کەجەکە ناسنامەی ئەندامانی میت ئاشكرا دەكات
PM:02:53---26-12-2017
ئه‌م بابه‌ته 8017 جار خوێنراوه‌ته‌وه‌‌
لڤین:
هاوسەرۆکانی كۆما جڤاكێن كوردستان (کەجەکە) رایدەگەیەنێت، لەماوەیەکی نزیکدا ناسنامەی ئەو بەرپرسانەی میت ئاشکرا دەکەن کە لەلایەن هێزەکانیانەوە دەستگیرکراون.


جەمیل بایك و بەسێ هۆزات هاوسەرۆکانی کۆما جڤاکی کوردستان (کەجەکە) بە میدیاكانی پەكەكەیان رایانگەیاندووە، ساڵی 2017 بۆ ئەوان ساڵێکی سەخت و پڕ لەشەڕ بووە و دەشڵێن"لە ساڵی 2018 دەسەڵاتە فاشیزمەکەی رەجەب تەیب ئەردۆغان سەرۆك کۆماری تورکیا هەڵدەوەشێننەوە".


  هاوسەرۆکانی کەجەکە راشیگەیاند"لە ماوەیەکی نزیکدا ناسنامەی ئەو بەرپرسانەی میت ئاشکرا دەکەین، کە لەلایەن هێزەکانمانەوە دەستگیرکراون".


لە ماوەی رابردوودا مستەفا کاراسو، ئەندامی کەجەکە رایگەیاندبوو کە هێزەکیانیان 20 ئەندامی میتیان دەستگیرکردووە و دوو لەوانیش بەرپرسن.


ئەمە لە كاتێكدایە ئەمساڵ چەند ھاووڵاتیەكی توركیا لەلایەن ھێزەكانی پەكەكە لە سنووری پارێزگای سلێمانی دەستگیركران، میدیاكانی پەكەكە رایانگەیاند "ئەو كەسانەی دەستگیركراون ئەندامی دەزگای میتی توركیان"، دوای ئەمەش پەیوەندییەكانی نێوان توركیا و یەكێتی نیشتمانی كوردستانی زیاتر ئاڵۆزكرد، وەك كاردانەوەیەك حكومەتی توركیا نووسینگەی پەیوەندییەكانی یەكێتی لە ئەنقەرە داخست و بەرپرسی پەیوەندییەكانی یەكێتی لە توركیا ناردەوە ھەرێمی كورستان، بە گوێرەی زانیارییەكان توركیا داوای لە یەكێتی كردووە، بۆ ئاسایی كردنەوەی پەیوەندییەكانیان دەبێ ھەوڵبدات ئەو كەسانەی لە سلێمانی گیراون لە دەست پەكەكە ئازاد بكات.




بەڕیوەبەری کۆنترۆڵی کارەبای هەرێم:ڕۆژانە ٢٠ کاتژمێر کارەبای نیشتیمانی دەدەینە هاوڵاتیان
کۆمسیۆن:ئەنجومەنی کۆمسیاران ٦١٤ سکاڵای ڕەتکردۆتەوە
سلێمانی: خوێندکارانی پزیشکی گردبونەوەیان ئەنجامدا
کەش و هەوای ئەمڕۆ و سبەینێ
ئەو بڕیارەی بۆ هەڵوەشاندنەوەی فەرمانگەی گستی ڕەگەزنامەی هەرێم دەرکرابوو ڕاگیراوە
موچەی خانەنشینان دابەشدەکرێت
دواین زانیاری لەسەر دادگایکردنی دەمیرتاش
مەسعود بارزانی ئاراستەی لایەنە سیاسییەکان دەکات
پارتی: بۆئەوەی هەڵبژاردن له‌كه‌دار نه‌بێت، نه‌رمیمان نوواندووه‌
دەستلەکارکێشانەوە لەناو گۆراندا بەرپرسانی باڵا دەگرێتەوە

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە