شوان داودی:هیچ بەرپرسێکی کورد ڕاستگۆ نیە لەپرسی کەرکوکدا
AM:09:33---11-10-2018
ئه‌م بابه‌ته 318 جار خوێنراوه‌ته‌وه‌‌
شوان داودی پەرلەمانتاری خولی پێشوی پەرلەمانی عێراق ڕایگەیاند بەرپرسانی کورد هیچ یەکێکیان ڕاستگۆ نین لەپرسی کەرکوکدا،و دەڵێ ئەوان وازیان لەکەرکوک هێناوە بەس ڕویان نایە ئاشکرای بکەن.

شوان داودی لەلێدوانێکیدا بۆ دەنگی ئەمریکا ڕایگەیاندوە سەرکردایەتی سیاسی کورد بە هەموو لایەنەکانەوە لە پرسی کەرکوکدا راستگۆ نیین، پرسی کەرکوکیان بەکارهێناوە بۆ خۆشگوزەرانی هەرێمی کوردستان، یان لەنێوان خۆیاندا بۆ موزایەداتی سیاسی بەکاریدەهێنن، باجەکەشی کوردی کەرکوک داویەتی.

دەشڵێ سنوری نێوان هەرێم و عێراق گۆڕانکاری بەسەردا هات بە تایبەتی دوای رێککەوتنی نێوان حکومەتی بەغدا و هەولێر و دوای ریفراندۆمی ٢٠١٧، ئەوەش کاتێک گومرگی فەرمی حکومەتی عێراق هێنرایەوە سەر چیمەن بۆ سنوری پارێزگای سلێمانی و گوندی کەلهوڕ بۆ سنوری هەولێر، ئەوە سنوورەکەیە، نەوەکو شاخی حەمرین.

هەروەها داودی باس لەئەندامانی ئەنجومەنی پارێزگای کەرکوک دەکات لەسەر لیستی پارتی و دەڵێ ئەندامەکانی پارتی لە ئەنجومەنی پارێزگای کەرکوک دەوام ناکەن، بەڵام موچەی مانگانە وەردەگرن.

ئاماژە بەوەدەکات کە خەڵکی کەرکوک یەک کیلۆ تەماتە لە هەولێر یان سلێمانییەوە ببەن بۆ کەرکوک دەبێت گومرگ بدەن، حسابی سنووری نێودەوڵەتی بۆ کراوە و جیا کراوەتەوە، "سەرکردایەتی کورد وازیان لە کەرکوک هێناوە، بەڵام لەروویان نایەت ئەوە رابگەیەنن.




خوێندکارانی زانکۆی سلێمانی زیاتر لە چوار هەزار ئیمزایان دایە سەرۆکایەتی زانکۆ
وەزیری تەندروستی: بەراورد بە چەند ساڵی پێشوو تەندروستی خەڵک و دامەزراوەکان باشتر بووە
پۆلیسی سلێمانی چوارکەسی بەتۆمەتی جادوو و دەستدرێژی بۆسەر ژنان دەستگیرکرد
نێچیرڤان بارزانی:لەئایندەدا پەیوەندیەکانمان لەگەڵ بەغدا بەرەوپێش دەچێت
پارتی و یەکێتی ڕاگەیەنراوێکی هاوبەشیان بڵاوکردەوە
ئیسرائیل هه‌ڕه‌شه‌ی هێرشی سه‌ربازی له‌ ئێران ده‌كات
شاندی پارتی و یەکێتی لەکۆبونەوەدان
بەهۆی بارانەوە جارێکی تر ڕێگەی نێوان دەربەندیخان کەلار داخرا
فڕۆکەکانی تورکیا چەند ناوچەیەکی هەرێمیان بۆردومان کرد
کارەبای سلێمانی وەرگرتنی پارەی کارەبا ڕادەگرێت

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە