هێرۆ ئیبراهیم ئەحمەد بێدەنگی شکاند
PM:04:39---06-12-2017
ئه‌م بابه‌ته 17149 جار خوێنراوه‌ته‌وه‌‌
لڤین:
هێرۆ ئیبراهیم ئەحمەد لەگەڵ تیمی کۆکردنەوەی بەڵگەی تاوانەکان لەدووزخورماتوو، لەبارەی هەوڵەکانیان بۆ هێورکردنەوەی دۆخی قەزاکە و باشکردنی ژیانی هاوڵاتیان دەدوێت و دەشڵێت"ئیتر دووز چێتی دەکەم".

لەشاری سلێمانی، هێرۆ ئیبراهیم ئەحمەد ئەندامی مەكتەبی سیاسی یەكێتیی نیشتمانیی كوردستان پێشوازیكرد لە تیمی کۆکردنەوەی بەڵگەی تاوانەکان لە دووزخورماتوو کەپێکهاتوون لەکۆمەڵێک کەسی یاسایی و پسپۆڕ و خۆبەشی دووزخورماتوو، لە دیدارێكدا بارودۆخی ناوچە دابڕێندراوەکان و بەتایبەت دووزخوماتوو لەڕووی سیاسی و ئیداری و مرۆییەوە تاوتوێکرا. 

لەو دیدارەدا، هێرۆ ئیبراهیم ئەحمەد نیگەرانییەکانی بۆ دۆخی مرۆیی هاوڵاتیان لەناوچە دابڕێندراوەکان بەگشتی و دووزخورماتوو بەتایبەت دووپاتکردەوە،  کار و هەوڵی گەنجانی تیمەکەشی بۆکۆکردنەوە و دۆکیۆمێنیت کردنی هەموو ئەو تاوان و وێرانکاریانەی بەسەر هاوڵاتیاندا هاتووە بەرزنرخاند، بۆ پیشاندانی ئێش و ئازارەکانی خەڵکی دووزخورماتوو و فشار خستنەسەر لایەنە پەیوەندیدارەکان بۆئاوڕدانەوە لەو شارە.

لە وتەیەکیاندا، گەنجانی تیمەکە لەگەڵ خستنەڕووی هەوڵەکانیان بۆکۆکردنەوەی داتاو ئامارەکان و کردنەوەی دۆسێیەکی یاسایی دژ بەئەنجامدەرانی ئەو تاوانانە و هەروەها گەیاندنی بەڵگەکانیان بەرێکخراوە ناوخۆیی و نێودەوڵەتییەکان، داوایان کرد هێرۆ ئیبراهیم ئەحمەد پشتیوانیان بێت.

لەبەرامبەریشدا، هێرۆ ئیبراهیم ئەحمەد پشتیوانی خۆی بۆ هەوڵەکانیان دەربڕی و وتیشی"ئیتر دووز چێتی دەکەم"، باسیلەوەشکرد وەک یەکێتیی نیشتمانی بەردەوام لە هەوڵدان بۆئەوەیدۆخی شارەکە هێوربکرێتەوە و هاوڵاتیانی ئاوارە بگەڕێنەوە ناو ماڵەکانیان و هەردوو حکومەتی هەرێم و فیدڕاڵیش ئاوڕی جددی لەو قەزایە و دانیشتوانەکەی و بەتایبەت ئاوارەکانی دووزخوورماتو بدەنەوە.

قەزای خورماتوو، یەکێکە لە شارە کوردستانییە کێشە لەسەرەکانی نێوان حکومەتی هەرێمی کوردستان و عیراقی فیدراڵ، کە بە دووری ٧٠ کم دەکەوێتە باشوری پارێزگای کەرکوک، بە ١١٠ کم لە خۆرهەڵاتی پارێزگای سەڵاحەدین و ٢٠٠ کم لە بەغدای پایتەختەوە دوورە، لە ئێستادا رێژەی دانیشتوانەکەی ١٩٠ هەزار کەس دەبێت، کە بریتین لە پێکهاتەکانی نەتەوەی کوردو عەرەب و تورکمان، لە رووی ئاینییەوە دابەشبوون بەسەر مەزهەبەکانی سوننە و شیعە.



پۆلیسی ڕاپەڕین:هاوڵاتیەک بەبرینداری دۆزرایەوە و گیانی لەدەستدا
کەش و هەوای ئەمڕۆ و سبەینێ
هەپەگە:١٤ سەربازی تورکیا کوژراون
وەزیری پەروەردە:مانگی داهاتوو دووەم وەزارەت پەروەردە دەبێت لەخشتەی موچەدا
سەفین دزەیی:پەکەکە بەزۆر خۆیی لە ناوچە سنوریەکانی هەرێمی کوردستاندا سەپاندوە
ئەحمەد عەسکەری:لە ١٦ی ئۆکتۆبەرەوە ٤٨ بەرپرسی کورد کەرکوکیان جێهێشتوە
تەرمی هاوڵاتیە ڕفێنراوەکەی قەراج دۆزرایەوە
ئەمڕۆ موچەی وەزارەتی پەروەردە دابەشدەکرێت
سلێمانی؛ دوو تۆمەتبار لەكاتی ئەنجامدانی دزی دەستگیركران
دزەیی: بۆ وەدەرنانی پەکەکە هەموو هەوڵێک دەخەینەگەڕ
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە