه‌شته‌رگه‌ری‌ ئه‌نجام ده‌درێت و زیاتر لە 100 نه‌خۆش دەخەوێندیت و‌ به‌رده‌وام پڕه‌ له‌ نه‌خۆش و له‌ لایه‌ن پزیشكان و كارمه‌ندانی تەندروستیەوە خزمەت دەکرێن.

ڤیدیۆی نەخۆشەکە، کلیک بکە





مەسعود بازرانی دوای 24 کاتژمێر لەئاڵۆزی کوردستان و ونبوونی دەرکەوت
وێنە: کێ لەپشت هێنانەوەی تەرمی شەهیدەکانی یەکێتی بوو بۆ سلێمانی
پارتی لە باشک کشایەوە
وێنە: کۆسرەت ڕەسوڵ دەرکەوتەوە
شوان قەڵادزەیی گیانی لەدەستدا
قائیمقامی سلێمانی دڵنیایی ده‌داته‌ هاووڵاتیان
وه‌ستا ڕه‌سوڵ: به‌ فه‌رمانی بارزانی پێشمه‌رگه‌ پاشه‌كشه‌ی كرد
ئاراس شێخ جه‌نگی: ویستیان ئاشبه‌تاڵێكی دیكه‌ بخوڵقێنن
جه‌بار یاوه‌ر: هێزه‌كانی 70 له‌ وه‌زاره‌تی پێشمه‌رگه‌ دوور نەخراونەتەوە
پارتییەکانی ناویەکێتی و سەلاحەدین بەهادین و محەمەدی حاجی مەحمود و هێمن هەورامی ونبوون
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە