نۆیه‌مین خه‌ڵاتی لومیێر به‌ وۆنگ کاروای ده‌به‌خشرێت
PM:03:50---04-09-2017
ئه‌م بابه‌ته 2189 جار خوێنراوه‌ته‌وه‌‌
لڤین:Roshna Qadir Abdulla
ئۆفیسی پێشکه‌شکاری خه‌ڵاتی فێستیڤاڵی فیلمی لومیێر ڕایگه‌یاند ئه‌مساڵ به‌ نیازن نۆیه‌مین خه‌ڵاتی لومیێر به‌ (وۆنگ کاروای) ده‌رهێنه‌ری هۆنگ کۆنگی له‌ هۆڵی شانۆیی کۆنگرێس له‌ رۆژی هه‌ینی ڕێکه‌وتی 20ی مانگی ئۆکتۆبه‌ر پێشکه‌ش بکه‌ن.

وۆنگ کار وای له‌ دایک بووی ساڵی 1958 له‌ شاری شانگهای وڵاتی چین، له‌ ته‌مه‌نی پێنج ساڵیدا له‌ته‌ک دایک و باوکی وڵاتی چین به‌جێ ده‌هێڵن و له‌ وڵاتی هۆنگ کۆنگ نیشته‌جێ ده‌بن و هه‌ر له‌وێ قۆناغه‌کانی خوێندن له‌ بواره‌ی هونه‌ری گرافیک و فۆتۆگراف ده‌خوێنێت، دواتریش ده‌چێته‌ نێهو جیهانی سینه‌ما و چالاکییه‌کانی له‌ بواره‌ی فیلمسازی له‌ ساڵی 1988ده‌ست پێ ده‌کات. وۆنگ کار وای خاوه‌نی ژماره‌یه‌ک فیلمی باشه‌ و له‌ ڕوانگه‌ی ره‌خنه‌گرانه‌وه‌ یه‌ک‌وکه‌ لا باشترین ده‌رهێنه‌ره‌ ئاسیاییه‌کان. وۆنگ کار وای خاوه‌نی چه‌ند خه‌ڵاتێکی گرنگی سینه‌مایه‌، له‌وانه‌: لۆکارنۆ، سێزار و فێستیڤاڵی فیلمی کان، سێ ساڵ له‌مه‌وبه‌ریش ئه‌رکی به‌ڕێوه‌به‌رایه‌تی لیژنه‌ی هه‌ڵسه‌نگاندنی له‌ فێستیڤاڵی فیلمی به‌رلین پێ سپێردرابوو.

به‌ر له‌ وۆنگ کار وای هه‌شت سینه‌ماکاری خاوه‌ن ئه‌زموونی دیکه‌ بوونه‌ته‌ خاوه‌نی ئه‌م خه‌ڵاته‌، هه‌ر یه‌ک له‌ کڵینت ئیستوود، میلۆس فۆرمان، ژێرار دێپاردیۆ، که‌ن لۆش، کۆئێنتین تاره‌نتینۆ، پێدرۆ ئالمۆدۆڤار، مارتین سکۆرسێز و کاترین دێنێڤ ئه‌م خه‌ڵاته‌یان وه‌ک ڕێزلێنان له‌ ته‌مه‌نێک چالاکی و به‌رهه‌می هونه‌ری وه‌رگرتبوو.

خه‌ڵاتی لومیێر بیرۆکەی خەڵاتی لومیێر کە بە "نۆبڵی سینەما" بەناوبانگە لە لایەن تیێری فێرمۆ (بەرێوەبەری فێستیڤاڵی کان) و بێرتران تاڤێرنیێ (فیلمسازی فەرەنسی) لە ساڵی 2009 دا داڕێژرا بە مەبەستی ڕێزلێنان لە سینەماکارێکی بەئەزموون و خاوەن ستایڵی تایببەت، ڕێوڕەسمەکە لە شاری لیۆن ی فەرەنسا بەڕێوە دەچێت. هۆکاری دەستنیشان کردنی شاری لیۆن ئەوەیە یەکەم جار سینەما لەم شارەدا لەدایک بوو، لیۆن ئەو شوێنەیە یەکەمین فیلمی سینەمایی لە مێژوودا بەناوی (کرێکارەکان کارگەکە بە جێدەهێلن) لەلایەن برایانی لومیێر (ئۆگەست لومیێر و لویی لومیێر) بەهۆی ئامێرە دەستکردەکەی خۆیانەوە (سینەماتۆگراف) لە ساڵی 1985 دا بەبەرهەم هێنا.

جێگای باسە مەراسیمی فێستیڤالی لومیێر لە ساڵی 2009 بەدواوە هەموو ساڵێک لە مانگی ئۆکتۆبەردا میواندارێتی ژمارەیەکی زۆر سینەماکاری بەتوانای جیهان دەکات و سەرەکیترین ئامانجی ئەم فێستیڤاڵە ڕێزلێنانە لە سینەماکارە بەئەزموونەکان و گرنگیدانه‌ بە پاراستن و چاکسازی فیلمە کۆنەکان و دواجار نمایش کردنی فیلمه‌ هونه‌ریه‌کان.




یەکەم عەیبی ئایفۆنx بڵاو کرایەوە
پیس بونی هەوا دەبێتە هۆی نەخۆشی گورچیلە
نۆیه‌مین خه‌ڵاتی لومیێر به‌ وۆنگ کاروای ده‌به‌خشرێت
حه‌فتاهه‌مین فێستیڤاڵی نێوده‌وڵه‌تی فیلمی کان ده‌ست پێ ده‌کات
كارزان مه‌حموود موسیكی خۆی ده‌گه‌یه‌نێته‌ جیهان
ڤیدیۆ: ڕۆژنامەنووسێک بە وتنەوەی گۆرانیەک هونەرمەندان سەرسام دەکات
هه‌شته‌مین خه‌ڵاتی فێستیڤاڵی سینه‌مایی لومیێر پێشکه‌ش به‌ کاترین دێنێڤ کرا
هه‌شته‌مین خه‌ڵاتی فێستیڤاڵی سینه‌مایی لومیێر پێشکه‌ش به‌ کاترین دێنێڤ کرا
وێنە : ‌خانمه‌ هونه‌رمه‌ندێكی كورد 27 تاتۆی له‌سه‌ر جه‌سته‌ی كردووه‌
وێنە "بە عەلاگەی خۆڵیشەوە هەر سێكسیم"
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە