دیلۆن: لە عێراق ناکشێینەوە
PM:01:16---11-02-2018
ئه‌م بابه‌ته 752 جار خوێنراوه‌ته‌وه‌‌
لڤین:
رایان دیلۆن، وته‌بێژی هێزی هاوپه‌یمانی نێوده‌وڵه‌تی دژ به‌ داعش له‌ عێراق جه‌ختی كرده‌وه‌، ئه‌ركی ئێمه‌ دوورخستنه‌وه‌ی مه‌ترسییه‌كانی داعشه‌ له‌ ناوچه‌كه‌ و هه‌روه‌ها هاوكاریكردنی هێزه‌ عێراقییه‌كانه‌ بۆ پاراستنی ئه‌و سه‌ركه‌وتنانه‌ی كه‌ له‌ شه‌ڕی دژی تیرۆر به‌ده‌ستهاتوون.

دیلۆن له‌ لێدوانێكیدا له‌گه‌ڵ كه‌ناڵی دیجله‌ی عێراقی دووپاتیكرده‌وه‌: هاوپه‌یمانی نێوده‌وڵه‌تی و هێزه‌ عێراقییه‌كانیش قوربانی زۆریان له‌ شه‌ڕی دژ به‌ داعش داوه و، تائێستاش له‌سه‌ر مه‌شقپێكردنی هێزه‌ عێراقییه‌كان و پێكاندنی پێگه‌كانی داعش له‌سه‌ر سنووری نێوان عێراق و سووریا به‌رده‌وامین و، پێشتریش هاوپه‌یمانێتییه‌كه‌مان رۆڵی به‌رچاوی له‌ له‌ناوبردنی گروپه‌كه‌ی به‌غدادیدا هه‌بووه‌‌، هه‌موو سه‌ركرده‌كانی مه‌یدانیش ئه‌وه‌ ده‌زانن، كه‌ ئێمه‌ له‌ سه‌رجه‌م شاره‌كانی ئه‌و وڵاته‌ هاوكارییه‌كی زۆری هێزه‌ عێراقییه‌كانمان كردووه‌.

دیلۆن گوتی، ئێمه‌ له‌سه‌ر داوای حكومه‌تی عێراق ماوینه‌ته‌وه‌ و رێگه‌ش به‌و گروپانه‌ ناده‌ین، كه‌ ناویان له‌خۆ ناوه‌ حه‌شدی شه‌عبی، بۆئه‌وه‌ی فشارمان بخه‌نه‌ سه‌ر تاوه‌كو له‌ عێراق بكشێینه‌وه‌، چونكه‌ هاوپه‌یمانی نێوده‌وڵه‌تی پلان و به‌رنامه‌ی خۆی بۆ كشاندنه‌وه‌ی هێزه‌كانی له‌ عێراق هه‌یه‌ و، هێشتا ئه‌ركه‌كه‌مان له‌ رووبه‌ڕوو بوونه‌وه‌ی تیرۆر ته‌واو نه‌بووه‌ و تا دوایین شانه‌ی داعش له‌ سووریا و عێراق ده‌مێنینه‌وه‌.

دیلۆن جه‌ختیشی كرده‌وه‌، له‌كاتی خۆیدا بۆ كشاندنه‌وه‌ی هێزه‌كانمان و دیاریكردنی ئه‌و ژماره‌ راوێژكاره‌ سه‌ربازییه‌ی كه‌ بڕیاره‌ بۆ مه‌شقپێكردنی هێزه‌ عێراقییه‌كان بمێننه‌وه‌، له‌گه‌ڵ سه‌رۆك وه‌زیرانی عێراق گفتوگۆ ده‌كه‌ین، هێزه‌كانمان به‌یه‌كجاری له‌ عێراق ناكشێنینه‌وه‌ و پێویسته‌ به‌شێوه‌یه‌كی پله‌دار بێت، چونكه‌ وه‌ك خۆی ئاماژه‌ی پێكرد، هێشتا دۆخه‌كه‌ هه‌ستیاره‌ و هه‌ره‌شه‌ی تیرۆر له‌ئارادایه‌، به‌ڵام سه‌ربازه‌كانمان زیاد له‌پێویست ناهێڵینه‌وه‌.

ماوه‌ی چه‌ند رۆژێكه‌ حه‌شدی شه‌عبی فشاره‌كانی بۆ سه‌ر ئه‌مه‌ریكا چڕ كردۆته‌وه‌، بۆئه‌وه‌ی هێزه‌كانی له‌عێراق بكشێنێته‌وه‌، به‌ر له‌ دوو رۆژیش هه‌ریه‌ك له‌ گروپه‌كانی عه‌سائیب ئه‌هلول حه‌ق، نوجه‌با، حزبوڵڵای عێراق و رێكخراوی به‌دری سه‌ر به‌ حه‌شدی شه‌عبی كه‌ له‌لایه‌ن ئێرانه‌وه‌ پشتگیری ده‌كرێن، هه‌ره‌شه‌یان له‌ هێزه‌ ئه‌مه‌ریكییه‌كان كردبوو و رایانگه‌یاندبوو، ئه‌گه‌ر ئه‌و هێزانه‌ له‌ عێراق نه‌كشێنه‌وه‌، به‌چه‌ك رووبه‌ڕوویان ده‌بینه‌وه‌. ده‌شگوترێت، ئه‌و هه‌ره‌شانه‌ی حه‌شدی شه‌عبی له‌ژێر فشاره‌كانی سوپای پاسدارانی ئێران له‌ هێزه‌ ئه‌مه‌ریكییه‌كان ده‌كرێن، بۆئه‌وه‌ی كۆڕه‌پانه‌كه‌ چۆڵ بكه‌ن و چاودێری فراوانخوازییه‌كانی هه‌ژموونی ئێران له‌ ناوچه‌كه‌ نه‌كه‌ن.



سه‌رچاوه‌یه‌كی دارایی داعش ئاشكرا بوو
عێراق خاوه‌ن خراپترین پاسپۆرته‌ له‌ جیهان
موقتەدا سەدر:ئەمڕۆ وێنەکەم بۆ تەواو کردن
ئەمڕۆ پەرلەمانی عێراق کۆبونەوەی نائاسایی ئەنجام دەدات
بەهۆی تەقینەوەکەی بەغداوە زیاتر لە بیست کەس بونە قوربانی
پەرلەمانی عیراق سبەینێ کۆدەبێتەوە
ئەیاد عەلاوی: ڕێوشوێنەکانی کۆمسیۆن هەڵبژاردنەکانی لەناوەڕۆکەکەی بەتاڵکردەوە
دادگای عیراقی سزای لەسێدارەدانی بۆ داعشێکی بەلجیکی دەرکرد
سه‌در: ناوچه‌ی سه‌وز ناهێڵم
سه‌در هه‌وڵی ده‌ركردنی ئێران نادات
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە