بەرپرسێکی یەکێتی دەستی لەکار کێشایەوە
PM:12:52---18-03-2018
ئه‌م بابه‌ته 4722 جار خوێنراوه‌ته‌وه‌‌
ئەندامێکی ئەنجومەنی ناوەندی یەکێتی ئەمڕۆ دەستلەکارکێشانەوەی خۆی لە ئەنجومەنەکە و لەیەکێتیش ڕاگەیاند،و دەڵێ داوادەکەم دەستلەکارکێشانەوەم لەئەندامێتی ئەنجومەنی ناوەندی و یەکێتیش قبوڵ بکەن.

ئەمڕۆ ١٨\٣\٢٠١٨ دیار موفتی ئەندامی ئەنجومەنی ناوەندی نامەی دەستلەکارکێشانەوەی ئاڕاستەی سکرتاریەتی ئەنجومەنی ناوەندی کرد و دەڵێ وه‌ك كادیرێكی یه‌كێتی نیشتمانی كوردستان هیواو ئاواتم به‌ند بوو به‌ خۆشه‌ویستی و سه‌ركه‌وتنی ئه‌نجومه‌نی ناوه‌ند و له‌ڕێگه‌ی ئه‌نجومه‌نیشه‌وه‌ سه‌ركه‌وتنی یه‌كێتی نیشتمانی كوردستان و ئاسوده‌كردنی ڕه‌وانی مـــام كه‌ هیچ قسورێكی نه‌كرد بۆ پێگه‌یاندن و په‌روه‌رده‌ كردنی كادیرانی یه‌كێتیی بۆ كورد و كوردایه‌تی.

هەروەها هۆکاریدەستلەکارکێشانەوەکەی دەگەڕێنێتەوە بۆ پشتگوێخستن و بێکاریگەری کردنی ئەنجومەنی ناوەندی و وەک لە پەرەی تایبەتی خۆی لە فەیسبووک نوسیویەتی : به‌ داخه‌وه‌ ئه‌و ئۆرگانه‌ی جێ چاوی ئومێدی مــام بوو كه‌ ئه‌نجومه‌نی ناوه‌ند بوو له‌لایه‌ن سه‌ركردایه‌تی و مه‌كته‌بی سیاسی زۆر پشتگوێخرا و بێ كاریگه‌ر کرا، هه‌روه‌ها وتوشیه‌تی‌ بۆیه‌ به‌ چاوی پڕ له‌ فرمێسكه‌وه‌ بۆ خوێنی شه‌هیدانمان ده‌ستله‌كار كێشانه‌وه‌م له‌ ئه‌نجومه‌ن و یه‌كێتیی قبوڵ بكه‌ن.

دەقی دەستلەکار کێشانەوەکەی دیار موفتی:

هه‌ڤاڵانی ئازیزم شۆڕشگێڕ و خۆنه‌ویستانی ڕۆژانی سه‌ختی خه‌بات

من وه‌ك كادیرێكی یه‌كێتیی نیشتمانیی كوردستان هه‌موو هیواو ئاواتم به‌ند بوو به‌ خۆشه‌ویستی و سه‌ركه‌وتنی ئه‌نجومه‌نی ناوه‌ند و له‌ڕێگه‌ی ئه‌نجومه‌نیشه‌وه‌ سه‌ركه‌وتنی یه‌كێتی نیشتمانی كوردستان و ئاسوده‌ كردنی ڕه‌وانی مـــام كه‌ هیچ قسورێكی نه‌كرد بۆ پێگه‌یاندن و په‌روه‌رده‌ كردنی كادیرانی یه‌كێتیی بۆ كورد و كوردایه‌تی.

 

به‌ڵام به‌ داخه‌وه‌ ئه‌و ئۆرگانه‌ی جێ چاوی ئومێدی مــام بوو كه‌ ئه‌نجومه‌نی ناوه‌ند بوو له‌لایه‌ن سه‌ركردایه‌تی و مه‌كته‌بی سیاسی زۆر پشتگوێخرا و بێ كاریگه‌ر كرا له‌ چه‌ند بڕیار و دیدی كادیرانی پێشكه‌وتووی ئه‌نجومه‌نی ناوه‌ند و هه‌موو بڕیاره‌ ڕاست و دروسته‌كانی ئه‌نجومه‌نی ناوه‌ند كرا به‌ قوربانی به‌رژه‌وه‌ندی ته‌سكی تایبه‌تی هه‌ندێ كه‌سی سه‌ركردایه‌تی و مه‌كته‌بی سیاسی و یه‌كێتی و كوردیان برد به‌ره‌و هه‌ڵدێری كاكی به‌ كاكی و هیچ ڕێزێكیان بۆ بڕیاره‌كانی ئه‌نجومه‌ن نه‌گرت هه‌ر له‌ بڕیاری نه‌خشه‌ڕێگاو بڕیاری نوێبوونه‌وه‌ی یه‌كێتیی له‌ كۆنگره‌دا و هه‌روه‌ها هیچیان بۆ خوێنی شه‌هیدان و فرمێسكی دایك و خوشكی شه‌هیدان و ئازار و ئه‌شكه‌نجه‌ی زیندانیانی سیاسی نه‌هێشته‌وه‌.

 

بۆیه‌ من ناتوانم له‌ ئۆرگانێك كار بكه‌م به‌ده‌ستی ئه‌نقه‌ست و به‌ بڕیاڕی هه‌ندێ بێ كاریگه‌ر بكرێ و ئه‌نجومه‌نی ناوه‌ند كه‌ خۆشه‌ویستی كادر و لایه‌نگر و هه‌وادار و ده‌نگده‌رانی یه‌كێتیی بوو توشی شكستێكی بێ وێنه‌ی بكه‌ن و هه‌موو ئه‌و متمانه‌ و هیواو ئاواتانه‌ له‌ گۆڕ بنێن و من پێموایه‌ به‌ پلانی ووڵاتانی دوژمن پلانه‌كانیان له‌ ناوخۆی یه‌كێتی جێبه‌جێ كرد و یه‌كێتی و خوێنی شه‌هیدانیان كرد به‌ قوربانی ئاره‌زوو و به‌رژه‌وه‌ندیه‌ تایبه‌تیه‌كانی خۆیان و كوردیش بێچاره‌تر له‌ جاران.

 

بۆیه‌ به‌ چاوی پڕ له‌ فرمێسكه‌وه‌ بۆ خوێنی شه‌هیدانمان ده‌ستله‌كار كێشانه‌وه‌م له‌ ئه‌نجومه‌ن و یه‌كێتیی قبوڵ بكه‌ن و هیوادارم سه‌ركه‌وتوو بن.









پارتی داوای كردووە لە كابینەكەی عەبدول مەهدی بەشداری پێ بكرێت
پۆلیسی سلێمانی: تۆمەتبارێك دەستگیركرا
وەرگرتنی مامۆستایانی وانەبێژ لەسلێمانی دەستیپێكرد
یەكگرتوو وگۆران و كۆمەڵ سكاڵایەك ئاراستەی داواكاری گشتی دەكەن
مووچه‌ی فه‌رمانبه‌رانی هه‌رێم له‌به‌غداوه‌ گه‌یشته‌ وه‌زاره‌تی دارایی
وەزارەتی كارەبا ئاگادارییەك بڵاو دەکاتەوە
یه‌كه‌مه‌كانی زانكۆ و په‌یمانگەكان له‌به‌رده‌م ئه‌نجومه‌نی وه‌زیران خێمه‌یان هه‌ڵدا
به‌رپرسێكی حكومی كوژرا
ناوەڕۆكی كۆبوونەوەی هاوپەیمانی چاكسازی‌ و بنیاتنانەوە لەگەڵ یەكێتی
سبه‌ی مووچه‌ی ئه‌م شوێنانه‌ دابه‌شده‌كرێت

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە