مستەفا قەرەسو:ئەوە قەندیل لەجێگەی خۆیەتی ئەگەر تورکیا ئەتوانێت بابێت
PM:12:21---12-06-2018
ئه‌م بابه‌ته 1555 جار خوێنراوه‌ته‌وه‌‌
مستەفا قەرەسو ئەندامی دەستەی بەڕێوەبەریی كەجەكە رایگەیاند ئەگەر دەسەڵاتی ئاكەپە و مەهەپە لە توانایدا بێت، ئەوە بۆ ساتێكیش راناوەستن و خێرا ڕوو لە قەندیل دەكەن، ئەگەر تاوەكو ئێستا ئەوەیان نەكردووە هۆكارەكەی بۆ ئەوە دەگەڕێتەوە كە پێیان ناكرێت و لە توانایاندا نییە.

مستەفا قەرەسو لەنوسینێکیدا لە رۆژنامەی یەنی ئۆزگیور پۆلیتیكا نوسیویەتی ئاكەپە ماوەی سێ ساڵە بە هەموو تواناكانییەوە هێرش دەكاتە سەر بزووتنەوەی ئازادیی گەلی كوردستان، بەڵام هەر چی دەكات ناتوانێت ئەنجامێك بە دەست بهێنێت و ئێستا خۆی بەرەوە هەڵوەشانەوە دەڕوات.

هەروەها دەڵێ دەسەڵاتی ئاكەپەو مەهەپە لە ساڵی ٢٠١٨دا هەم لە ناوخۆ و هەم لە دەرەوە زۆر تەنگاو بووە، سەرباری ئەوەی هێرشیان بۆ سەر عەفرین بۆ ئەوە بوو لە دەسەڵاتدا بمێننەوە، بەڵام ئەو هێرشە پشتیوانی كۆمەڵگەی لەو ئاستەدا بۆ ئاكەپە دەستەبەر نەكردووە، كە لەسەر دەسەڵاتدا بیهێڵێتەوە.

ئاماژەی بەوەشداوە یاشار بیوكانت، سەرۆك ئەركانی گشتیی توركیا، پێش چەند ساڵێك وتبوی چوون بۆ قەندیل ئاسان نییە، چونكە ئەوەندە دۆڵ و چیای هەیە، كە باڵادەستیی تیادا دروست نابێت، و ئەگەر دەسەڵاتی ئاكەپە و مەهەپە لە توانایدا بێت، ئەوە بۆ ساتێكیش راناوەستن و خێرا ڕوو لە قەندیل دەكەن، ئەگەر تاوەكو ئێستا ئەوەیان نەكردووە هۆكارەكەی بۆ ئەوە دەگەڕێتەوە كە پێیان ناكرێت و لە توانایاندا نییە.

ڕاشیگەیاندوە قەندیل لە شوێنی خۆیەتی، كێ دەیەوێت دڵنیا بێتەوە، ئەوا با دەست لە پڕوپاگەندەی دەروونی هەڵگرێت و كڵاوە سوور و شین و رەشەكانیان بكەنە سەریان و بە سرودی مەهتەر (سرود و مۆسیقای سوپای عوسمانییەكان) بەرەو قەندیل بكەونەڕێ.




پەرلەمانتاری هەدەپە:تاگۆشەگیری سەر ئۆجەلان بەردەوامبێت هیچ شتێک لەرۆژهەڵاتی ناوەڕاست ناکەوێتە سەر سکە
ماوەی وەرگرتنی قوتابیانی ١٢ی ئامادەیی لە زانکۆ وپەیمانگاکان درێژکردەوە
کەش و هەوای ئەمڕۆ و سبەینێ
فەرمانبەرانی گومرگی کەرکوک – سلێمانی دەستگیرکران
كۆمسیۆن ده‌نگۆیه‌ك ره‌ت ده‌كاته‌وه‌
ژماره‌یه‌ك به‌رپرس و ئه‌فسه‌ری كورد به‌تۆمه‌تی بازرگانی كردن له‌گه‌ڵ داعش ده‌ستگیركران
بەغداد بریارێک بۆ وەرگرتنی خوێندکاران دەردەکات
هەدەپە داوای هەڵوەشاندنەوەی سیستمی جاشایەتی دەکات
هەولێر: باوك و كوڕێك لەسەر دزینی ئۆتۆمبێلێك دەستگیركران
نمه‌باران له‌ هه‌ندێك ناوچه‌ به‌رده‌وام ده‌بێت

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە