ناوی ئەو بەرپرسانەی یەکێتی و پارتی بڵاوکرایەوە کە داوای مافی پەنابەرییان کردوە
PM:03:11---22-03-2018
ئه‌م بابه‌ته 26444 جار خوێنراوه‌ته‌وه‌‌
لڤین:
ژمارەیەك بەرپرس‌و پەرلەمانتاری هەرێمی كوردستان، لە وڵاتانی كەنەدا‌و ئەمریكا داوای مافی پەنابەریەتی دەكەن، كە دواهەمینیان، زوڵفا مەحمود ئەندامی پەرلەمانی كوردستان لەفراكسیۆنی گۆڕان‌و سەرۆكی لیژنەی تەندروستی، لەسەرەتای ساڵی 2018 داوایی مافی پەنابەریی لەوڵاتی كەنەدا كردووە.

زوڵفا مەحمود، بەر لەجێهێشتنی هەرێمی كوردستان، لەرۆژی 16ی 12ی 2017 داوای دەستلەكاركێشانەوەی ئاراستەی پەرلەمان كردوە بەبێ ئەوەی هۆكارەكانی ئاشكرا بكات، بەڵام داواكەی ڕەتكراوەتەوە.

بێگەرد تاڵەبانی، سكرتێری پەرلەمان بە ڕۆژنامەی(ژیان) وتی"ئەو پارلەمانتارە لەچوار دانیشتن غیاب دراوەو فراكسیۆنەكەی ئاگادار كراوەتەوە".

ڕۆژنامەکە زانیوویەتی زوڵفا مەحمود عەبدوڵا لەكەنەدا منداڵیشی بووە‌و هێشتا لەو وڵاتەیە.

بەهۆی دواكەوتنیشییەوە، سەرۆكایەتی پەرلەمانی كوردستان داوای لەفراكسیۆنی گۆڕان كردوە رونكردنەوەی لەو بارەیەوە پێ بدات، بۆ ئەم مەبەستەش نوسراوێكیان داوەتە فراكسیۆنی گۆڕان‌و داوای لێدەكات ڕونكردنەوە لەسەر سەردانی ئەو پەرلەمانتارەی فراكسیۆنەكەیان بدات.

بەپێی زانیارییەكان، تائێستا سەرۆكی فراكسیۆنی گۆڕان هیچ زانیارییەكی لەسەر نوسراوەكەی سەرۆكایەتی پەرلەمان نەداوە بە فراكسیۆنەكەی‌و پەرلەمانتارانی حزبەكەی لێ ئاگادار نەكردۆتەوە.

زوڵفا مەحمود، ساڵی‌ 1981 لەپشدەر لەدایكبووەو بڕوانامەی‌ ماستەری لە‌پەرستاریدا هەیەو سەرۆكی لیژنەی تەندروستیە لەپەرلەمانی كوردستان.

ئەمە دووەم پەرلەمانتاری هەرێمی كوردستانە لەماوەی كەمتر لەساڵێكدا داوای مافی پەنابەرێتی لەوڵاتی كەنەدا دەكات. پێشترو لەكۆتایی‌ مانگی پێنجی ساڵی رابردوو، گۆران ئازاد ئەندامی پەرلەمانی كوردستان لەفراكسیۆنی یەكێتی داوای مافی پەنابەری لەهەمان وڵات كردووە.

بەهەمان شێوەش سیروان زەهاوی، سەرۆكی لیژنەی چاكسازی دەرمان لەسەرۆكایەتی هەرێم، بەبیانووی هەڕەشەی وەزیرێكی حكومەتی هەرێمی كوردستان لەسەر پشكی پارتی خۆی‌و خێزاكەی ساڵی پار داوای مافی پەنابەریەتی لەوڵاتی كەنەدا كردوە.

هەر بەپێی زانیارییەكانی (ژیان) د.سلێمان جەعفەر، هەڵسواری دیاری گۆڕان لەهەولێرو ئەندامی ژووری توێژینەوە لەبزوتنەوەی گۆڕان، لەساڵی 2016 هەرێمی كوردستان جێهێشتووە‌و ئێستا لەوڵاتی كەنەدا بەخۆی‌و هاوسەری‌و چوار منداڵی مافی پەنابەریەتیان وەرگرتووە.

لەناوەڕاستی ساڵی ڕابردووش ئەیوب سەڵاحەدین بەهائەدین، كوڕی ئەمینداری گشتی یەكگرتوو لەسەر داوای باوكی چۆتە دەرەوەو پار ساڵیش لەوڵاتی كەنەدا داوای مافی پەنابەریەتی كردووە.

لەماوەی دوو ساڵی ڕابردوو ژمارەیەك لەچالاكوان‌و نووسەرو رۆژنامەنووس‌و شاعیر هەرێمی كوردستانیان جێهشتووەو زۆربەشیان لەوڵاتی كەنەدا داوای مافی پەنابەریەتیان كردووەو لەم وڵاتە گیرساونەتەوە.



حکومەتی هەرێم بەبۆنەی یادی کیمیابارانی قەڵادزێوە پەیامێکی بڵاوکردەوە
لەباکوری کوردستان بومەلەرزەیەکی بەهێز ڕویدا
بەغدا بەڕیوەبەرایەتی پاسپۆرت لەهەڵەبجە دەکاتەوە
ژنە شاعیرێکی کورد کۆچی دوایی کرد
ئەمڕۆ موچەی ئەم شوێنانە دابەش دەکرێت
بەڕێوەبەرایەتیی پاسپۆرت لە هەڵەبجە دەكرێتەوە
گۆڕان فێڵێكی یاسایی لەكۆمسیۆنی هەڵبژاردن دەكات
بابەكر زێباری خانوویەكی لە دهۆك بەكرێ‌ دەداتە لیستەكەی عەبادی
موچەی یەكەی پاسەوانی بە سیستەمی نوێی پاشەكەوت دابەش دەكرێت
پارتی: ئەوانەی دژایەتیی ڕیفراندۆم دەکەن ئەوانەن خیانەتیان کرد
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە