پیاوێك كچه‌كه‌ی له‌ قومار ده‌دۆڕێنێت
PM:01:39---06-12-2017
ئه‌م بابه‌ته 3656 جار خوێنراوه‌ته‌وه‌‌
لڤین:
هاووڵاتییه‌كی دانیشتووی به‌غدا، به‌ هۆی كۆبوونه‌وه‌ی قه‌رزه‌كانی و دۆڕاندنی له‌ قومار، منداڵه‌كه‌ی خۆی ده‌دۆڕێنێت و ده‌یداته‌ خاوه‌ن قه‌رزه‌كان.

سایتی "بغداد الیوم" راپۆرتێكی له‌ رۆژنامه‌ی فه‌رمی دادگا باڵا وه‌رگرتووه‌ و بڵاویكردووه‌ته‌وه‌،  ئه‌و پیاوه‌ له‌ قومار بڕی هه‌شت ملیۆن دیناری عێراقی دۆڕاندووه‌ و له‌گه‌ڵ خاوه‌ن قه‌رزه‌كانیش رێككه‌وتووه‌ له‌ جیاتی ئه‌و پاره‌یه‌، كچه‌ نۆ ساڵانه‌كه‌ی خۆیانییان پێ بدات.

به‌ گوێره‌ی راپۆرته‌كه‌، ئه‌و كچه‌ له‌ كاتی دادگاییكردنی باوكیدا، به‌ تۆمه‌تی فرۆشتنی، تووشی سه‌رسوڕمان بووه‌ كه‌ له‌ بڕی قه‌رزی هه‌شت ملیۆن دینار، داویه‌ته‌ خاوه‌ن قه‌رزه‌كان.

راپۆرته‌كه‌ روونیشی ده‌كاته‌وه‌، دوای كۆكردنه‌وه‌ی زانیاری ورد، توانراوه‌ باوكی كچه‌ نۆ ساڵییه‌كه‌، له‌ گه‌ڕه‌كی كه‌ڕڕاده‌ی به‌غدا ده‌ستگیربكرێت.

به‌ گوێره‌ی شایه‌تحاڵان، له‌به‌رده‌می دادوه‌ردا وتوویانه‌، ئه‌و پیاوه‌ ویستوویه‌تی كچه‌ نۆساڵییه‌كه‌ی به‌رامبه‌ر به‌ هه‌شت ملیۆن دینار بفرۆشێت، بۆ ئه‌وه‌ی ئه‌و قه‌رزانه‌ی بداته‌وه‌ كه‌ به‌هۆی دۆڕاندنی له‌ قوماره‌وه‌ له‌سه‌ری كه‌ڵه‌كه‌ بوونه‌.

دواتریش شایه‌تحاڵان قسه‌كانی خۆیان له‌ به‌رده‌می دادوه‌ردا گۆڕیوه‌ و وتوویانه‌"باوكه‌كه‌ وه‌ك بارمته‌ كچه‌كه‌ی خۆی لای خاوه‌ن قه‌رزه‌كان داناوه‌ تا ئه‌و كاته‌ی پاره‌كه‌یان ده‌داته‌وه‌".

ئه‌و كه‌سه‌ی به‌ كڕینی كچه‌كه‌ش تۆمه‌تبار كراوه‌ له‌ به‌رده‌م دادوه‌ر وتوویه‌تی"باوكی كچه‌ نۆ ساڵییه‌كه‌ خۆی خاوه‌نی بیرۆكه‌كه‌ بووه‌ بۆ ئه‌وه‌ی كچه‌كه‌ی له‌ به‌رامبه‌ر ئه‌و بڕه‌ پاره‌یه‌ دابنێت، منیش كه‌ خۆم خاوه‌ن قومارخانه‌ و یانه‌ی شه‌وانه‌م هه‌یه‌، كارم به‌ هه‌موو كچێكه‌ له‌ ته‌مه‌نه‌ جیاوازه‌كانه‌وه‌، ته‌نانه‌ت منداڵه‌ بچووكه‌كانیش بۆ ئه‌وه‌ی بۆ سه‌ماكردن رابهێنرێت، بۆیه‌ له‌گه‌ڵ باوكی منداڵه‌كه‌ رێككه‌وتین".

لای خۆیه‌وه‌ باوكی منداڵه‌كه‌، له‌ ته‌واوی قۆناغه‌كانی لێكۆڵینه‌وه‌دا، دانی به‌ تاوانه‌كه‌ی خۆیداناوه‌.

رۆژنامه‌كه‌ ئاماژه‌ی به‌وه‌ش كردووه‌، دادگا كۆنووسی زیندانیكردنی باوكه‌كه‌ی ده‌كردووه‌ و له‌ ناسنامه‌ی باری شارستانیش وردبوونه‌ته‌وه‌ كه‌ كچی ئه‌و پیاوه‌یه‌ و له‌ دایكبووی مانگی ئاداری 2007ه‌.

دادگا بڕیاری زیندانیكردنی تاهه‌تایی بۆ باوكه‌كه‌ ده‌ركردووه‌ به‌ گوێره‌ی یاسای قه‌ده‌غه‌كردنی بازرگانیكردن به‌ مرۆڤ، هه‌روه‌ها 15 ملیۆن دیناری وه‌ك سزای دارایی بۆ دیاریكراوه‌، له‌ ئه‌گه‌ری دانی ئه‌و بڕه‌ پاره‌یه‌ش، ماوه‌ی زیندانییه‌كه‌ی ته‌نها بۆ شه‌ش مانگ كه‌مدبێته‌وه‌.

سه‌باره‌ت به‌ كچه‌ نۆ ساڵانه‌كه‌ش، دادگا بڕیاریدا، كچه‌كه‌ راده‌ستی خانه‌ی بێسه‌رپه‌رشتان بكرێت.



عەبادی یاسای ئیمتیازاتی پەرلەمانتاران ڕەتدەکاتەوە
دوێنێ بەهۆی خۆپیشاندانەوە لەعێراق دوو خۆپیشاندەر کوژران
هادی عەمری:دەبێ هەمومان داوای لێبوردن لەگەلی خۆمان بکەین،و من یەکەم کەسم داوای لێبوردن دەکەم
تارق حەرب:پەرلەمان یاسایەکی بەنهێنی لەبەرژەوەندی پەرلەمانتاران دەرکردوە
بەهۆی تەقینەوەکانی کەرکوک ١١ هاوڵاتی بونە قوربانی
فوئاد مەعسوم مەرسومی سەرۆكایەتی بۆ خانەنشینكردنی سەرجەم پەرلەمانتارانی عێراقی دەركرد
وەزارەتی بەرگری عیراق ئاگاداریەکی بڵاوکردەوە
باری نائاسایی و قەدەغەی هاتوچۆ بەڕۆژ لە بەسرە هەڵگیرا
لیژنەی تایبەت بەکێشەکانی بەسرە چەند ڕاسپاردەیەک بۆ ئەنجومەنی وەزیران ئامادە دەکات
عەمید یەحیا زوبیدی:هیچ بڕیارێک بۆ کشانەوەمان لە کەرکوک و خورماتوو نیە
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە