یەکێتی ئامادەکاری بۆ خۆپیشاندانی گەورە دەکات لەم شارە
PM:03:26---07-01-2018
ئه‌م بابه‌ته 12196 جار خوێنراوه‌ته‌وه‌‌
لڤین:
وەفدێكی یەكێتی نیشتمانی كوردستان، بۆ تاوتوێكردنی دۆخی كەركوك سەردانی بەغدادی كرد، بەڵام چاوی بەهیچ بەرپرسێكی حكومەتی ناوەندی نەكەوت، ئەو حزبە دەیەوێت لەڕێگەی ئەنجامدانی خۆپیشاندانەوە فشارەكانی چڕبكاتەوە.

هەفتەی رابردوو، وەفدێكی یەكێتی سەردانی بەغدای كرد بۆ یەكلاییكردنەوەی پرسی پارێزگارو بەرگرتن بەبڕیارەكانی پارێزگاری بەوەكالەتی كەركوك، بەڵام بەپێی زانیارییەكانی رۆژنامەی(ژیان) سەردانی وەفدەكە هیچ ئەنجامێكی نەبووەو بەبێ دەستكەوت وەفدەكە گەڕاوەتەوە.

محەمەد عوسمان، ئەندامی ئەنجومەنی نوێنەرانی عێراق لەفراكسیۆنی یەكێتی، بە (ژیان)ی راگەیاند "هەوڵەكان بەردەوامی هەیە بۆ چارەسەركردنی دۆخی كەركوك، بەڵام كاتی پێویستە لەبەرئەوەی هەر كێشەیەك سەر بەوەزارەتێك یان بەڕێوەبەرایەتیەكەوەهەیە".

وتیشی"چارەسەركردنی دۆخی كەركوك بەشێكی زۆری پەیوەندی بەدانانی پارێزگارەوە هەیە، ئامانجی ئێمە ئەوەیە ئەنجومەنی پارێزگا پارێزگارێك بۆ شارەكە هەڵبژێرێت، ئەگەر ئەوە نەكرا ئەنجومەنی وەزیران پارێزگارێكی كورد دابمەزرێنێت".

لەماوەی ڕابردوودا بەبڕیاری پارێزگاری كەركوك بەوەكالەت، چەندین خێزانی عەرەب گەڕانەوە ئەو ناوچە كوردیانەی كە پێشتر قەرەبووی مادەی 140یان وەرگرتبوو، ژمارەیەك بەرپرسی كوردیش لەفەرمانگەكان لادران‌و خەڵكی عەرەب لەجێگەیان دانرا، ئەمەش ناڕەزایی لایەنە كوردییەكانی بەدوای خۆیدا هێناوە.

ئەحمەد عەسكەری، ئەندامی ئەنجومەنی پارێزگای كەركوك بە (ژیان)ی وت "بارودۆخی كەركوك وەكوخۆی ماوەتەوەو هەوڵەكان بۆ ئاسایی كردنەوەی بێ ئەنجام بوون".

وتیشی "ئەنجومەنی پارێزگا تائێستا بەهۆی ئامادەنەبوونی ئەندامانی پارتیەوە كۆنەبوەتەوە، بۆیە ڕێگە چارەكان لەبەردەمماندا تەنها پەنابردنە بۆ ڕێكارە یاساییەكان‌و تۆماركردنی سكاڵا لەدادگای فیدراڵی یان گرتنەبەری ڕێكاری مەدەنی‌و خۆپیشاندان".



بەڕیوەبەری کۆنترۆڵی کارەبای هەرێم:ڕۆژانە ٢٠ کاتژمێر کارەبای نیشتیمانی دەدەینە هاوڵاتیان
کۆمسیۆن:ئەنجومەنی کۆمسیاران ٦١٤ سکاڵای ڕەتکردۆتەوە
سلێمانی: خوێندکارانی پزیشکی گردبونەوەیان ئەنجامدا
کەش و هەوای ئەمڕۆ و سبەینێ
ئەو بڕیارەی بۆ هەڵوەشاندنەوەی فەرمانگەی گستی ڕەگەزنامەی هەرێم دەرکرابوو ڕاگیراوە
موچەی خانەنشینان دابەشدەکرێت
دواین زانیاری لەسەر دادگایکردنی دەمیرتاش
مەسعود بارزانی ئاراستەی لایەنە سیاسییەکان دەکات
پارتی: بۆئەوەی هەڵبژاردن له‌كه‌دار نه‌بێت، نه‌رمیمان نوواندووه‌
دەستلەکارکێشانەوە لەناو گۆراندا بەرپرسانی باڵا دەگرێتەوە

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە