شه‌ره‌كه‌ی قه‌زای رواندز به‌رده‌وامه‌ و كوژرا و برینداری زیاتر هه‌یه‌
PM:05:40---09-08-2018
ئه‌م بابه‌ته 7966 جار خوێنراوه‌ته‌وه‌‌
لڤین:
دوای ئەوەی ئەمڕۆ پێنجشەممە هاوڵاتیەكی دانیشتوی گوندی بنمێردە سەر بە قەزای رەواندز كوژرا و كه‌سێكی تریش بریندار بوو به‌هۆی كێشه‌یه‌كی كۆمه‌ڵایه‌تیه‌وه‌، كەسوكاری كوژراو و بریندارەكە لەگەڵ بكەرانی ڕووداوەكە جارێكی دیكە ڕووبەڕووی یەك بوونەوە و تاكو ئێستاش شەڕ بەردەوامە و ژمارەی كوژراو و بریندارەكان گەیشتۆتە پێنج كەس.

رائید سەعدون هاودیانی، وتەبێژی پۆلیسی سۆران رایگەیاند"شەڕی نێوان ئەو دوو بنەماڵەیە لە گەروی بنمێردە لە سنوری رواندز بەردەوامە و هێزەكان سەرقاڵی هێوركردنەوە و كۆنتڕۆڵكردنی شەڕەكەن و هەردوو بنەماڵە بەرامبەر یەكتر وەستاونەتەوە و تەقە لەیەكتر دەكەن". 

ئه‌وه‌شی بۆدوارۆژ ئاشكرا كردوه‌"لەسەرەتادا هاوڵاتییەك كوژرا و برایەكیشی بریندار بوو، دواتر شەڕ لە نێوان هەردوو بنەماڵەكە دەستیپێكردەوە و لە ئێستادا ژمارەی كوژراو و بریندارانی شەڕەكە گەیشتۆتە پێنج كەس، سێ كەس كوژراون و دوانی دیکەش برینداربوون.

 به‌پێی زانیارییه‌كان كورژراوه‌كانی دوای روداوی  كوشتنی یه‌كه‌م  له‌خانه‌واده‌ی  ئه‌و كه‌سه‌ن كه‌ به‌یانی ئه‌مڕۆ كوژراوه‌. 




زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە