ئارام شێخ محەمەد: قەرەبووی ئەم هاوڵاتیانە دەکەینەوە
PM:03:31---19-02-2018
ئه‌م بابه‌ته 2823 جار خوێنراوه‌ته‌وه‌‌
لڤین:
جێگری سەرۆكی ئەنجومەنی نوێنەرانی عێراق لەگەڵ بەرپرسانی ئیداری و چین و توێژە جیاوازەكانی قەزای دوزخورماتو كۆدەبێتەوەو ڕایدەگەیەنێت، هەوڵەكانمان ئەنجامی باشی هەبوەو سەقامگیری بۆ قەزاكە گەڕاوەتەوە، هەنگاوەكانی ئێستاشمان بۆ گێڕانەوەی تەواوی ئاوارەكان و قەرەبوكردنەوەیان و چەسپاندنی بنەماكانی پێكەوە ژیانە.

بەپێی ڕاگەیەندراوێکی نوسینگەی ڕۆژنامەوانی جێگری سەرۆکی ئەنجومەنی نوێنەران، بەیانی ئەمڕۆ ئارام شێخ محەمەد جێگری سەرۆكی ئەنجومەنی نوێنەران بەیاوەری ئەحمەد عەبدوڵا جبوری پارێزگاری سەڵاحەدین سەردانی قەزای دوزخورماتوی كرد.

بەپێی ڕاگەیەندراوەکە، لەدەستپێكی سەردانەكەیدا لەبارەگای قائیمقامیەتی قەزاكە لەگەڵ بەرپرسانی ئیداری و ئەمنی و ژمارەیەك لەكەسایەتیەكانی قەزاكە كۆبۆوەو تیایداڕۆشنایی خستەسەر دواین هەوڵەكانی بۆ ئاسایكردنەوەو تێپەڕاندنی ئەو دۆخە ناهەموارەی بەرۆكی خەڵكی قەزاكەی گرت لە دوای ڕوداوەكانی ۱٦ ئۆكتۆبەر، لەو ڕوەوە و سوپاسی وەزارەتی ناوخۆ و بەرگری و پارێزگاری سەڵاحەدین و فەرماندەیی سوپا لەو پارێزگایەو هێزی كاردانەوەی خێرای كرد كە ڕۆڵێكی ئیجابیان گێڕا لەكۆتایهێنان بەتوندوتیژی و ئاسانكاریكردن بۆ گەڕانەوەی زیاتر لە ٤٠٪ی هاوڵاتیانی كورد بۆ زێدی خۆیان.

لەبارەی پرسی قەرەبوكردنەوەی ئاوارەكانیش، ئارام شێخ محەمەد وتی"لەچوارچێوەی ئەو داوایانەی لەپرۆژە یاسای بودجەدا پێشكەشكراوە لەگەڵ پارێزگاری سەڵاحەدین هەمو هەوڵێك دەخەنەگەڕ بۆ ئەوەی بەشێوەیەكی دادپەروەرانە قەزای خورماتو وەك ناوچە زیان لێكەوتوەكانی تر قەرەبوی هاوڵاتیان بكرێتەوەو خزمەتگوزاری پێویستی بۆ دابینبكرێت".

هەر لەچوارچێوەی سەردانەكەیدا، ئارام شێخ محەمەد لە دوو دیداری جیادا لەگەڵ چین و توێژە جیاوازەكانی قەزای دوزخورماتو كۆبۆوەو لەنزیكەوە گوێی لەداواكاری و پێداویستیەكانیان گرت و ڕایگەیاند، لە ساتەوەختی ڕوداوەكانەوە بەبەردەوامی لەگەڵ كەسایەتی و ڕێكخراوە خۆرسكەكانی قەزاكەیان لەلایەك و بەپرسانی حكومەتی عێراق لەپەیوەندی بەردەوامدابوە، وتیشی: ئەوسا بەڵێنم پێدان بەتەنیا جێتان ناهێڵم ئێستاش پێتان دەڵێم كۆتا مانگەكانی كاری نوێنەرایەتیكردم بۆ بەرگریكردن لەئێوە تەرخاندەكەم.

لەبەرامبەر  خواستی ئامادەبوان كە داوایانكرد ئەو هێزەی ئەركی پاراستنی قەزاكەی لەئەستۆیە لە ناو گەڕەكەكان دور بخرێتەوە بەو مەرجەی نەكشێنەوە لەقەزاكەو بەردەوامبن لەئەركەكەیان، ئارام شێخ محەمەد بەڵێنی جێبەجێكردنی داواكەی پێدان، بۆ چارەسەری كێشەی مامۆستایان و خوێندكارانیش ڕایگەیاند، داواكارییەكانیان گەێندراوەتە وەزیری پەروەردەو هیوایان زۆرە بەمنزیكانە چارەسەر بكرێت.

دواتر ئارام شێخ محەمەد بەیاوەری پارێزگاری سەڵاحەدین سەردانی ناو بازاڕی دوزخورماتوی كردو لەنزیكەوە گوێبیستی گلەیی و نیگەرانی كۆمەڵێك كاسبكار بو كە لەڕوداوەكانی قەزاكەدا زیانی زۆریان پێگەیشتەوەو دوكانەكانیان سوتێنراو و لەوبارەیەوە ڕایگەیاند هەمو ئەو دەستدرێژیانە بەدۆكۆمێنێت كراوەو كاری لەسەر دەكرێت، بەهۆی ناكۆكییەكانی پەرلەمانیش لەبارەی بودجە تائێستا ئەو لیژنەیەی بڕیارە بەدواداچون بۆ پێشێلكارییەكانی دوزخورماتو بكات متمانەی پێنەدراوە تا دەستبەكاربێت.

لەمیانی وتەكیشدا مامۆستا هاوار مامۆستای ئاینی و كەسایەتی قەزای دوزخورماتو بەناوی خەڵكی قەزاكەوە ستایشی هەوڵەكانی ئارام شێخ محەمەدی كردو ڕایگەیاند: ڕۆڵێكی دیارو بەرچاوی هەبوە لە بەقەراركردنی ئەو سەقامگیرییەی ئێستا لەقەزاكەیان هاتۆتەئاراوەو پشتیوانێكی هەمیشەییانە.



لڤین وردەکاری هەوڵی پارتی بۆ تەزویرکردن ئاشکرا دەکات
فەزیحەیەکی پارتی لە 16 ئۆکتۆبەردا ئاشکرا دەبێت
‌کاندیدێکی پارتی بەڵێنی زیادکردنی پشوو دەدات
پۆلیسی سلێمانی: کەناڵی ڕوداو هەواڵی چەواشەکاری بڵاو دەکاتەوە
کەش و هەوای ئەمڕۆ و سبەینێ
هەپەگە کوژرانی دوو سەربازی تورکیای لە باشوری کوردستان ڕاگەیاند
عومەری سەید عەلی:بەهیچ جۆرێک دەستدرێژی قبوڵ ناکەین
خەسرەو گۆران:پارتی کاندیدەکەی ناکشێنێتەوە،و چیتر پارتی نازی هیچ لایەنێک ناکێشێت
سلێمانی:هێرش کرایە سەر ئۆفیسی تەڤگەری ئازادی
ئەمڕۆ و موچەی ئەم شوێنانە دابەشدەکرێت

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە