دادگای فیدڕاڵی: سکاڵای بڕیاری پاشەکەوتکردنی مووچە هەڵوەشێنرایەوە
PM:02:12---11-03-2018
ئه‌م بابه‌ته 8458 جار خوێنراوه‌ته‌وه‌‌
لڤین:
دادگاى باڵاى فیدڕاڵى عێراق داوایه‌كى یاسایى ده‌رباره‌ى به‌ ناده‌ستورى له‌قه‌ڵه‌مدانى پاشه‌كه‌وتى مووچه‌ى فه‌رمانبه‌رانى هه‌رێم ره‌تده‌كاته‌وه‌.

ئه‌یاس سامۆك، وته‌بێژى فه‌رمى دادگاى باڵاى فیدراڵى له‌ راگه‌یه‌ندراوێكدا ئاشكرایكرد، "دادگا ئه‌مڕۆ دانیشتنێكى ئه‌نجامدا به‌ ئاماده‌بوونى سه‌رجه‌م ئه‌ندامانى و چاویخشاند به‌ داوایه‌كى یاسایى ده‌رباره‌ى ده‌ركردنى حوكمى ناده‌ستورى بڕیارى حكومه‌تى هه‌رێمى كوردستان سه‌باره‌ت به‌ جێبه‌جێكردنى سیستمى پاشه‌كه‌وتى مووچه‌ى فه‌رمانبه‌ران و خانه‌نشینان و، پابه‌ندكردنى داواله‌سه‌ركراو به‌ فه‌راهه‌مكردنى مافى تایبه‌تى داواكراو له‌ رۆژى ده‌رچونى بڕیاره‌كه‌وه‌ له‌ 2016/1/1، به‌ ئه‌سه‌رى ره‌جعى".

رونیشیكردوه‌ته‌وه‌"بریكارى نێچیرڤان بارزانى، سه‌رۆكى حكومه‌تى هه‌رێمى كوردستان/ سه‌ره‌ڕاى كاره‌كه‌ى ئاماده‌ى دانیشتنه‌كه‌ بووه‌ و داواكارییه‌كى پێشكه‌شكرد بۆ ره‌تكردنه‌وه‌ى تانه‌كه‌".

وته‌بێژى دادگاى فیدراڵى ئاشكرایكرد"دادگاى باڵاى فیدڕاڵى بڕیاریدا به‌ ره‌تكردنه‌وه‌ى داواكه‌ به‌هۆى ئه‌وه‌ى بڕیاره‌ تانه‌ لێدراوه‌كه‌ له‌لایه‌ن ده‌سه‌ڵاتى فیدڕاڵى ده‌رنه‌چووه‌ كه‌ ئاماژه‌ى پێدراوه‌ له‌ مادده‌ى (47)ى ده‌ستور و به‌پێى ریزبه‌ندییه‌كانى كه‌ (یاسادانان و جێبه‌جێكردن و دادوه‌رى)یه‌، به‌ڵكو له‌ ده‌سه‌ڵاتى هه‌رێمه‌وه‌ ده‌رچووه‌، هه‌روه‌ك بڕیاره‌كه‌ له‌و بڕیاره‌ ئیدارییانه‌یه‌ كه‌ یاسا رێگه‌ى تانه‌لێدانى دیاریكردووه‌ و، له‌ ده‌ره‌وه‌ى تایبه‌تمه‌ندى دادگاى باڵاى فیدڕاڵیدایه‌ كه‌ ئاماژه‌ى پێكراوه‌ له‌ مادده‌ى (93)ى ده‌ستور و، مادده‌ى (4)ى یاساكه‌ ژماره‌ (30)ى ساڵى 2005".



کۆبونەوەی پەرلەمانی عێراق دەستی پێکرد
كاكەیی: لەرێگەی باركۆدەوە دەستكاریكردنی دەنگەكان ئاشكرا دەبێت
بومه‌له‌رزه‌یه‌ك باشوری عیراقی هه‌ژاند
بەهۆی کەوتنی رەفەیەکی ئامیرەکانی دەنگدان لەکۆگایەکی کۆمسیۆن کارمەندێک گیانی لەدەستدا
نوسینگەی سەدر:ئەو پەرلەمانتارانەی ڕۆژی هەینی کۆبونەوە سێ یەکی پەرلەمانی عێراقن
دادگای فیدراڵی هەڵوەشاندنەوەی دەنگدانی تایبەت ،ئاوارە و دەرەوەی ڕەتکردەوە
عەبادی:هیچ هەماهەنگیەکمان لەگەڵ تورکیا نیە بۆ ئۆپەراسیۆنی سەربازی لەسنورەکان
دادگای فیدراڵی ئەمڕۆ بڕیار لەسەر تانەی سەرۆک کۆمارلەسەر هەمواری یاسای هەڵبژاردن دەدات
سەرۆک کۆمار و سەرۆک وەزیران:چاوەڕێی بڕیاری کۆتایی دادگا دەکەین لەبارەی هەڵبژاردنەکان
نوری مالیکی:لەدوای ٣٠ی حوزەیرانەوە بۆشایی یاسایی لەوڵاتدا دروستدەبێت
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە