مووچه‌ی مانگی شوبات به‌سیستمی نوێی مووچه‌ دابه‌شده‌كرێت
PM:08:05---14-04-2018
ئه‌م بابه‌ته 8055 جار خوێنراوه‌ته‌وه‌‌
لڤین:
سه‌رۆكی لیژنه‌ی دارایی له‌ په‌رله‌مانی كوردستان رایگه‌یاند، دابه‌شكردنی مووچه‌ی مانگی شوباتی فه‌رمانبه‌رانی هه‌رێمی كوردستان به‌سیستمی نوێی دابه‌شكردنی مووچه‌ ده‌بێت، چونكه‌ په‌رله‌مان به‌رپرسیارێتی بڕیارێك هه‌ڵناگرێت كه‌ پشتر حكومه‌ت بڕیاری لێداوه‌.

د. عزه‌ت سابر سه‌رۆكی لیژنه‌ی دارایی له‌ په‌رله‌مانی كوردستان به‌ میدیای یەکێتی راگه‌یاند"بڕیاره‌ رۆژی دوو شه‌ممه‌  كۆبوونه‌وه‌ی لیژنه‌كانی دارایی و یاسایی و پێشمه‌رگه‌ و ناوخۆ و چه‌ند لیژنه‌یه‌كی دیكه‌، له‌گه‌ڵ وه‌زاره‌تی دارایی ئه‌نجامبدرێت و تێیدا گفتوگۆبكرێت له‌باره‌ی ئه‌و ده‌رماڵانه‌ی كه‌ پێشتر حكومه‌تی هه‌رێم بێ گه‌ڕانه‌وه‌ بۆ په‌رله‌مان بڕیاری له‌باره‌وه‌ داوه‌ و یاسایی نین".

وتیشی"به‌دڵنیاییه‌وه‌ مووچه‌ی مانگی شوباتی فه‌رمانبه‌رانی حكومه‌تی هه‌رێمی كوردستان به‌سیستمی نوێی مووچه‌ دابه‌شده‌كرێت، چونكه‌ تا ئێستا ئه‌و پرۆژه‌یه‌ی له‌ په‌رله‌مانه‌، بۆ لابردنی ئه‌و ده‌رماڵانه‌ی یاسایی نین په‌سه‌ند نه‌كراوه‌و په‌رله‌مانیش به‌پرسیارێتی بڕیارێك هه‌ڵناگرێت كه‌ پێشتر په‌رله‌مان خۆی ده‌رینه‌كردبێت".

سه‌رۆكی لیژنه‌ی دارایی له‌ په‌رله‌مانی كوردستان راشیگه‌یاند"هه‌ر ده‌رماڵه‌یه‌ك به‌ رێنمایی بڕیاری لێ درابێت و یاسایی نه‌بێت، ده‌بێت حكومه‌ت خۆی چاره‌سه‌ری بكات، چونكه‌ پێشتر بێ گه‌ڕانه‌وه‌ بۆ په‌رله‌مانی بڕیاری لێداوه‌".

ئه‌مه‌ش له‌كاتێكدایه‌، دابه‌شكردنی مووچه‌ی مانگی كانونی دووه‌می ئه‌مساڵ له‌لایه‌ن حكومه‌تی هه‌رێمی كوردستانه‌وه‌ به‌رده‌وامیی هه‌یه‌ و تائێستاش دابه‌شكردنی مووچه‌ی وه‌زاره‌تی پێشمه‌رگه‌و ناوخۆ رانه‌گه‌یه‌نراوه‌.



پارتی داوای كردووە لە كابینەكەی عەبدول مەهدی بەشداری پێ بكرێت
پۆلیسی سلێمانی: تۆمەتبارێك دەستگیركرا
وەرگرتنی مامۆستایانی وانەبێژ لەسلێمانی دەستیپێكرد
یەكگرتوو وگۆران و كۆمەڵ سكاڵایەك ئاراستەی داواكاری گشتی دەكەن
مووچه‌ی فه‌رمانبه‌رانی هه‌رێم له‌به‌غداوه‌ گه‌یشته‌ وه‌زاره‌تی دارایی
وەزارەتی كارەبا ئاگادارییەك بڵاو دەکاتەوە
یه‌كه‌مه‌كانی زانكۆ و په‌یمانگەكان له‌به‌رده‌م ئه‌نجومه‌نی وه‌زیران خێمه‌یان هه‌ڵدا
به‌رپرسێكی حكومی كوژرا
ناوەڕۆكی كۆبوونەوەی هاوپەیمانی چاكسازی‌ و بنیاتنانەوە لەگەڵ یەكێتی
سبه‌ی مووچه‌ی ئه‌م شوێنانه‌ دابه‌شده‌كرێت

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە