سەدر ئامۆژگاری بەرپرسانی عیراق دەکات لە بەڕێوەبردنی وڵات
PM:02:51---09-07-2018
ئه‌م بابه‌ته 643 جار خوێنراوه‌ته‌وه‌‌
لڤین:
موقته‌دا سه‌در رێبه‌رى ره‌وتى سه‌در و سه‌رۆكى ئیئتلافى سائیرون، له‌ تویتێكدا له‌ هه‌ژمارى تایبه‌تى خۆى له‌ تۆڕى كۆمه‌ڵایه‌تى تویته‌ر بڵاویكرده‌وه‌، چه‌ند ئامۆژگارییه‌كى هێزه‌ سیاسییه‌كان ده‌كات و ده‌شڵێت "با هانا بۆ وڵاتانى دراوسێ ببه‌ین، ئه‌گه‌ر حكومه‌تى عێراقى ناتوانێت ئاو و کارەبا دابین بکات".

موقته‌دا سه‌در رێبه‌رى ره‌وتى سه‌در و سه‌رۆكى ئیئتلافى سائیرون، له‌ تویتێكدا ده‌ڵێت "له‌به‌ر خوشه‌ویستیم بۆ عێراق ئه‌م ئامۆژگارییانه‌ جێبه‌جێبكه‌ن".

دەشڵێت "پێویسته‌ قه‌واره‌ سیاسییه‌كان په‌یوه‌ندى و دانوستان له‌گه‌ڵ ئه‌مریكا و وڵاتانى دراوسێدا ببڕن، سه‌باره‌ت به‌ پێكهێنانى هاوپه‌یمانى و دواى هاوپه‌یمانى، چونكه‌ ئه‌وه‌ كارى ناوخۆیى ئێمه‌ى عێراقییه‌كانه‌ و كارى كه‌سى تر نییه‌".

له‌ خاڵێكى ترى ئامۆژگارییه‌كانیدا سه‌در ده‌ڵێت "ئامۆژگارى هه‌موو قه‌واره‌ سیاسییه‌كان ده‌كه‌م، دور بكه‌ونه‌وه‌ له‌ سه‌نگه‌رگرتن و هاوپه‌یمانێتییه‌ تایه‌فى و نه‌ژادییه‌ بێزراوه‌كان، من بۆخۆم هه‌موو سه‌نگه‌رگرتنێكى شیعى یان سوننى یان كوردى یاخود جگه‌ له‌وانه‌ ره‌تده‌كه‌مه‌وه‌، من له‌وپه‌ڕى ئاماده‌ییدام بۆ هاوكارى له‌ پێناو دورستكردنى هاوپه‌یمانێتى نا تایه‌فى لە ده‌ره‌وه‌ى پشك پشكێنه‌ى حزبى، تایه‌فى و نه‌ته‌وه‌یى".

یه‌كێكى ترى ئامۆژگارییه‌كانى سه‌در جه‌ختده‌كاته‌وه‌ "خه‌ڵك لە گه‌رمادا ده‌ناڵێنن، له‌گه‌ڵ بێ ئاوی و بێ كاره‌باییدا ناڕەحەتن، ئه‌گه‌ر حكومه‌ت تواناى نییه‌، با به‌په‌له‌ په‌نا بباته‌ به‌ر وڵاتانى دراوسێ بۆ چاككردنى ئاو و كاره‌با و كه‌رتى ته‌ندروستى و په‌روه‌رده‌، له‌ جیاتى ئه‌وه‌ى په‌نایان بۆ ببه‌ن بۆ پێكهێنانى حكومه‌ت".



دوای هێرشەکەی ئەمڕۆ ئێران دوو دەروازەی سنوری لەگەڵ عێراق داخست
ئۆپەراسیۆنیکی سەربازی فراوان دژی داعش لە ڕۆژئاوای عێراق دەستیپیکرد
لە ڕۆژی عاشورادا شیعەکان شیوەن دەگێڕن
باڵوێزی عێراق لە ئێران بانگهێشت دەکرێتەوە
وتەبێژی فەتح:بەرهەم ساڵح لای ئێمە کەسێکی پەسەندکراو و ڕێزلێگیراوە
سائیرون بون بە ئۆپۆزسیۆن هەڵدەبژیرێت
لەتەقینەوەیەکدا دوو کەس کوژران و ژمارەیەکیش بریندار بوون
باڵوێزخانەی ئەمریکا هەواڵی کۆبونەوەی برێت مەکگۆرک و قاسم سولەیمانی ڕەتدەکاتەوە
ئەمڕۆ پەرلەمانی عێراق کۆدەبیتەوە
محەمەد حەلبوسی بەسەرۆکی پەرلەمانی عێراق هەڵبژێرا
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە