شەش کاندیدی کورد دەبنە پەرلەمانتار له‌ سوید
PM:02:35---16-09-2018
ئه‌م بابه‌ته 1601 جار خوێنراوه‌ته‌وه‌‌
لڤین:
جه‌بار ئه‌مین، په‌رله‌مانتاری سوید رایده‌گه‌یه‌نێت، تا ئێستا 6 كه‌سی به‌ ره‌چه‌ڵه‌ك كورد، وه‌ك په‌رله‌مانتاری خوولی نوێی په‌رله‌مانی سوید هه‌ڵبژێردراون.

جه‌بار ئه‌مین، كه‌ بۆ دوو خوولی له‌ سه‌ریه‌ك له‌ لیستی پارتی سه‌وز (پارتی ژینگه‌)، ئه‌ندامی په‌رله‌مانی سوید بووه‌، له‌ ئه‌كاونتی خۆی له‌ تۆڕی كۆمه‌ڵایه‌تی فه‌یسبووك بڵاویكردووه‌ته‌وه‌، دوای پرۆسه‌ی ده‌ستپێكردنی هه‌ژماركردنی ده‌نگه‌كان، ده‌ركه‌وتووه‌، شه‌ش كورد بوونه‌ته‌ په‌رله‌مانتار.

به‌ گوێره‌ی نووسینه‌كه‌ی جه‌بار ئه‌مین، هه‌ریه‌ك له‌ (لاوێن رێدار - پارتی سوسیال دیموکرات، گۆڵان ئاڤچی - پارتی لیبرال، سەرکان کۆسێ - پارتی سوسیال دیموکرات، قادر کاسیرگە - پارتی سوسیال دیموکرات، سارا سێپپەلە - پارتی دیموکراتە سویییدییەکان) ده‌رچوونه‌.

جه‌بار ئه‌مین، ده‌ڵێت"به‌ گوێره‌ی بەدواچوونێکی خۆم، بەلایەنی کەم 42 لە کاندیدەکانی پەرلەمانی سوید بەڕەچەڵەک کوردن، لەوانە 64٪ی ڕەگەزی نێرن و 36٪ی ڕەگەزی مێن".

ئاماژه‌ به‌وه‌ش ده‌كات، ته‌نها لە شار وهەرێمی ستۆکهۆڵم زیاتر لە 10 کاندیدی بەڕەچەلەک کورد هەیە.

ئه‌و په‌رله‌مانتاره‌ كورده‌ی سوید، روونیشی ده‌كاته‌وه‌، پێده‌چێت ژماره‌ی په‌رله‌مانتارانی كورد له‌و وڵاته‌ زیاتر بێت و ئاماژه‌ به‌وه‌ ده‌كات، ئه‌گه‌ر هه‌یه‌ (ئەمینە کاکە باوە)، له‌ پارتی چەپ، ده‌ربچێت.

ئاشكراشی ده‌كات، چه‌ند كوردێكیش وه‌ك په‌رله‌مانتاری یه‌ده‌گ ده‌بن، كه‌ هه‌ریه‌كه‌ له‌ (ژین ئاکگوڵ حاجۆ) لە پارتی چەپ و (شادیە حەیدەری) لە پارتی سوسیال دیموکراتن.

بۆ هه‌ڵبژاردنی 9ی ئه‌یلوول/ سێپتێمبه‌ری ئه‌مساڵ، زیاتر له‌ 40 كورد خۆیان كاندید كردبوو و پێده‌چێت نزیكه‌ی 7 كه‌سیان وه‌ك په‌رله‌مانتار هه‌ڵبژێردرێن، كه‌ له‌ پارته‌ جیاجیاكانی سویدن.

زیاتر له‌ 6 هه‌زار كه‌س له‌ سه‌رتاسه‌ری سوید، بۆ به‌ده‌ستهێنانی 349 كورسی په‌رله‌مانی ئه‌و وڵاته‌ كێبڕكییان ده‌كرد.



خوێندکارانی زانکۆی سلێمانی زیاتر لە چوار هەزار ئیمزایان دایە سەرۆکایەتی زانکۆ
وەزیری تەندروستی: بەراورد بە چەند ساڵی پێشوو تەندروستی خەڵک و دامەزراوەکان باشتر بووە
پۆلیسی سلێمانی چوارکەسی بەتۆمەتی جادوو و دەستدرێژی بۆسەر ژنان دەستگیرکرد
نێچیرڤان بارزانی:لەئایندەدا پەیوەندیەکانمان لەگەڵ بەغدا بەرەوپێش دەچێت
پارتی و یەکێتی ڕاگەیەنراوێکی هاوبەشیان بڵاوکردەوە
ئیسرائیل هه‌ڕه‌شه‌ی هێرشی سه‌ربازی له‌ ئێران ده‌كات
شاندی پارتی و یەکێتی لەکۆبونەوەدان
بەهۆی بارانەوە جارێکی تر ڕێگەی نێوان دەربەندیخان کەلار داخرا
فڕۆکەکانی تورکیا چەند ناوچەیەکی هەرێمیان بۆردومان کرد
کارەبای سلێمانی وەرگرتنی پارەی کارەبا ڕادەگرێت

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە