ئه‌مه‌ریكا دوای پشكنینی ئه‌و وه‌زیره‌ كه‌نه‌د‌ییه‌ په‌شیمان بووه‌ته‌وه‌
PM:03:50---15-05-2018
ئه‌م بابه‌ته 5488 جار خوێنراوه‌ته‌وه‌‌
لڤین:
ده‌سته‌ی گواستنه‌وه‌، له‌ ویلایه‌ته‌ یه‌كگرتووه‌كانی ئه‌مه‌ریكا، "په‌شیمانی" له‌ پشكنینی وه‌زیری داهێنانی كه‌نه‌دا ده‌ربڕیوه‌، دوای ئه‌وه‌ی له‌ یه‌كێك له‌ فڕۆكه‌خانه‌كان، داوایان له‌ وه‌زیره‌كه‌ كردووه‌ جامانه‌كه‌ی بهێنێته‌ خواره‌وه‌.

ئاژانسی بلوومبێرگی ئه‌مه‌ریكی بڵاویكردووه‌ته‌وه‌، ناڤدیپ باینز، كه‌سێكی سیخییه‌ و له‌ ساڵی 2015ه‌وه‌، پۆستی وه‌زاره‌تی داهێنان و زانست و گه‌شه‌پێدانی ئابووریی له‌ حكوومه‌ته‌كه‌ی جه‌ستن ترودۆ وه‌رگرتووه‌، له‌ مانگی نیسانی رابردوو، دوای ئه‌وه‌ی ده‌یه‌وێت شاری دیترۆیتی ئه‌مه‌ریكا جێبهێڵێت، له‌ فڕۆكه‌خانه‌ ئه‌فسه‌رێكی پشكنین داوای لێده‌كات، جامانه‌كه‌ی سه‌ری بهێنێته‌ خواره‌وه‌، ئه‌ویش به‌هۆی په‌یڕه‌وكردنی ئایینه‌كه‌ی ره‌تیده‌كاته‌وه‌ جامانه‌كه‌ی لابدات، به‌و پێیه‌ی له‌ ئایینه‌كه‌یدا، ئه‌و جامانه‌یه‌ شتێكی پیرۆزه‌ و ناتوانێت لایبدات.

باینز، له‌ لێدوانێك بۆ ته‌له‌ڤزیۆنی "مۆنتریال لاپرێس" وتی"كه‌ زانیان من كێم و له‌ پۆستێكدام، رێگه‌یاندا گه‌شته‌كه‌م بكه‌م"، هاوكات ئه‌و وه‌زیره‌، رووداوه‌كه‌ی به‌ جیاكاری لێكداوه‌ته‌وه‌ و یه‌كه‌مجاریشه‌ رووبه‌ڕووی هه‌ڵوێستێكی له‌و جۆره‌ ده‌بێته‌وه‌، به‌ گوێره‌ی لێدوانه‌كه‌شی، دواجار به‌رپرسانی ئه‌مه‌ریكا، داوای لێبوردنیان لێكردووه‌.

لای خۆیه‌وه‌، كریستینا فریلاند، وه‌زیری ده‌ره‌وه‌ی كه‌نه‌دا رایگه‌یاند، وه‌زاره‌ته‌كه‌ی له‌گه‌ڵ واشنتن قسه‌ی كردووه‌ و هه‌ڵوێستی وڵاته‌كه‌ی له‌ باره‌ی رووداوه‌كه‌ نیشانداوه‌.

فریلاند ده‌ڵێت"به‌ گوێره‌ی راگه‌یه‌ندراوی ده‌سته‌ی گواستنه‌وه‌ی ئه‌مه‌ریكا، ده‌ركه‌وتووه‌ ئه‌و ئه‌فسه‌ره‌ی پشكنینی كردووه‌، ره‌چاوی رێنماییه‌كانی نه‌كردووه‌ و دواتر ده‌خرێته‌ به‌ر راهێنانی تایبه‌ت بۆ ئه‌وه‌ی رووداوی هاوشێوه‌ دووباره‌ نه‌بێته‌وه‌".

سیخی ئایینێكه‌، له‌ باكووری هیندستان له‌ سه‌ده‌ی 16 سه‌ریهه‌ڵدا، سه‌ره‌تا گورو ناناك ده‌ستی به‌ بانگه‌شه‌ كرد له‌گه‌ڵ 9 كه‌سی دیكه‌، گورو به‌ هیندی واتا مامۆستا، هه‌رچی "سیخی"ه‌، له‌ وشه‌ی "سیخ"ه‌وه‌ هاتووه‌، كه‌ به‌ واتای قوتابی دێت، هۆكاری بڵاوبوونه‌وه‌شی له‌ جیهان به‌كارهێنانییان بوو له‌لایه‌ن ئینگلیزه‌وه‌ له‌ شه‌ڕه‌كاندا له‌گه‌ڵ كۆچكردنی په‌یڕه‌وانی ئایینه‌كه‌ بۆ ناوچه‌كانی دیكه‌.

له‌ كابینه‌كه‌ی جه‌ستن ترودۆ، سه‌رۆك وه‌زیرانی كه‌نه‌دا، وه‌زیرانی به‌رگری كه‌ هارجیت ساجانه‌، له‌گه‌ڵ وه‌زیری داهینانی و زانست و گه‌شه‌پێدانی ئابووری، كه‌ ناڤدیپ ‌باینزه‌، له‌ په‌یڕه‌وانی ئه‌و ئایینه‌ن و له‌ هه‌شتاكانی سه‌ده‌ی رابردووه‌وه‌ به‌ره‌و كه‌نه‌دا كۆچیان كردووه‌.



ئەڵمانیا ناردنی چەکی بۆ سعودیە ڕاگرت تاکو کوشتنی خاشقچی ڕوندەبێتەوە
وەزیری نەوتی ئێران:هیچ وڵاتێک ناتوانێت بۆشایی نەوتی ئێران پڕبکاتەوە
بریتانیا،ئەڵمانیا و فەرەنسا: هیچ شتێک ڕەوایەتی بە کوشتنی خاشقچی نادات
هەسەدە: لەڕوبەڕوبونەوەیەکدا شەش چەکداری داعس کوژراون
بەلەمێکی کۆچبەران لەتورکیا نوقمبوو
ترەمپ و ئەردۆغان بەڵینی ئاسایی کردنەوەی پەیوەندیەکانیاندا
جۆ بایدن:ئیدارەکەی ترەمپ ناوبانگی ڕەوشتی ئێمەی لەکەدار کردوە
دوو وەزیری حکومەتەکەی ڕۆحانی دەستیان لەکارکێشایەوە
نەتەوە یەکگرتوەکان داوای لێپرسینەوە لە کوژرانی خاشقچی دەکات
ترەمپ:گێرانەوەکانی سعودیە لەسەر کوژرانی خاشقچی ڕاستن

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە