تره‌مپ: خه‌رجكردنی پاره‌ له‌ رۆژهه‌ڵاتی ناوه‌ڕاست كارێكی شێتانه‌یه‌
PM:02:14---13-02-2018
ئه‌م بابه‌ته 1199 جار خوێنراوه‌ته‌وه‌‌
لڤین:
دۆناڵد تره‌مپ، سەرۆکی ئەمریکا رایگەیاند لە ماوەی ساڵانی رابردوودا تا دوو مانگ لەمەوبەر، ئەمریکا حەوت تریلیۆن دۆلاری لە رۆژھەڵاتی ناوەڕاست خەرجکردووە.


سەرۆکی ئەمریکا جەختیکردەوە، ئەو ھەڵەیە دووبارەناکاتەوە و بۆ لەمەودا ئەو پارەیە لە ژێرخانی ئابووری وڵاتەکەیدا خەرج دەکات. 

تره‌مپ وتی"تا دوو مانگ لەمەوبەر 7 تريلیۆن دۆلارمان لە رۆژھەڵاتی ناوەڕاست خەرج کردووە, حەوت تريلیۆن دۆلار، ئەمە چ ھەڵەیەکە. واتە لە چەند ساڵی رابردوودا ئەمریکا 7 تريلیۆن دۆلار لەو ناوچەیە خەرج کردووە کەچی ئێستا بارودۆخی رۆژھەڵاتی ناوەڕاست بەبەراورد بە 17 ساڵی رابردوو زۆر خراپترە".


وتیشی"من ئەو شته‌ ناھێڵم و ئەو پارەیە لە دروستکردنی پرد و رێگاوبانەکانی ئەمریکا خەرج دەکەم کە خەریکە دەرووخێن. ئەمە شتێکی زۆر خراپە کردوویانە و کارێکی شێتانەیە. ھەموو بیانووشیان سوپای ئەمریکا بووە. بەڵام نەیانتوانیوە وەک پێویست سوپا بەھێز بکەن".


تره‌مپ جه‌ختی له‌سه‌ر به‌هێزتركردنی سوپای وڵاته‌كه‌ی كرده‌وه‌ و رایگه‌یاند، سوپای ئەمریکا زۆر زیاتر لە جاران بەھێزتر و مۆدێرنتر دەکەنەوە و پەرە بە چەکی ئەتۆم دەدەن, چونکە وڵاتانی دیکە پەرە بە چەکی ئەتۆم دەدەن.


هه‌روه‌ها وتی"ئەگەر ئەوان پەرەپێدانی چەکی ئەتۆم راگرن منیش لە ماوەی دوو خوولەکدا رایدەگرم. بەڵام ھەتاوەکو ئەوان بەردەوام بن ئێمەش بەردەوام دەبین و وەک ھەمووکات زرۆ لەپێش ئەوانەوە دەبین".




تەقە لەباڵوێزخانەی ئەمریکا کرا لەئەنقەرە
چیرۆکی ئاشکراکردنی پەنابەران لە دادگاکانی ئەڵمانیا
پەنابەرە كوردەكەی دوورگەی مانوس نوێترین كاری خۆی بڵاوكردەوە
پوتین بۆ زه‌ماوه‌ندی ژنه‌ وه‌زیرێك ده‌چێته‌ ڤییه‌ننا
ده‌رگای ناردنه‌وه‌ی په‌نابه‌ران له‌ ئه‌ڵمانیاوه‌ بۆ یۆنان ده‌كرێته‌وه‌
ژنه‌ په‌نابه‌رێكی موسڵمان ده‌بێته‌ ئه‌ندامی كۆنگرێسی ئه‌مه‌ریكا
ئه‌مه‌ریكا گرووپی كاری تایبه‌ت له‌ دژی ئێران داده‌مه‌زرێنێت
روسیا و ئه‌مه‌ریكا پرسی چوونه‌ ده‌ره‌وه‌ی ئێران له‌ سوریا تاوتوێده‌كه‌ن
ئه‌گه‌ر میلانیا جیابێته‌وه‌ تره‌مپ له‌ ئه‌مه‌ریكا ده‌ریده‌كات
واشنتن: تره‌مپ پوتنی له‌ ستراتیژی ئه‌مه‌ریكا بۆ سوریا ئاگادار كردووه‌ته‌وه‌
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە