چەند كاندیدێكی پەرلەمانی كوردستان پێشینەی تاوانیان هەیە
PM:04:44---19-08-2018
ئه‌م بابه‌ته 3176 جار خوێنراوه‌ته‌وه‌‌
لڤین:
نزیكەی 40 كاندیدی لایەنە سیاسیەكانی هەرێمی كوردستان بۆ هەڵبژاردنی پەرلەمانی كوردستان پێشینەی تاوانیان هەبووە، یەكێكیان بەهۆی ئەوەی حوكمی هەتا هەتایی هەبووە ناوەكەی لەلایەن وەزارەتی ناوخۆ پەسەند نەكراوە و داوا لەقەوارە سیاسییەكەی كراوە بیگۆڕێت بە كەسێكی تر.

ڕۆژنامەی ژیان لەسەرچاوەیەك لەناو كۆمسیۆنی باڵای سەربەخۆی هەڵبژاردن و راپرسی هەرێمی كوردستان زانیوویەتی"نزیكەی 40 كاندیدی خولی پێنجەمی پەرلەمانی كوردستان پێشینەی تاوانیان هەبوە و یەكێك لەوانەش بەهۆی ئەوەی تاوانەكەی حوكمی هەتا هەتایی تیادا وەرگیرابوو، ناوەكەی پەسەند نەكرا و رەتكرایەوە". 

لەبارەی پێشینەی تاوانی كاندیدەكانی تریش، سەرچاوەكە ئاماژەی بەوە كرد "پێشینەی تاوانی ئەوانی دیكە جۆراو جۆر بووە لەنموونەی شەش مانگ و دوو مانگ حوكمدان و سەرپێچی هاتوچۆ  ...هتد". 

 بەپێی یاسایی عێراقی كە بە پشتبەستووە بەبڕیارەكانی رژێمی پێشووی عێراق هەر كەسێك بە تاوانی لەكەدار(لەكەدار بە شەرەف تاوانەكانی دزی و گەندەڵی و خواردنی پارەی دەوڵەت و تەزویر) تۆمەتبار كرابێت ناكرێت كاندید بكرێت بۆ پلەی نوێنەرایەتی ئەنجوومەنی پارێزگاكان و پەرلەمان و ئەمە جگە لەوەی هەر كەسێك ئەو تاوانەی بەسەردا ساخبوەوە لەوەزیفەدا فەسڵ دەكرێت و قابیلی ئەوە نییە ببەخشرێت.

سەرچاوەكەی كۆمسیۆن بۆ (ژیان)ی روونكردەوە "یەكێك لەكاندیدەكان حوكمەكەی هەتا هەتایی بووە و ئەو لایەنەی كاندیدی كردبوو داوای لێكرا و گۆڕی".  

ئەو سەرچاوەیە جەختی لەسەر ئەوە كردەوە كە كاندیدە لادراوەكە كاندیدی قەوارە سیاسییە كوردییەكان نەبووە. 




کەش و هەوای ئەمڕۆ و سبەینێ
کۆمسیۆن بۆ ڕێگری کردن لەساختەکاری داوایەک ئاڕاستەی هاوڵاتیان دەکات
وەزارەتی ناوخۆی حکومەتی هەرێم ئاگاداریەک بڵاودەکاتەوە
هەپەگە: ٢٨ سەربازی تورکیا لەباکور کوژراون
سبەی ئەم شوێنانە موچە وەردەگرن
قوباد تاڵەبانی لەسەر گرتە ڤیدیۆیی هێرش کردنە سەر گەنجەکە هاتە دەنگ
سەرۆکی پەرلەمانی عێراق گەیشتە هەولێر
فەرید ئەسەسەرد:بەرهەم ساڵح کاندیدی فەرمی یەکێتیە و لەتیف ڕەشید کاندیدی یەکێتی نیە
کەش و هەوای ئەمڕۆ و سبەینێ
قەڵادزێ:کچ و کوڕێک گیانیان لەدەستدا
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە