هەوڵێكی ئاشتەوایی لەنێوان پەیەدە‌و ئەنەكەسە هەیە
PM:05:19---27-05-2018
ئه‌م بابه‌ته 3159 جار خوێنراوه‌ته‌وه‌‌
لڤین:
هەوڵێكی ئاشتەوایی لەنێوان پارتی یەكێتی دیموكرات "پەیەدە"‌و ئەنجومەنی نیشتمانی كورد لە سوریا "ئەنەكەسە" لە ئارادایە‌و هەردوولا لە رێككەوتن نزیك دەبنەوە.

ڕۆژنامەی (ژیان) زانیویەتی كۆبونەوە لەنێوان ئەنەكەسەو پەیەدەدا ئەنجامدراوە‌و ئەنەكەسە بۆ چارەسەركردنی كێشەكانی نێوانیان داوای ئازادكردنی دیلەكان‌و رێگەدان بەكردنەوەی بنكەو بارەگاكانیان لەهەموو شارو ناوچە جیاجیاكانی رۆژئاوای كوردستانی كردووە.

سلێمان عەرەب، نوێنەری "پەیەدە" لەهەرێمی كوردستان، بە (ژیان)ی وت "ماوەیەكی درێژ بوو پەیوەندی نێوان پەیەدەو لایەنەكانی تری رۆژئاوای كوردستان پچرابوو، لەمەشدا زۆنی زەرد لەباشوری كوردستان رۆڵێكی خراپی دەگێڕا، بەخۆشحاڵیەوە ئێستا پەیوندی نێوان لایەنەكان تاڕادەیەك ئاسایی بۆتەوە".

عەرەب،وتی "بۆ زووتر چارەسەری كێشەی نێوان پەیەدە‌و لایەنەكانی دیكە، ئێستا هەوڵی زیاتر لەئارادایە كە بەپێی هەلومەرجی ئێستای ناوچەكە، هەموو لایەك هەوڵی زیاتر دەدەن لەپێناو چارەسەری كێشەكانیان".

چەند ساڵێكە ئەنەكەسە‌و پەیەدە ناكۆكی لەنێوانیاندا هەیە‌و پەیەدە، ئەنەكەسە بە نزیك لەتوركیا دەزانێت‌و بەو هۆیەشەوە رێگە بەكردنەوەی بارەگاكانی نادات، ئەنەكەسەش تا ئێستا دانی بە خۆبەڕێوەبەری رۆژئاوای كوردستاندا نەناوە. پێشتر چەند هەوڵێكی ئاشتەوایی لەنێوان هەردوولا هەبوون، بەڵام هیچ كام لە هەوڵەكان سەریان نەگرتووە.

جەدعان عەلی، نوێنەری ئەنەكەسە لەهەرێمی كوردستان، داوا دەكات پەیەدە قسەكان بكاتە كردار‌و زەمینەش لەبار بكات‌و رێگەیان پێبدت بچنەوە ڕۆژئاوا‌و بنكەو بارەگاكانیان بكەنەوە.

جەدعان عەلی، بە (ژیان)ی وت "ئێمە وەك ئەنەكەسە ئامادەین كێشەكانمان چارەسەر بكەین‌و بەیەكەوە چارەسەرێك بۆ دۆخی سوریا دابنێین، چونكە دۆخی ئێستا كوردو ناوچەكە پێویستە بە كۆدەنگی ئێمە هەیەو ئامادەین بۆ یەكێتی كوردان".





پەرلەمانتاری هەدەپە:تاگۆشەگیری سەر ئۆجەلان بەردەوامبێت هیچ شتێک لەرۆژهەڵاتی ناوەڕاست ناکەوێتە سەر سکە
ماوەی وەرگرتنی قوتابیانی ١٢ی ئامادەیی لە زانکۆ وپەیمانگاکان درێژکردەوە
کەش و هەوای ئەمڕۆ و سبەینێ
فەرمانبەرانی گومرگی کەرکوک – سلێمانی دەستگیرکران
كۆمسیۆن ده‌نگۆیه‌ك ره‌ت ده‌كاته‌وه‌
ژماره‌یه‌ك به‌رپرس و ئه‌فسه‌ری كورد به‌تۆمه‌تی بازرگانی كردن له‌گه‌ڵ داعش ده‌ستگیركران
بەغداد بریارێک بۆ وەرگرتنی خوێندکاران دەردەکات
هەدەپە داوای هەڵوەشاندنەوەی سیستمی جاشایەتی دەکات
هەولێر: باوك و كوڕێك لەسەر دزینی ئۆتۆمبێلێك دەستگیركران
نمه‌باران له‌ هه‌ندێك ناوچه‌ به‌رده‌وام ده‌بێت

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە