پەرلەمانی کوردستان خوێندنەوەی دووەم بۆ پرۆژەیاسای هەڵپەساردنی دەسەڵاتەکانی سەرۆکی هەرێم دەکات
AM:11:42---11-07-2018
ئه‌م بابه‌ته 511 جار خوێنراوه‌ته‌وه‌‌
ئەمڕۆ پەرلەمانی کوردستان جارێکی دیکە کۆدەبێتەوە و بەپێی بەرنامەی کاری کۆبونەوەکە خوێندنەوەی دووەم بۆ پڕۆژە یاسای هەڵپەساردنی دەسەڵاتەکانی سەرۆکایەتی هەرێم دەکات.

لەڕاگەیەنراوێکدا سەرۆکایەتی پەرلەمانی کوردستان بەرنامەی کاری کۆبونەوەکەی ئەمڕۆی بڵاوکردەوە و رایگەیاند بەپێی حوكمەكانی بڕگە (١)ی ماددە (٢٠) لە پەیڕەوی ناوخۆی پەرلەمانی كوردستان-عیراق، ژمارە (١)ی ساڵی ١٩٩٢ی هەمواركراو، دەستەی سەرۆكایەتیی پەرلەمان بڕیاریدا بەرنامەی كاری دانیشتنی ژمارە (٦)ی ئاساییی خولی بەهارەی ساڵی پێنجەم لە خولی هەڵبژاردنی چوارەمی پەرلەمان، لە كاتژمێر (١١)ی پێشنیوەڕۆی رۆژی چوارشەممە رێكەوتی ١١/٧/٢٠١٨، بەمشێوەیە بێت.

یەكەم: خوێندنەوەی یەكەمی پڕۆژە یاسای (هەمواری پەیمانگەی دادوەری لە هەرێمی كوردستان)، بەپێی ماددەی (٧١) لە پەیڕەوی ناوخۆی پەرلەمانی كوردستان، ژمارە (١)ی ساڵی ١٩٩٢ی هەمواركراو.

دووەم: گفتوگۆكردنی پڕۆژە یاسای (هەڵپەساردنی دامەزراوەی سەرۆكایەتیی هەرێم)، بەپێی مادەكانی (٧٢،٧٤،٧٥) لە پەرلەمانی كوردستان ژمارە (١)ی ساڵی ١٩٩٢ی هەمواركراو.

سێیەم: گفتوگۆكردنی پڕۆژە بڕیاری (پێشواز بەپێی پرۆتۆكۆل لە فڕۆكەخانەكان و خاڵە سنوورییەكان تایبەت بە پێشوازی لە ئەندامانی پەرلەمانی كوردستان، ئەنجوومەنی وەزیران و هاوتا وەزیفییەكانیان)، بەپێی مادەكانی (٧٢،٧٤ ،٧٥) لە پەرلەمانی كوردستان ژمارە (١)ی ساڵی ١٩٩٢ی هەمواركراو.

خاڵی چوارەم و كۆتایی بەرنامەی كاریش بریتی-یە لە گفتوگۆكردنی پڕۆژەی پەیڕەوی ناوخۆی پەرلەمانی كوردستان، كە لەلایەن لیژنەی كاتی بۆ پێداچوونەوەی پەیڕەوی ناوخۆ ئامادەكراوە، بەپێی بڕیاری ژمارە (٢٦)ی ساڵی ٢٠١٤ و بڕگەی (٨) لە ماددەی (پەنجاو شەشەم)ی یاسای هەڵبژاردنی پەرلەمانی كوردستان ژمارە (١)ی ساڵی ١٩٩٢ی هەمواركراو و پاڵپشت بە ماددەی (٩٤)ی پەیڕەوی ناوخۆی پەرلەمانی كوردستان ژمارە (١)ی ساڵی ١٩٩٢ی هەمواركراو.




وادەی دابەشکردنی نەوتی سپی لەگەرمیان ئاشکرا کرا
ڕۆژێک پشوو ڕاگەیەنرا
گۆڕان: ئەجێندای هیچ لایەنێك قبوڵ ناكەین
پارتی: لایەنەكان دەبێت رەفتارەكانی رابردوویان دووبارە نەكەنەوە
ئەندامێكی سەركردایەتی یەكێتی: مەرجەكانی پارتی ئێمە ناگرێتەوە
دەوامی خوێندكارانی وەرگیراو لە زانكۆ و پەیمانگاكان دەستیپێكرد
داواکارییەکانی یەکێتی و گۆڕان لە پارتی بۆ کابینەی داهاتووی حکومەت بڵاوکرایەوە
ئەگەر ئەمریکاش وەک تورکیا کورد و پەکەکە جیا بکاتەوە دەبێتە پاکتاوکەر و قڕکەر
کەش و هەوای ئەمڕۆ و سبەینێ
یەکەمین دیداری هاتوچۆ لەسلێمانی ڕێکخرا

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە