ڤیدیۆ: سه‌رۆك وه‌زیرانی ئه‌بخازیا له‌ رووداوێكی هاتووچۆ گیانی له‌ده‌ستدا
PM:12:45---09-09-2018
ئه‌م بابه‌ته 1725 جار خوێنراوه‌ته‌وه‌‌
لڤین:
ئاژانسی هه‌واڵی سپوتنیك، گرته‌یه‌كی ڤیدیۆیی شوێنی رووداوێكی هاتووچۆی بڵاوكرده‌وه‌، كه‌ تێیدا گینادی گاگولیا، سه‌رۆك وه‌زیرانی ئه‌بخازیا گیانی له‌ده‌ستدا.

رووداوه‌كه‌ی هاتووچۆ دوای ئه‌وه‌بووه‌، كه‌ سه‌رۆك وه‌زیرانی ئه‌بخازیا له‌ سه‌ردانێكی دیپلۆماسی له‌ سووریا گه‌ڕاوه‌ته‌وه‌ و دواتری به‌ هۆی رووداوی هاتوچۆكه‌ گیانی له‌ده‌ستداوه‌.

ئۆتۆمبێله‌كه‌ی سه‌رۆك وه‌زیران، له‌ كاتی گه‌ڕانه‌وه‌یدا بۆ خۆسومی پایته‌خت، له‌ ناوچه‌ی گوداووتا، تووشی رووداوه‌كه‌ بووه‌.

گینادی گاگولیا، له‌ دایكبووی ساڵی 1948ـه‌، پێشتر بۆ دوو خولی جیاواز و له‌ ماوه‌ی ساڵانی 1995 – 1997 و 2002-2003 سه‌رۆك كۆماری ئه‌بخازیا بووه‌.

ئه‌بخازیا وه‌ك ناوچه‌یه‌كی كێشه‌ له‌سه‌ر، له‌ ساڵی 1991ه‌وه‌ جیابوونه‌وه‌ی خۆی له‌ جۆرجیا راگه‌یاندووه‌ و دواتریش كۆماری ئه‌بخازیا بۆ به‌ڕێوه‌بردنی ناوچه‌كه‌ راگه‌یه‌ندرا.

ئه‌گه‌رچی ته‌واو جیاواز و سه‌ربه‌خۆیه‌ له‌ جۆرجیا، به‌ڵام تا ئێستا جگه‌ له‌ رووسیا، نیكاراگوا، ناورۆ و سووریا، هیچ وڵاتێكی دیكه‌ دانی به‌ سه‌ربه‌خۆیی ئه‌بخازیا دانه‌ناوه‌.

ئه‌بخازیا یه‌كێكه‌ له‌و وڵاتانه‌ی ده‌كه‌وێته‌ سه‌ر ده‌ریای ره‌ش و له‌ باكووری رۆژهه‌ڵات و باكووره‌وه‌ دراوسێی رووسیایه‌ و له‌ باشووریش جۆرجیا.





هاوسه‌رێكی نهێنی جه‌مال خاشوقچی له‌ كه‌نداوه‌وه‌ ده‌ركه‌وت
بەهۆی زیادبوونی نرخی سوتەمەنی فەرەنسا خۆپیشاندان دەکات
تره‌مپ بۆ میشێل ئۆباما: له‌ مێرده‌كه‌ت خۆش نابم
په‌رله‌مانی ئه‌وروپا داوای سه‌پاندنی گه‌مارۆی چه‌ك به‌‌سه‌ر سعودیه‌دا ده‌كات
ئه‌مه‌ریكا بیرۆكه‌كه‌ی ماكرۆن ره‌تده‌كاته‌وه‌
میلانیا له‌ كۆشكی سپی ئافره‌تێكی به‌ ده‌ركردن دا
داواكاری گشتی سعودیه‌ په‌رده‌ له‌سه‌ر 24 نهێنی کوشتنی خاشوقچی هه‌ڵده‌داته‌وه‌
وەزیری دەرەوەی تورکیا سەردانی واشنتۆن دەکات
شازاده‌ی سعوودیه‌ فه‌رمانی كوشتنی خاشوقچی ده‌ركردووه‌
ژمارەی قوربانیانی ئاگرەکەی کالیفۆرنیا لە زیادبووندایە

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە