مام ڕۆستەم بەرامبەر 22 فڕۆکەکەی مەلا بەختیار بێدەنگی شکاند
PM:03:34---19-02-2018
ئه‌م بابه‌ته 29974 جار خوێنراوه‌ته‌وه‌‌
لڤین:
مام ڕۆستەم فەرماندەی دیاری سەربازی وباشوری كوردستان ڕایدەگەیەنێت، ئەو شەڕەی كە باسی هاتنی 22 كۆپتەرەكەی تێدا دەكرێت ئەو لە گەرمیان بووە و ئەوەش دەخاتەڕوو، ئەو كەسانەی لەشەڕەكەدا بوون هەڵهاتوون.

مام ڕۆستەم پێشمەرگەی دێرین و فەرماندەی سەربازی باشوری كوردستان، بە سنور میدیای ووتوە"ئەو قسانەی بەناوی منەوە بڵاو كراوەتەوە لە تۆڕە كۆمەڵایەتیەكان، هەمووی دوورە لەڕاستی و من قسەم بۆ هیچ كەس نەكردوە".

لەبارەی ئەو شەڕەی مەلا بەختیار بەرپرسی دەستەی كارگێڕی مەكتەبی سیاسی یەكێتی باسی دەكات بەوەی لەشەڕێكدا 22 كۆپتەر زیاتریان بۆهاتووە، ئەو پێشمەرگە دێرنە دەڵێت"من لەو كاتە لەگەڵ شەهید (سیروان تاڵەبانی) لەگەرمیان بووم، بۆیە تەنها زانیاریەكانم لەخۆیانەوە وەرگرتوە، چونكە دوای دوڕۆژ لە گوندی (بەڵخە)ی ناوچەی قەراغ  یەكترمان بینی".

ناوبراو وتوشیەتی"ئەوەی مەلا بەختیار باسی دەكات، لە گوندی (میریاسی خوار) لە ناوچەی (قەراغ) لەگەڵ هەریەك (ئازاد سەرگرمە و ئاوات قارەمانی و عادل شكور و سامان گەرمیانی و شەهید شەماڵ چاوشین و دلێر سەید مەجید و شەهید عەلی ئاما خان) بوون، كاتێك سوپا و جاش و كۆپتەرێكی زۆر هاتوون و داویانە بەسەریاندا، ئەوان گوندەكەیان بەجێهێشت، بەڵام شەهید (شەماڵ) بەو هۆیەوە شەهیدبوو".

مام ڕۆستەم ئەوەشی رەت كردۆتەوە كە شەڕی قورس روویدابێت و وتویەتی"ڕاستە كۆپتەر هاتووە، بەڵام ئەوان گوندەكەیان بەجێهشت و بەشێكیان چوون بۆ شارباژێر و بەشێكی تریان دوای دوو ڕۆژ لە گوندی بەڵخە لەگەڵ ئێمە یەكترمان گرتەوە".




کەش و هەوای ئەمڕۆ و سبەینێ
ئەمڕۆ پارتی و گۆڕان کۆدەبنەوە
ئەمڕۆ ئەم شوێنانە موچە وەردەگرن
بۆ یەكەمین جارە توێژەری ساڵ دیاریكرا
پارەی ڤیزەی ئێران بۆ ئەم هاوڵاتیانەی هەرێم لابرا
سلێمانی: سەدان کیلۆ شیرینی لەناوبران
حكومه‌ت ره‌زامه‌ندی له‌باره‌ی داواكارییه‌كه‌ی هاتوچۆی راپه‌ڕینه‌وه‌ ده‌ربڕی
دابەشكردنی زەوی دەستپێدەكاتەوە
وته‌بێژێك بەرچاو ڕونییەک لەسەر دەستگیرکردنی مێردمنداڵەکەی گەرمیان دەدات
یه‌كێتی و پارتی له‌سه‌ر چوار خاڵ رێككه‌وتن

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە