وێنە: کێ لەپشت هێنانەوەی تەرمی شەهیدەکانی یەکێتی بوو بۆ سلێمانی
PM:05:54---17-10-2017
ئه‌م بابه‌ته 15705 جار خوێنراوه‌ته‌وه‌‌
لڤین:
شەوی رابردوو ته‌رمی شه‌هیدانی یه‌كێتی نیشتمانی كوردستان له‌ شه‌ڕی كه‌ركوك هێنرانەوە شاری سلێمانی و بەئامادەبوونی ژمارەیەک بەرپرسی حکومی و حیزبی شاری سلێمانی ئەو تەرمانە ڕادەستی خانەوادەکانیان کرانەوە و هێنانەوەی ئەوتەرمانە بەسەرپەرشتی بەڕێوبەری گشتی تەندروستی سلێمانی بووە.

بەپێی ئەوزانیارییانەی دەست لڤین کەوتووە، شەوی رابردوو د.میران محەمەد بەڕێوبەری گشتی تەندروستی سلێمانی فەرمانی دەرکردوە بۆ هێنانەوەی تەرمی سەرجەم شەهیدەکانی یەکێتی نیشتیمانی کوردستان لەبەرەکانی جەنگ لە کەرکوک.

زانیارییەکان ئاماژە بۆئەوەدەکەن، بەمەبەستی هێنانەوەی تەرمەکان 23 ئۆتۆمبیلی فریاکەوتنی تەندروستی لە سلێمانییەوە ڕەوانەی کەرکوک کراوە بەماوەی چەند کاتژمێرێک هێنراونەتەوە سلێمانی.

جێی ئاماژەیە، د.میران محەمەد بەڕێوبەری گشتی تەندروستی سلێمانی لەماوەی جەنگی روبەڕوبونەوەی تیرۆر لە کەرکوک و ناوچەکانی دیکەی هەرێمی کوردستان بەردەوام سەرپەرشتی تیمە تەندروستییەکانی کردوە و هاوکاری پێشمەرگە بریندارەکان بووە ئەمە جگەلەوەی بەشێوەیەکی بەردەوام هاوکاری ماڵباتی پێشمەرگە شەهیدەکانی کردوە وە ئه‌و پێشمه‌رگانه‌ له‌ سه‌نگه‌ره‌كانی به‌رگری و روبه‌روبونه‌وه‌ له‌ شاری كه‌ركوك له‌پێناو پاراستنی خاكی كوردستان له‌لایه‌ن هێزه‌ عیراقیه‌كانه‌وه‌ كه‌ بۆ داگیركردنی شاری كه‌ركوك هاتبوون شه‌هیدكران.




زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە