عەبادی بەشداری هەڵبژاردنی پەرلەمانی كوردستان دەكات
PM:05:11---27-05-2018
ئه‌م بابه‌ته 10785 جار خوێنراوه‌ته‌وه‌‌
لڤین:
سەرۆكی لیستی نەسڕ بەسەرۆكایەتی حەیدەر عەبادی، رایدەگەیەنێت بڕیارە وەك كیانێكی سیاسی لەكۆمسیۆنی هەرێم ناویان تۆماربكەن‌و بەشداری هەڵبژاردنی داهاتووی هەرێمی كوردستان بكەن.

بەشێك لەو حزب‌و قەوارە سیاسییە عەرەبییە عێراقییانەی كە لەهەرێمی كوردستان بە لیستی جیا بەشداری هەڵبژاردنی ئەنجوومەنی نوێنەرانی عێراقیان كرد، لەخۆئامادەكردندان بۆ ئەوەی بەشداری لەهەڵبژاردنی پەرلەمانی كوردستان بكەن كە بڕیارە لە 30ی ئەیلوولی 2018 بەڕێوە بچێت.
 
جەرجیس گولیزادە، سەرۆكی لیستی نەسڕ لە هەولێر، بە ڕۆژنامەی(ژیان)ی وت "بۆ بەشداریكردن لەهەڵبژاردنی پەرلەمانی كوردستان  قسە كراوەو بڕیارە وەك كیانێكی سیاسی لەكۆمسیۆن ناوی قەوارەكە تۆمار بكەین‌و بەتابیعێكی كوردی‌و لەچوارچێوەی عێراقی‌و دەستوردا، بەكاندیدی كوردی لەپارێزگاكانی هەرێمی كوردستان بەشداری لەهەڵبژاردنی پەرلەمانی كوردستان بكەین".

وتیشی "كاندیدەكان خەڵكی ئەو پارێزگایانە دەبن كە خۆیانی بۆ كاندیدی دەكەن. دەمانەوێت ببینە پردێك لەنێوان هەولێرو بەغدادو بۆ ئەوەی زیاتر سەرچاوەی بڕیاری سیاسی لەبەغداد نزیك بێتەوە تا بەشدار بێت لەچارەسەركردنی كێشەكانی نێوان هەرێم‌و بەغداد".
 
لیستی نەسڕ، لەهەڵبژاردنی پەرلەمانی عێراقدا لەپارێزگاكانی سلێمانی‌و هەولێر‌و دهۆك 2500 دەنگی هێنا‌و یەكەم ئەزموونی جوڵانەوەیەكی عەرەبی بوو لەپارێزگاكانی هەرێمی كوردستان بەشداری هەڵبژاردن بكات.

 سەرچاوەیەك لەكۆمسیۆنی باڵای هەڵبژاردنەكانی هەرێم بەمەرجی ناونەهێنانی بە (ژیان)ی وت "هەر قەوارەیەكی عەرەبی عێراقی بەبێ‌ كاندیدی كوردی‌و بەكاندیدی عەرەبی دەتوانێت بەشداری هەڵبژاردن بكات چونكە هەرێمی كوردستان سەر بەعێراقەو یەك یاسا حوكمی دەكات‌و هەر قەوارەیەكی كوردی‌و عەرەبی مافی بەشداریكردنی هەیە".

ئەو سەرچاوەیە، وتیشی "لەكوردستانیش خەڵك هەیە عەرەبەو لێرە نیشتەجێیەو مافی خۆیانە ئەوانیش بەشداری پڕۆسەی هەڵبژاردن بكەن بەقەوارەی عەرەبی‌و بەكاندیدی عەرەبیش بەشداری هەڵبژاردن بكەن".





تەقینەوەیەک لە حەسەکە ڕویدا
کەش و هەوای ئەمڕۆ و سبەینێ
چوارقوڕنە:لەڕوداوێکی هاتوچۆدا کەسێک گیانی لەدەستدا
لە جولەمێرگ قەدەغەی هاتوچۆ لە زیاتر لە ٣٠ ناوچە ڕاگەیەنرا
کۆمسیۆن ٢٠٠ هەزار ناوی لەتۆماری دەنگدەران سڕیوەتەوە
بەرهەم ساڵح:دژی ئەو هێرشانەین لەلایەن حیزبەکانی ڕۆژهەڵاتی کوردستانەوە دەکرێتە سەر ئێران
پۆلیسی سلێمانی: چەند تۆمەتبارێک دەستگیر کراون کە فەرمانی پێشتریان هەبووە
ئەمڕۆ ڕێگای کەرکوک- هەولێر بەفەرمی دەکرێتەوە
سبەینێ ڕێگای نێوان کەرکوک – هەولێر دەکرێتەوە
بازیان:بەهۆی شەڕی نێوان دوو بنەماڵە سێ کەس بریندار بوون
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە